Wt/mnw/ထၞောန်

From Wikimedia Incubator
< Wt‎ | mnwWt > mnw > ထၞောန်

မန်

  1. ထၞောန်

နာမ်

  1. ပသဲကဍိုၚ်ၚံက်ၚံက်နွံသီုကနေၚ်တုဲ ဒှ်သွက်သုၚ်စောဲ အရာမဍန်ကၚုဲနူဍာ်၊

ဖဵု

  1. ထၞောန်ဝွံ သုၚ်စောဲပ္ဍဲအရာမဍိုန်ကၚုဲတံဂှ် မၞိဟ်တံသုၚ်စောဲဒၟံၚ်စဵုကဵုလၟုဟ်အိုတ်ရ၊ ဟီုစိုပ်အာထၞောန် လ္ၚဵုကော်စခၞောန်ဏံဂှ်တှ်ေ ရဲနွံသၞေဟ်စောဝ်ကြုၚ်ၜဳတဴဂှ် ညးတံဂယျိုၚ်အာလမျီု နကဵုဂၠာဲၚုပီုကနကဵုထၞောန်လေဝ်နွံအိုတ်ရ၊ နဲကဲသုၚ်စောဲထၞောန်ဂှ်တှ်ေ တိတ်အာကဵုဂၠုၚ်ဖံၚ်တုဲ ဍိုန်ကဗီုဏံလေဝ်နွံရ၊ လ္ၚဵုဂှ် အခိၚ်ဍာ်ၜဳစှ်ေအာတုဲ နကဵုထၞောန်ပဒါန် ထပက်လဝ်တိုၚ်ဆုၜတ်မွဲဟတ်တုဲ ဒက်လဝ်မွဲတိုၚ်ကဵုတိုၚ်ဂှ် နွံဗၞတ်ၜိုတ်စှ်ဟတ်ပြၚ်ၚ်တုဲ အကြာတိုၚ်ဂှ် နွံထၞောန်ဒက်ဒကုဲလဝ် ၜိုတ်မသုန်တြဴတၞုၚ်နွံရ၊ ဗီုသာ်ဏံ ရဲညးဒေသၜဳတံဂှ် ညးတံကော်စ(ပဒါန်ထၞောန်)ရ၊ အခိၚ်ဍာ်ၜဳတေံတိုန်ဂၠိုၚ်တုဲ ကနာနာတံစပရန်ထၞောန်တံဂှ်တုဲ အခိၚ်ဍာ်စှ်ေဇတ်ကှ်အာတုဲ သၟာဖျေံထၞောန်တံ အာပလှ်ကမခက်နွံပ္ဍဲထၞောန်တံရ၊ လ္ၚဵုဂှ်ပၠန် နကဵုဂၠုၚ်လေဝ် ကၠဟ်ဖျေံထၞောန်ပ္ဍဲဂတာၜဳမှာသၟိတ်တေံ ညံၚ်ရဴပဒါန်ထၞောန်လ္တူနူကၠၚ်ဂှ်ကီုတုဲ အလန်ဏံ ထၞောန်ပဒါန်တံ စှ်ေအာနွံဒၟံၚ် သၟဝ်ဂတာတိၜဳတေံအိုတ်တုဲ မၚ်အခိၚ်ၜိုတ်မွဲဍာ်တိုန်ဍာ်စှ်ေ ဟဂှ်ဟွံသေၚ် ထောံလဝ်မွဲဗ္တံတုဲ ယးပလာၚ်တ္ၚဲတၟးမ္ဂးတှ်ေ အာဟံၚ်တံၚ်ကေတ်ထၞောန်မဖျေံလဝ်တံဂှ်တုဲ ကနာနာခက်တိုန်ပါကၠုၚ်တုဲ သၟာထၞောန်တံ ဂွံဖျဴနၚ်သ္ၚိ သွံရာန် ကယျိုၚ်အာလမျီု နနဲသာ်ဏံလၟေၚ်လၟေၚ်တ္ၚဲအိုတ်ရ။
  2. နဲကဲဖျေံထၞောန်ရပ်က ကော်စ(ပီုက)ဏံဂှ်တှ်ေ ဒှ်နဲကဲသဘာဝရပ်ကမွဲ ဟွံပလီုသဘာဝ ဟီုသလက်ကဍောတ်တ်သောဲသောဲတံကီုတုဲ ကဇၞော်ဇၞော်ကဒုတ်ဒုတ်ဟေၚ် ခက်ဒးထၞောန်တံအိုတ်ရ၊ ဒှ်နဲကဲပညာသၟာသၞေဟ်ဓမၚ်တံ သုၚ်စောဲကၠုၚ်ဒၟံၚ် နူစမၞိဟ်တြေံတြဟ်တေံတေံ လောန်ကၠုၚ်အဆက်ကဵုအဆက်ဗွဲမလအ်လကာဖါကီုတုဲ စဵုကဵုတ္ၚဲဏံလေဝ် ကောန်စေက်ကောန်စဴတံ သုၚ်စောဲနွံမံၚ်ဖိုဟ် ဂွံဆဵုကေတ်မာန် အကြာကွာန်သၞေဟ်ဓမၚ်နွံအကြာစောဝ်ကြုၚ်ၜဳတံမာန်ကီုရ၊ ညးလဵုမွဲ မိက်သ္ဂောံဆဵု နဲကဲသုၚ်စောဲဘဝ သၟာန်ရပ်ကဂၠာဲကမ္ဂးတှ်ေ အာစိုပ်ဒေသတံဂှ်တုဲ လ္ၚတ်ဗဵုဝေၚ်မာန်အိုတ်ရ၊ တ္ၚဲဏံလေဝ် သှ်ေနွံဒၟံၚ်ဟွံဂၠိုၚ်အိုတ်ရတုဲ ဆဂး ဂွံဆဵုမံၚ်ဏီရ။

ပ္ၚံက်အဓိပ္ပါဲတၞဟ်

  1. ထၞောန်(ခၞောန်)ဝွံ ပါဲနူရပ်ကတုဲ နဲတၞဟ်ဟ်ဂှ် သုၚ်စောဲတဴအောန် ကြပ်ဟွံမွဲရ၊ လ္ၚဵုနွံကီု ဒကုဲလဝ်ထၞောန်ဂၠိုၚ်ၚ်အကြာတၞံဇြဲတုဲ ကဝတံပဝ်ကၠုၚ်အခိၚ်လုပ်စသတ်ဇြဲဂှ်တုဲ ခက်ထၞောန်နကဵုသၞေက်ကဝတံမာန် ဗီုဏံလေဝ် နွံဂွံဆဵု နဲကဲရပ်ကဝ ပီုကဝကီုရ။


ဝေါဟာတၟုဟ်

  1. ထၞောန်
  2. ခၞောန်
  3. ဟဏောန်

ဝေါဟာလွာ

  1. ထၞောန်ပီုက
  2. ထၞောန်ပီုကဝ၊ လၟုဟ်ဟွံဆဵုကီုရ။
  3. ဂၠုၚ်ထၞောန်

ဝေါဟာဒစး

  1. မြ
  2. ၜုန်
  3. ဇြၚ်


တြာဲ

  1. မြန်မာ: ငါးမျှားချိတ်
  2. သေံ: เบ็ดตกปลา
  3. အေၚ်္ဂလိခ်: Fishing rod