Wt/mnw/စၠတ်ထဝ်

From Wikimedia Incubator
< Wt‎ | mnwWt > mnw > စၠတ်ထဝ်
Jump to navigation Jump to search

မန်[edit | edit source]

ပွံင်အက္ခရ် နဲတၞဟ်[edit | edit source]

နိရုတ်[edit | edit source]

ပ္ဍဲကဵုအဘိဓာန်ဗၟာတြေံမ္ဂး အရေဝ်ဗၟာ လွှတ်တော် ဂှ် ကၠုင်နူ အရေဝ်မန် ကၠတ်ထဝ်။ ဆဂး ပ္ဍဲလိက်မန်မ္ဂး သ္ၚိစၠတ်/သ္ၚိကၠတ် ဂွံဆဵုကေတ်ရ။ စၠတ် ဂှ် ကၠုင်နူ အရေဝ်မန်တြေံ စ္လေစ်။ စ္လေစ် ဂှ် အဓိပ္ပါယ်ဍေဟ် ဆုမပုတ်လဝ် ပကဴနာနာတအ်ရ။ သ္ၚိနန်ဨကရာဇ်ဂှ် သ္ၚိစၠတ် ဗီုဏအ် ဂွံဆဵုကေတ်ဂၠိုင်တုဲ ဆက်ပတိုန်စ "သ္ၚိနန်ကၠတ်ထဝ်" ဗီုဏအ်လေဝ် ဂွံဆဵုကေတ်ကီုရ။ ရံင်ကဵု မအရေဝ်ဝွံတုဲ တၠပညာတအ် စှ်ေစိုတ် အရေဝ်ဗၟာ "လွှတ်တော်" ဂှ် ကၠုင်နူ အရေဝ်မန် "ကၠတ်ထဝ်"။ ဗွဲစၟတ်တုန် အရေဝ်ဗၟာ လွှတ်တော် ဝွံ အရေဝ်ဗၟာ ကဵု အရေဝ်ပျူ ၜါ ဗဂပ်လဝ် အဲမိက်ဂွံဟီုရ။ "လွှတ်" ဂှ် အရေဝ်ဗၟာ တုဲ "တော်" ဂှ် အရေဝ်ပျူရ။ "လွှတ်" ပ္ဍဲအခိုက်ဨကရာဇ်တေအ်ဂှ် ကာလ ဨကရာဇ် ညးပ္တိတ်အသံ၊ ပ္တိတ်သၞောဝ်မ္ဂး ညးတိတ်ကၠုင် ဇရေင် သ္ၚိစၠတ် ရ။ ပ္ဍဲကဵု အရေဝ်ဗၟာမ္ဂး "လွှတ်တော်မူအခါ" မဂွံအဓိပ္ပါယ် "အခိင်ကာလ သၟိင်မပတိတ်အသံ"။ ပ္ဍဲအခိင်ဂှ်မ္ဂး အမာတ်၊ သကိုပ်ပၞာန်၊ ကေုာံ ဂကောံသၟိင်တၠတအ် ကောံကၠုင်ဒၟံင် ပ္ဍဲကဵု သ္ၚိစၠတ်ဂှ်ရ။ "တော်" ဂှ် အရေဝ်ပျူ၊ မချူဗီုပျူမ္ဂး "ၜံး" မဂွံအဓိပ္ပါယ် "တၠ" ရ။ ၜ ဂှ် ဗွဲစၟတ် ပျူတအ် ဗှ် အတိုင်ရမ္သာင်မန် ဟွံသေင်။ ရမ္သာင် မကြပ်ကဵု တ ကဵု ထ ဒှ်မာန်၊ စုတ်လဝ် သင်္ကေတ ရမ္သာင်ဂၠိင် ပ္တိတ်ရမ္သာင် တရ် ဒှ်မာန်ရ။ မအရေဝ်ပျူဏအ် ဗၟာတအ် လွဳစလဝ် ဗွဲမလှဲလးရ။ ဥပမာ နေပြည်တော် (ရာဇဌာနဳ) ဒတန်သၟိင်တၠမပဒတဴ၊ အမိန့်တော် (အသံပါင်သၟိင်တၠ)၊ ခမည်းတော် (အပါသၟိင်တၠ)၊ မယ်တော် (မိသၟိင်တၠ)။ ဟိုတ်ဂှ်ရ ပါလဳမာန်ဂှ် မန်တ္ၚဲဏအ် ကော် ကၠတ်ထဝ်/စၠတ်ထဝ် ဂှ် ၜိုန်ရ ဟွံဗၠေတ်ကီုလေဝ် ဗွဲစၟတ် အသိင် ဓယံက် ဝေါဟာရဗၟာ လွှတ်တော် ဓလီုလဝ် ညိညနွံရ။ အတိုင်အရေဝ်မန်ဇေတ်တ်မ္ဂး သ္ၚိစၠတ်။

ဗွဟ်ရမ္သာင်[edit | edit source]

  • IPA /clɔt`tɔ̀/

နာမ်[edit | edit source]

စၠတ်ထဝ် (clat-thaw)

  1. ဒၞာဲဒတန် ညးစၞးညးဍုင်ကွာန် (ဝါ) ညးမကလိဂွံအခေါင် ပ္တန်သၞောတ်တအ် သွက်ဂွံချပ်ဂၞန် ကိစ္စပတန်သၞောဝ်ဥပဒေ။

ဝေါဟာတၟုပ်[edit | edit source]

  • ပါလဳမာန်
  • ကၠတ်ထဝ်

ဝေါဟာလွာ[edit | edit source]

  • စၠတ်ထဝ်ညးဍုင်ကွာန်
  • စၠတ်ထဝ်ကောန်ဂကူ
  • စၠတ်ထဝ်ကၟိန်ဍုင်

တြာဲ[edit | edit source]

  • English: parliament
  • မြန်မာ: လွှတ်တော်