Wt/mnw/ကၠဵု

From Wikimedia Incubator
< Wt‎ | mnwWt > mnw > ကၠဵု
Jump to navigation Jump to search

မန်[edit | edit source]

ကၠဵု

နာမ်[edit | edit source]

  1. သတ်ဇိုၚ်ပန်နွံအကြာမၞိဟ်၊ အရံၚ်စုၚ်စဳ သၠုၚ်သဝ်သော်ဂၠိုၚ်သော်ဂၠိ၊ လ္ၚဵုမတ်ပလေဲ လ္ၚဵုမတ်ဒကဲ၊ လ္ၚဵုလွဳလဝ်သွက်သ္ဂောံသ္ပသ္ကံပ္ဍဲသ္ၚိ၊ လ္ၚဵုလွဳလဝ်သွက်သ္ဂောံဗက်ဂြိုပ်ကဳရပ်သတ်ဂြိုပ်ကဵုတၠဇကု။


ပွံၚ်အက္ခရ် နဲတၞဟ်[edit | edit source]

  1. ကလဵု၊ က္လဵု

ဗွဳဗွူမံၚ်အာကၠုၚ်[edit | edit source]

  1. ကၠဵုဒှ်သတ်ဇိုၚ်ပန်မွဲ နွံပ္ဍဲအဝေါၚ်ဗ္ဂဲကၠဵုကၠုတံဗွဲတုန်၊
  2. ကၠဵုဒှ်သတ်လွဳကောန်နကဵုတှ်ယာဲဍေံရ၊
  3. စၞစလေဝ် အမာဲစိန်အမာဲဟွံစိန်စဂွံဖအိုတ်၊ ဗွဲမဂၠိုၚ် စၞမၞိဟ်စဂွံဂှ် ကၠဵုလေဝ်စဂွံဖအိုတ်ဂၠိုၚ်ရ။
  4. အခိၚ်ထုဲနှဴမေထုန်ကၠဵုတံဂှ် စိုပ်ဂိတုဘတ်ဝှ်မ္ဂးတှ်ေ ဂွံဆဵုခက်မံၚ်သၞိၚ်ဇကုကၠဵုကၟက်ကဵုကၠဵုၝောံအကြာဍာန်။
  5. အယုက်ကၠဵုဂှ်တှ်ေ ၜိုတ်စှ်သၞာံ စဵုစိုပ်စှ်သုန်သၞာံအယုက်နွံ။
  6. ကၠဵုဒှ်သတ်ဇိုၚ်ပန်နွံအကြာမၞိဟ်တုဲ ဆာန်တၠဗွဲမလောန် တၠၜိုန်ထေဲတက်ၜုၚ်ကီုလေဝ် လပါ်ကၠဵုထေဲဟွံလေပ်ဆာန်မံၚ်တၠဇကုတွဵုတုဲ တက်ဗက်ကလေၚ်ကော်ဂွံဓဝါဲဂှ်မာန်လောဲလောဲရ။
  7. ကၠဵုမွဲၝောံစှ်ေကောန်ဆၚ်ကောန်မွဲမွဲအလန်မ္ဂးတှ်ေ နူမွဲစဵုကဵုစှ်ၜါနွံတဴရ။
  8. အရံၚ်ကောန်ကၠဵုတံဂှ်တှ်ေ ဗွဲမဂၠိုၚ်တုပ်ယာဲဍေံဂၠိုၚ်၊ လဆောဝ်တှ်ေ တုပ်အပါဍေံကီု။

ဖဵု[edit | edit source]

  1. လွဳလဝ်ကၠဵုယဝ်နွံအကြာကၠအ်မ္ဂးတှ်ေ ဂွံသ္ကံတုဲ မံၚ်စလေဝ်ဓဝိၚ်ၜိုဟ် သွက်ဂွံဒှ်မတ်ကတောဝ်ကဵုတၠဇကုကီုရ၊ လ္ၚဵုဂှ်လွဳလဝ်သွက်ဂွံဗက်ဂြိုပ်နွံရ၊ လ္ၚဵုဂှ်လွဳလဝ်ပ္ဍဲသ္ၚိတုဲ ဒှ်သွက်ဂွံမၚ်သ္ၚိ အခိၚ်တၠဟွံမွယ်တိတ်မ္ၚးသ္ၚိဗွဲတုန်၊ လ္ၚဵုဂှ်လွဳလတ်သွက်ဟွံဂွံလ္ၚု သွက်ညးအယုက်ဇၞော်တံမံၚ်ပ္ဍဲသ္ၚိ ဂွံဝေၚ်သ္ပသ္ကံရဲကဵုကၠဵု။

လဟီု[edit | edit source]

  1. ကၠဵုမွဲၜါဘာ၊ ( ညံၚ်ရဴမၞိဟ်မွဲ စလာပ်ဗဇဴသီုၜါလပါ်)
  2. ဟွံဆေၚ်ကဵုကၠဵုကၠဵုလ္ပကဳ၊ ( ပရေၚ်ပရောဇကုဟွံသေၚ်တှ်ေ လ္ပပထုဲယှုက်ညိ၊)
  3. ဂကူကၠဵု ၊ ( မၞိဟ်မယုတ်မွဲ ညံၚ်ရဴကၠဵုမွဲကီု၊ လ္ၚဵုဂှ်ဟီု ကၠဵုစအိက်တှ်ေ ဍေံဆဵုအိက် ဍေံဒးစအိက်ပၠန်ရ၊)
  4. ကၠဵုကဳက္ၜၚ်ကျာ၊ ( ကဆံၚ်ဇကုဟွံစိုပ်တ္ၚဲဒှ်အာမာန်၊ ၜိုန်မၚ်ကီုလေဝ် တ္ၚဲစိုပ်ကၠုၚ်ဟွံမာန်၊ ကောန်ဝုတ်ညးနွံသၠုၚ် တ္ၚဲလဵုမှစှ်ေကၠုၚ်ပ္ဍဲဒၞာဲတိသရာမ်ၝဟွံလောဲပုဟ်)
  5. ဂစေံပဝ် စာၚ်ပဝ် ကၠဵုပဝ်၊ (ကၠဵုပဝ်ဟီုစအကြာအရေဝ်ဟတဵုဟရိုၚ်ဝိုၚ်ရဲ၊ ယဝ်ဟီုကၠဵုပဝ်ညးလဵုပစူတဲတှ်ေ ညးဂှ်ကျဒးဒဏ်ဂတဵုဟရိုၚ်ဂှ်ရ၊)
  6. ကၠဵုဂိတုဘတ်၊ ( စိုပ်ဂိတုဘတ်ဝှ်မ္ဂးတှ်ေ ကၠဵုကၟက်ကၠဵုၝောံတံထုဲနှဴမေထုန်၊ မိပ်ညံၚ်ကၠဵုဂိတုဘတ်မ္ဂးဂှ် သွက်မၞိဟ်စိုတ်မိပ်လပါ်မေထုန်တံထိၚ်သိက္ခာဟွံမာန်တုဲ ဂွဟွံလုပ်ဒှ်ကၠုၚ်)
  7. ကၠဵုဂြိုပ် ( ကၠဵုနွံပ္ဍဲဂြိုပ်ဟွံမွဲကဵုတၠ ဂၠာဲရပ်စသတ်ဍောတ်တ်တံဂယျိုၚ်အာလမျီု၊ ကၠဵုကၠိၚ်လေဝ် လ္ၚဵုညးကော်စကၠဵုဂြိုပ်လေဝ်နွံ)
  8. ကၠဵုဆၚ်လ္ပရပ် ညးခပပ်လ္ပစမွဲဝိုၚ်၊ ( ကၠဵုဆၚ်ကၠဵုစှ်ေကောန် (ကၠဵုၜံၚ်ပၟတ်) ယဝ်ပိုဲလုပ်အာရပ်ကောန်ဍေံမ္ဂးတှ်ေ ယာဲဍေံကိတ်ပိုဲဒှ်မာန်ရ၊ ယဝ်ရတၠဍေံတှ်ေရပ်ဂွံရ၊ ညးခပပ်ယဝ်စမွဲဝိုၚ်မ္ဂးတှ်ေ ဒှ်သၞညးသ္ကံလောဲလောဲရ၊)

ဝေါဟာလွာ[edit | edit source]

  1. ကၠဵုဂိတုဘတ် ။
  2. ကၠဵုမွဲၜါဘာ ။
  3. ဂကူကၠဵု ။
  4. ကၠဵုကဳက္ၜၚ်ကျာ ။
  5. ကၠဵုဆၚ်လ္ပရပ် ။


ဝေါဟာဒစး[edit | edit source]

  1. ဇာဒိသိုၚ်
  2. ကၠ
  3. နာ်
  4. သပဝ်(သ္ပဝ်)

ယၟု[edit | edit source]

  1. ကၠဵုကွာန်
  2. ကၠဵုဂြိုပ်
  3. ကၠဵုကၠိၚ်
  4. ကၠဵုတိ

တြာဲ[edit | edit source]

  1. မြန်မာ = ခွေး
  2. သေံ = สุนัข
  3. အေၚ်္ဂလိခ် = dog