Wt/mnc/an nan gurun
ᠮᠠᠨᠵᡠ
ᡤᡳᠰᡠᠨ (manju gisun)
[edit | edit source]
ᠨᠠᠨ
ᡤᡠᡵᡠᠨ ᡳ
ᡥᠠᡶᠠᠨ᠈
ᡥᠠᡶᠠᠨ ᡳ
ᡥᡝᡥᡝᡳ
ᠨᡳᡵᡠᡤᠠᠨ
an nan gurun -i hafan, hafan -i hehei nirugan
ᠨᠠᠨ
ᡤᡠᡵᡠᠨ ᡳ
ᡥᠠᡥᠠ᠈
ᡥᡝᡥᡝᡳ
ᠨᡳᡵᡠᡤᠠᠨ
an nan gurun -i haha, hehei nirugan
ᠮᠠᠨᠵᡠ
ᡥᡝᡵᡤᡝᠨ (manju hergen)
[edit | edit source]ᠠᠨ ᠨᠠᠨ ᡤᡠᡵᡠᠨ
ᠴᠣᡥᠣᡨᠣᡳ
ᡤᡝᠪᠰᡠᠨ (cohotoi gebsun)
[edit | edit source]ᠠᠨ
ᠨᠠᠨ
ᡤᡠᡵᡠᠨ (an nan gurun)
- 1.(ᠰᡠᡩᡠᡵᡳ) ᠠᠰᡳᠶᠠ ᠵᡠᠪᡴᡳ (ᠶᠠ ᠰᡳ ᠶᠠ ᠵᡝᠣ ᠵᡠᠪᡴᡳ) ᡳ ᡩᡝᡵᡤᡳ ᠵᡠᠯᡝᡵᡤᡳ ᡝᡵᡤᡳ᠈ ᡩᡝᡵᡤᡳ ᠵᡠᠯᡝᡵᡤᡳ ᠠᠰᡳᠶᠠ ᡩᡝ ᠪᡳᡥᡝ ᡤᡠᡵᡠᠨ ᠪᠣᠣ᠈ ᠶᡠᠸᡝᡳ ᠨᠠᠨ ᡤᡠᡵᡠᠨ ᡳ ᠨᡝᠨᡝᡥᡝ ᡤᡝᠪᡠ᠉
- (suduri) asiya jubki (ya si ya jeo jubki) -i dergi julergi ergi, dergi julergi asiya de bihe gurun boo, yuwei nan gurun -i nenehe gebu.
- ᠠᠨ ᠨᠠᠨ ᡤᡠᡵᡠᠨ ᠰᡝᡵᡝᠩᡤᡝ᠈ ᠵᡠᠯᡤᡝᡳ ᡤᡳᠶᠣ ᡷᡳ ᠰᡝᡥᡝ ᠪᠠ ᡳᠨᡠ᠈ ᡨᠠᠩ ᡤᡠᡵᡠᠨ ᡳ ᠣᠩᡤᠣᠯᠣ᠈ ᡤᡝᠮᡠ ᡩᡠᠯᡳᠮᠪᠠᡳ ᡤᡠᡵᡠᠨ ᡩᡝ ᡴᠠᡩᠠᠯᠠᠪᡠᠮᠪᡳᡥᡝ᠈ ᠰᡠᠨᠵᠠ ᠵᠠᠯᠠᠨ ᡳ ᡶᠣᡵᡤᠣᠨ ᡩᡝ ᡳᠰᡳᠨᠠᡥᠠ ᠮᠠᠩᡤᡳ᠈ ᡨᡝᠨᡳ ᡨᡝᠰᡠ ᠪᠠ ᡳ ᠨᡳᠶᠠᠯᠮᠠ ᡩᡝ ᡝᠵᡝᠯᡝᠪᡠᡥᡝ᠈ ᠰᡠᠩ ᡤᡠᡵᡠᠨ ᡳ ᡶᠣᠨᡩᡝ᠈ ᡩᡳᠩ ᡥᠠᠯᠠᠩᡤᠠ᠈ ᠯᡳᡳ ᡥᠠᠯᠠᠩᡤᠠ ᡤᡝᠮᡠ ᡳᠯᠠᠨ ᠵᠠᠯᠠᠨ ᡠᠯᠠᡥᠠ᠈ ᠯᡳᡳ ᡥᠠᠯᠠᠩᡤᠠ ᠵᠠᡴᡡᠨ ᠵᠠᠯᠠᠨ ᡠᠯᠠᡶᡳ᠈ ᠵᡠᠰᡝ ᠠᡴᡡ ᠣᡶᡳ᠈ ᡥᠣᠵᡳᡥᠣᠨ ᠴᡝᠨ ᡥᠠᠯᠠᠩᡤᠠ ᡩᡝ ᡠᠯᠠᡥᠠ᠈ ᠮᡳᠩ ᡤᡠᡵᡠᠨ ᡳ ᠶᡠᠩ ᠯᠣ ᠰᡝᡥᡝ ᡶᠣᠨᡩᡝ᠈ ᠯᡳᡳ ᡤᡳ ᠯᡳᡳ ᡳ ᠴᡝᠨ ᡥᠠᠯᠠᠩᡤᠠᡳ ᡨᡝᡴᡠ ᠪᡝ ᡩᡠᡵᡳᡥᡝ ᠸᡝᡳᠯᡝᠨ ᠪᡝ ᡩᠠᡳᠯᠠᡶᡳ᠈ ᡨᡝᡵᡝ ᠪᠠ ᠪᡝ ᡤᡳᠶᡡᠨ᠈ ᡥᡳᠶᠠᠨ ᠣᠪᡠᡥᠠ᠈ ᠠᠮᠠᠯᠠ ᠯᡳᡳ ᠯᡳᡳ ᡶᠠᠴᡠᡥᡡᠨ ᡩᡝᡵᡳᠪᡠᡥᡝ ᡩᡝ᠈ ᠪᡳᠯᡠᠮᡝ ᡨᠣᡴᡨᠣᠪᡠᡥᠠ᠈ ᡤᡳᠶᠠ ᠵᡳᠩ ᠰᡝᡥᡝ ᡶᠣᠨᡩᡝ᠈ ᠮᠣ ᡩᡝᠩ ᠶᡠᠩ᠈ ᠯᡳᡳ ᡥᠠᠯᠠᠩᡤᠠ ᡳ ᡨᡝᡴᡠ ᠪᡝ ᡩᡠᡵᡳᡥᡝ ᠪᡝ ᠯᡳᡳ ᠸᡝᡳ ᡨᠠᠨ ᡩᠠᡥᠠᠨᡩᡠᡥᠠᡳ ᡠᡨᡥᠠᡳ ᡩᠠᡥᡡᠪᡠᡥᠠ᠈ ᠮᡠᠰᡝᡳ ᡤᡠᡵᡠᠨ ᡳ ᡝᠯᡥᡝ ᡨᠠᡳᡶᡳᠨ ᡳ ᠰᡠᠨᠵᠠᠴᡳ ᠠᠨᡳᠶᠠ ᠯᡳᡳ ᠸᡝᡳ ᡥᡳ ᠪᠠᡳᠮᡝ ᡩᠠᡥᠠᠨᠵᡳᡵᡝ ᠵᠠᡴᠠᡩᡝ᠈ ᠸᠠᠩ ᡶᡠᠩᠨᡝᡥᡝ᠈ ᡨᡝᡵᡝᠴᡳ ᠰᡠᠨᠵᠠ ᠠᠨᡳᠶᠠ ᡝᠮᡤᡝᡵᡳ ᠠᠯᠪᠠᠪᡠᠨ ᠵᠠᡶᠠᠨᠵᡳᠮᠪᡳ᠈ ᡨᡝᡵᡝ ᠪᠠᡩᡝ ᡩᡝᡵᡤᡳ ᠸᠠᡵᡤᡳ ᠵᡠᠸᡝ ᡥᡝᠴᡝᠨ᠈ ᠵᡠᠸᠠᠨ ᡳᠯᠠᠨ ᠵᡠᡤᡡᠨ ᠪᡳ᠈ ᠪᠣᡳᡥᠣᠨ ᡠᠰᡳᠨ ᡥᡠᠸᡝᡴᡳ ᠰᠠᡳᠨ᠈ ᡝᡵᡳᠨ ᡳ ᠰᡠᡴᡩᡠᠨ ᠯᡠᡴ ᠰᡝᠮᡝ ᡥᠠᠯᡥᡡᠨ ᡝᠮᡠ ᠠᠨᡳᠶᠠ ᠵᡠᠸᡝ ᠮᡠᡩᠠᠨ ᠪᠠᡵᡤᡳᠶᠠᠮᠪᡳ᠈ ᡨᡝᡵᡝᡳ ᠠᡳᠮᠠᠨ ᡳ ᡩᠠᡨᠠ ᡳ ᠮᠠᡥᠠᠯᠠ ᡠᠮᡳᠶᡝᠰᡠᠨ᠈ ᡩᠣᡵᠣᡳ ᡝᡨᡠᡴᡠ ᠣᠴᡳ᠈ ᠠᠨ ᡳ ᡨᠠᠩ ᡤᡠᡵᡠᠨ ᡳ ᡴᠣᠣᠯᡳ ᠪᡝ ᠰᠣᠩᡴᠣᠯᠣᡵᠣᠩᡤᡝ ᠯᠠᠪᡩᡠ᠈ ᠶᠠᠴᡳᠨ ᠰᡠᡴᡡ ᠪᡝ ᡤᡡᠯᡥᠠ ᠠᡵᠠᠮᠪᡳ᠈ ᡩᠠᠮᡠ ᠴᠣᠣᡥᠠᡳ ᡥᠠᡶᠠᠰᠠ ᠣᠴᡳ᠈ ᠨᡝᠴᡳᠨ ᠣᠶᠣ ᡳ ᠴᡝᠴᡝ ᠮᠠᡥᠠᠯᠠ ᡝᡨᡠᠮᡝ᠈ ᡤᡡᠯᡥᠠ ᡳ ᠣᡶᠣᡵᠣ ᠪᡝ ᠵᡠᡵᡠᠯᠠᠮᡝ ᠠᡵᠠᡶᡳ ᡳᠯᡤᠠᠪᡠᠮᠪᡳ᠈ ᠸᡝᠰᡳᡥᡠᠨ ᠪᠣᠣᡳ ᡥᡝᡥᡝᠰᡳ ᡶᡠᠨᡳᠶᡝᡥᡝ ᡨᡠᡥᡝᠪᡠᠮᡝ ᠰᡳᡶᡳᡴᡡ ᠰᡳᡶᡳᡵᠠᡴᡡ᠈ ᡧᠠᠨ ᡩᡝ ᠠᡳᠰᡳᠨ ᡳ ᠮᡠᡥᡝᡵᡝᠨ ᡝᡨᡠᡶᡳ᠈ ᠠᠮᠪᠠ ᠠᠵᡳᡤᡝ ᡩᡝ ᠵᡝᡵᡤᡳ ᠪᡝ ᡳᠯᡤᠠᠮᠪᡳ᠈ ᡩᠣᠣ ᡧᡝᠣᠯᡝᡥᡝ ᠵᡠᠶᡝᠨ ᡝᡨᡠᠮᠪᡳ᠈ ᠣᡳᠯᠣ ᠨᡝᡵᡝᡴᡠ ᠨᡝᡵᡝᠮᠪᡳ᠈ ᠰᠠᠪᡠ ᠣᡵᡥᠣ ᡳ ᠰᠠᠪᡠ ᡳ ᠠᡩᠠᠯᡳ᠉
- an nan gurun serengge, julgei giyo jy sehe ba inu, tang gurun -i onggolo, gemu dulimbai gurun de kadalabumbihe, sunja jalan-i forgon de isinaha manggi, teni tesu ba-i niyalma de ejelebuhe, sung gurun-i fonde, ding halangga, lii halangga gemu ilan jalan ulaha, lii halangga jakūn jalan ulafi, juse akū ofi, hojihon cen halangga de ulaha, ming gurun-i yung lo sehe fonde, lii gi lii-i cen halanggai teku be durihe weilen be dailafi, tere ba be giyūn, hiyan obuha, amala lii lii facuhūn deribuhe de, bilume toktobuha, giya jing sehe fonde, mo deng yung, lii halangga-i teku be durihe be lii wei tan dahanduhai uthai dahūbuha, musei gurun-i elhe taifin-i sunjaci aniya lii wei hi baime dahanjire jakade, wang fungnehe, tereci sunja aniya emgeri albabun jafanjimbi, tere bade dergi wargi juwe hecen, juwan ilan jugūn bi, boihon usin huweki sain, erin-i sukdun luk seme halhūn emu aniya juwe mudan bargiyambi, terei aiman-i data-i mahala umiyesun, doroi etuku oci, an-i tang gurun-i kooli be songkolorongge labdu, yacin sukū be gūlha arambi, damu coohai hafasa oci, necin oyo-i cece mahala etume, gūlha-i oforo be jurulame arafi ilgabumbi, wesihun booi hehesi funiyehe tuhebume sifikū sifirakū, šan de aisin-i muheren etufi, amba ajige de jergi be ilgambi, doo šeolehe juyen etumbi, oilo nereku nerembi, sabu orho-i sabu-i adali.
- 安南古交趾地 唐以前皆隸中國 五代時始為土人竊據 宋時丁氏黎氏皆三傳 李氏八傳無子 傳壻陳氏 明永樂間討黎季犛篡陳氏之罪 因郡縣其地 後黎利構亂 因而撫之 嘉靖中莫登庸篡黎氏 旋為黎惟潭恢復 本朝康熙五年 黎惟禧款附 因封為國王 嗣後五年一貢 其地有東西二都 十三道 土地膏腴 氣候炎熱 一歲二稔 其夷目冠帶朝服 多仍唐制 皂革為靴 惟武官平頂紗帽 靴尖雙出以為別 貴家婦人 披髮不笄 耳帶金環 以大小分等級 內服繡襦 外披氅衣 履如芒屩
- 安南古交趾地 唐以前皆隶中国 五代时始为土人窃据 宋时丁氏黎氏皆三传 李氏八传无子 传婿陈氏 明永乐间讨黎季犛篡陈氏之罪 因郡县其地 后黎利构乱 因而抚之 嘉靖中莫登庸篡黎氏 旋为黎惟潭恢复 本朝康熙五年 黎惟禧款附 因封为国王 嗣后五年一贡 其地有东西二都 十三道 土地膏腴 气候炎热 一岁二稔 其夷目冠带朝服 多仍唐制 皂革为靴 惟武官平顶纱帽 靴尖双出以为别 贵家妇人 披发不笄 耳带金环 以大小分等级 内服绣襦 外披氅衣 履如芒𪨗
- ᠠᠨ ᠨᠠᠨ ᡤᡠᡵᡠᠨ ᡳ ᠨᡳᠶᠠᠯᠮᠠ᠈ ᠪᠠᠨᡳᡨᠠᡳ ᠵᠠᠯᡳᠩᡤᠠ ᡴᠣᡳᠮᠠᠯᡳ ᡝᠪᡳᡧᡝᡵᡝ ᡩᡝ ᠠᠮᡠᡵᠠᠨ᠈ ᡥᡠᡨᡠ ᡝᠨᡩᡠᡵᡳ ᠪᡝ ᠠᡴᡩᠠᠮᠪᡳ᠈ ᠰᡳᠨᠠᡤᠠᠨ ᠸᡝᠴᡝᠨ ᡳ ᠪᠠᡳᡨᠠ ᠪᡝ ᡠᠵᡝᠯᡝᠮᠪᡳ᠈ ᠠᠯᡳᠨ ᡳ ᡧᡠᡵᡩᡝᠮᡝ ᡨᡝᡥᡝᠩᡤᡝ ᠵᡝᡴᡠ ᡨᠠᡵᡳᠮᠪᡳ᠈ ᠨᡳᠮᠠᠯᠠᠨ ᡨᡝᠪᡠᠮᠪᡳ᠈ ᠮᡝᡩᡝᡵᡳ ᠪᡳᡨᡠᡵᠠᠮᡝ ᡨᡝᡥᡝᠩᡤᡝ ᠨᡳᠮᠠᡥᠠ ᠪᡠᡨᠠᠮᠪᡳ᠈ ᡩᠠᠪᠰᡠᠨ ᡶᡠᡳᡶᡠᠮᠪᡳ᠈ ᡥᠠᡥᠠᠰᡳ ᠠᠮᠪᠠ ᡧᠠᠨᠶᠠᠨ ᠰᡝᡴᡳᠶᡝᡴᡠ ᡝᡨᡠᠮᠪᡳ᠈ ᠠᡵᠪᡠᠨ ᡠᠩᡴᡝᡥᡝ ᠮᡠᠴᡝᠨ ᡳ ᠠᡩᠠᠯᡳ᠈ ᡤᠣᠯᠮᡳᠨ ᡠᠯᡥᡠᠨ ᡳ ᡩᡝᠯᡶᡳᠶᡝᠨ ᡝᡨᡠᡴᡠ ᡝᡨᡠᠮᠪᡳ᠈ ᡤᠠᠯᠠ ᡩᡝ ᠠᠪᡩᠠᠩᡤᠠ ᠣᡵᡥᠣᡳ ᡶᡠᠰᡥᡝᡴᡠ ᠵᠠᡶᠠᠮᠪᡳ᠈ ᠰᠠᠪᡠ ᠰᡳᠰᡳᠮᡝ ᠶᠠᠪᡠᠮᠪᡳ᠈ ᠶᠠᡩᠠᡥᡡᠨ ᡠᡵᠰᡝ ᠣᠴᡳ᠈ ᡶᠣᡥᠣᠯᠣᠨ ᡝᡨᡠᡴᡠ ᡝᡨᡠᠮᠪᡳ᠈ ᠪᡝᡨᡥᡝ ᠨᡳᠣᡥᡠᡧᡠᠯᡝᠮᠪᡳ᠈ ᡨᠠᡵᡳᡵᡝ ᠸᡝᡳᠯᡝᡵᡝ ᡩᡝ ᡴᡳᠴᡝᠮᠪᡳ᠈ ᡥᡝᡥᡝᠰᡳ ᡶᡠᠩᡴᡠ ᠪᡝ ᡠᠵᡠ ᡩᡝ ᡩᠠᠰᡳᠮᠪᡳ᠈ ᡤᠣᠯᠮᡳᠨ ᡝᡨᡠᡴᡠ ᡤᠣᠯᠮᡳᠨ ᡥᡡᠰᡳᡥᠠᠨ ᡝᡨᡠᠮᠪᡳ᠈ ᡤᡠᠶᡝ ᡨᡠᠴᡳᠪᡠᠮᡝ ᠰᠠᠪᡠ ᡝᡨᡠᠮᠪᡳ᠈ ᡳᠰᡥᡠᠨᡩᡝ ᠠᠴᠠᡵᠠ ᡩᡝ ᠨᡳᠶᠠᠨᡳᠶᡠᠨ ᠪᡝ ᡤᡳᠩᡤᡠᠯᡝᡵᡝ ᡩᠣᡵᠣ ᠣᠪᡠᠮᠪᡳ᠈ ᡶᠣᡵᠣᡵᠣ ᠵᠣᡩᠣᡵᠣ ᠴᠣᠯᠠᡵᠠ ᠪᡠᠵᡠᡵᡝ ᠪᠠᡳᡨᠠ ᡩᡝ ᠮᠠᠩᡤᠠ᠉
- an nan gurun-i niyalma, banitai jalingga koimali ebišere de amuran, hutu enduri be akdambi, sinagan wecen-i baita be ujelembi, alin-i šurdeme tehengge jeku tarimbi, nimalan tebumbi, mederi biturame tehengge nimaha butambi, dabsun fuifumbi, hahasi amba šanyan sekiyeku etumbi, arbun ungkehe mucen-i adali, golmin ulhun-i delfiyen etuku etumbi, gala de abdangga orhoi fusheku jafambi, sabu sisime yabumbi, yadahūn urse oci, foholon etuku etumbi, bethe niohušulembi, tarire weilere de kicembi, hehesi fungku be uju de dasimbi, golmin etuku golmin hūsihan etumbi, guye tucibume sabu etumbi, ishunde acara de niyaniyun be ginggulere doro obumbi, fororo jodoro colara bujure baita de mangga.
- 安南國夷人性狡詐 好浴 信鬼神 重喪祭 附山耕稼樹桑 濱海捕魚煮鹽 男子戴大白草帽 形如覆鑊 長領大衣 手持蕉扇 曳履而行 貧者則短衣赤足 勤於耕作 婦女以帕蒙首 長衣長裙 納履露踵 相見以檳榔為禮 善紡績烹飪之事
- 安南国夷人性狡诈 好浴 信鬼神 重丧祭 附山耕稼树桑 滨海捕鱼煮盐 男子戴大白草帽 形如覆镬 长领大衣 手持蕉扇 曳履而行 贫者则短衣赤足 勤于耕作 妇女以帕蒙首 长衣长裙 纳履露踵 相见以槟榔为礼 善纺绩烹饪之事