Wt/lmo/Wikizzionari:Sondagg

From Wikimedia Incubator
< Wt‎ | lmoWt > lmo > Wikizzionari:Sondagg
Lombard Questa pagina del Wikizzionari chì l'è scrivuda in lombard, con la Noeuva Ortografia Lombarda

I sondagg inn un istrument per conosser l'opionion de la comunità sora un proposta de cambiament o una decision sora una norma noeuva de sgiontà al wikizzionari.
Nondemen in del wikizzionari la formazzion de consens el gh'hà de stà al prim post. Per quest el sondagg el gh'hà de vegnì dopo una discussion indove l'è saltà foeura che quaivun l'è contra.
Un sondagg l'è bon de cambià i norme del Wikizzionari quand che se riva a 'na magioranza del 75% di voti (in del caso del cambiament) opur del 50%+1 (in del caso de la decision d'un regolament noeuv).
La durada de la discussion sora l'argoment del sondagg l'è de 15 dì, in del cors de la discussion se cerca de metes d'acord, dopo de che se 'n quaivun l'è contra se derva la votazzion, la durada de la votazzion l'è de 15 dì.

Dirit de voto[edit | edit source]

Tucc i poden toeù part in la discussion ma poden votà domà i utent che al moment de l'avertuira de la discussion abien sgiamo fad almen 10 modifiche al wikizzionari.

Come dervì un sondagg[edit | edit source]

1. Dervì la discussion[edit | edit source]

Per dervì el sondagg schiscia in sul boton chì de sota:


La discussion la resta averta per 15 dì, in del cors di quai se cerca un acord.

Se gh'è nò un acord se passa a la votazzion.

Almen un altr'utent de là de quell che l'hà dervid la discussion el gh'hà de toeu part, sedenò la discussion l'è inutil e 'l sondagg el ven anulad.

Se te voeuret te podet meter un conligament al sondagg in su la pagina del bar del wikizzionari. A l'è de consilià a quei che partecipen al sondagg de tegnì d'oeugg la pagina del sondagg.

2. Dervì la votazzion[edit | edit source]

La votazzion la pò vesser dervida d'un qualsessia utent che 'l sia d'acord con l'oget de la discussion per el qual gh'è minga de consens (foeura che quell che gh'hà dad l'inviada a la discussion, o anca de lù medesim, basta che a che a ghe sia un altr' utent d'acord con lù, che sien passad i 15 dì de l'inviada de la discussion e minga pussee de 15 de la soa fin). La votazzion la gh'hà de havegh come oget l'istess cont el qual la discussion l'è comenzada, la proposta la pò invece anca cambià un poo a seconda del consens osservad in del cors de la discussion, desgià che l'obietiv l'è quell de otegnì el consens magior possibil, el cambiament de la proposta el pò vesser fad domà cont el consens de tucc quei a favor de la proposta originaria del sondagg. Per dervì la votazzion, in la pagina del sondagg se gh’hà de insegnà la soa data de avertura cont el scriver (copià el test chì de sota):

==Votazzion averta --~~~~ [[Category:Wt/lmo/Votazzion averte]]==
La votazzion la restarà averta per '''15''' dì e la sarà bona con un maggioranza de almen i '''50% + 1''' di voti se l'è una decision noeuva, 75% se l'è un cambiament ai regolament.
===A favor===
(mantegnì)
*...
===Contra===
(toeuver via)
*...

indove --~~~~ l’è la firma con marca temporal (sequenza de quater carater) Quand che 'l process l'è finid se gh'hà de cavà via la categoria [[Category:Wt/lmo/Votazzion averte]]

Saradura de la votazzion[edit | edit source]

Quand che l'è passad el sò temp, la votazzion la ven sarada su. Per sarà su la votazzion:

1. A se toeu via la categoria: [[Category:Wt/lmo/Votazzion averte]]

2. A se scriv in fond:

==Votazzion sarada --~~~~ ===


Quand che un sondagg el ven sarad su l'è proibid dervill anmò sora l'istess argoment almanch per vun mes del moment de la soa saradura.