Wt/lmo/Wikizzionari:Consens

From Wikimedia Incubator
< Wt‎ | lmoWt > lmo > Wikizzionari:Consens
Lombard Questa pagina del Wikizzionari chì l'è scrivuda in lombard, con la Noeuva Ortografia Lombarda

Quand che se fa una modifica a una vos el po' capità che minga tucc i sien d’acord. Tutamanch el principi general el gh’avariss de vesser la ricerca del consens, o ben rivà per mez de la discussion a un compromess che ‘l sia acetad de tucc. Quand che l’è minga possibil vesser tucc d’acord, l’unega soluzzion l’è la votazzion.

Per el consens in quant ai scancelazzion di vos varda inveci Wt/lmo/Wikizzionari:Pagine_de_scancelà

Per el consens in quant ai norme generai di vos varda inveci Wt/lmo/Wikizzionari:Sondagg

Procedura per el consens ai modifiche di pagine[edit | edit source]

Per i proget wiki in lengua lombarda, la procedura proposta l’è questa chì:

Discussion e ricerca de l'acord[edit | edit source]

Quand che du utent a inn minga d’accord sora di robe de scriver in di pagine, vun de lor du el derva una discussion in la speranza de trovà un'acord.

Discussion e prima votazzion[edit | edit source]

Se dopo de havegh tirà foeura el sò penser i utent i seguten a vesser minga d’acord se derva anca una votazzion. La votazzion, che la ven dervida de vun di utent che i hann minga trovad un acord, la resta averta 15 dì, e tucc i utent i poden votà e discuter a l’istess temp. Se dopo 15 dì a gh’è almen i 2/3 di voti a favor o contra, se fa quell che l’hà decidud la pussee part. La votazzion l'è valida se gh'hann tolt part almen 2 utent registrad ch'abien sgiamò fad almen un modifega al moment de l'avertura de la prima votazzion.

In la pagina se gh’hà de insegnà la data de avertura de la prima votazzion cont el scriver (copià el test chì de sota):

==Prima votazzion averta --~~~~ [[Category:Wt/lmo/Votazzion averte]]==
La prima votazzion la restarà averta per '''15''' dì e la sarà bona con un maggioranza de almen i '''2/3''' di voti.
===A favor===
(mantegnì)
*...
===Contra===
(toeù via/cambià)
*...

--~~~~ l’è la firma con marca temporal (sequenza de quater carater)

In quela manera chì a ghe sarà un conligament diret de la pagina principal ai votazzion averte.

Seconda votazzion[edit | edit source]

Se a l’incontrari gh’è nò una maggioranza de 2/3, se derva una noeuva votazzion per 15 dì. A la fin di 15 dì se fa quell che l’è stad decidud de la maggioranza 50%+1. In caso de parità (50%) se lassa stà ‘me che l’era inanz de la discussion.

A l’istessa manera se derva la seconda votazzion cont el scriver:

==Seconda votazzion averta --~~~~ [[Category:Wt/lmo/Votazzion averte]]==
La seconda votazzion la restarà averta per '''15''' dì e la sarà bona con un maggioranza de almen el '''505+1''' di voti.
===A favor===
(mantegnì)
*...
===Contra===
(toeù via/cambià)
*...

--~~~~ l’è la firma con marca temporal (sequenza de quater carater) La seconda votazzion la pò vesser dervida quand se sia, de qual se sia utent, basta che sien passad almen 15 dì del principi de la prima.

Quand che la votazzion l’è finida de scriv:

==Votazzion sarada --~~~~ ===

e se toeu via la categoria [[Category:Wt/lmo/Votazzion averte]]


Quand che una votazzion l'è stada sarada su al'è proibid dervila anmò sora l'istess argoment almanch per vun mes del moment de la soa saradura.