Wt/lmo/Pagina principala/Inseriment

From Wikimedia Incubator
< Wt‎ | lmo‎ | Pagina principalaWt > lmo > Pagina principala > Inseriment
Lombard Questa pagina del Wikizzionari chì l'è scrivuda in lombard, con la Noeuva Ortografia Lombarda

Procedure guidade per l'inseriment de parole noeuve[edit | edit source]

Atenzion: questa pagina chì la forniss una manera semi-automatica de lavorà quand che te voeuret creà di pagine noeuve con dent di parole noeuve in lengua lombarda o fotrestera (che sien nom, agetiv, verb o averb): per di alter tipi de parole o se i pagine esisten sgiamò per esempi perchè gh'hann dent sgiamò magara l'istessa parola in alter lengue o semper in lengua lombarda, cont un'altra fonzion come part del discors, quella procedura chì la va ben no. Te gh'hee de modifegà la pagina (varda Help:Come se modifica una pagina) cont el sgiontà el codes che te copiaret de la pagina Help:Sintassi di pagine noeuve che l'andarà a slongà la pagina sgiamò presenta.

Varda anca ► Guida essenzial

Te voeuret sgiontà una parola noeuva?[edit | edit source]

Inanz de tut regorda che la lengua lombarda la gh'hà minga un standard parlad o scrivud, i esisten vari dialet e grafie; inanz de scriver una vos noeuva controla che l'esista minga sgiamò. De fà quèst cercala in de la barra de ricerca chi de sota almanch cont el doperà i alter grafie principai, (soratut con la "Noeuva Ortografia Lombarda" - varda [1] - e la "Scriver Lombard"- varda [2]) 'chè magara l'è sgiamò stada scrivuda cont un'altra grafia.


El po vesser util anca l'indes alfabetich desgià che 'l t'ajuta a trovà di parole compagne.

a b c d e f g h i j k l m n o p q r s t u v w x y z
A B C D E F G H I J K L M N O P Q R S T U V W X Y Z


Stà nò a scrivela de noeuv se t'hee desquattad che l'è stada sgiamò scrivuda con un'altra grafia; i pagine a inn fade de manera che el titol el sìa fad domà cont una grafia e poeu in la pagina gh'è ona tabella che la gh'hà dent l'istessa parola con di alter grafie. De tucce i manere se te conosset nò i alter i grafie, preoccupess minga e fala istess, al massim in seguit i do pagine i vegnarann trade insema. Se t'hee trovad dò pagine scrivude con do grafie o du dialet varda ► Ajut:Come unì i vos lombarde.

Se la gh'è sgiamò ma cont un'altra grafia[edit | edit source]

Se la pagina l'esist sgiamò ma in d'un'altra grafia e/o dialet, derva la pagina sgiamò esistenta cercada con la fonzion de ricerca, poeu denter in de la pagina medemma, completa la tabella "ALTER MANERE DE SCRIVER" con la noeuva grafia specificand anca el dialet, te podet anca specificà la pronunzia in del to dialet segond l'alfabet fonitich internazzional. Ten a ment che 'l Lombard el gh'hà sgiamò un frach de dialet e grafie, donca quand che te completet la tabella cont i grafie locai doprei domà per i dialet che a inn stade destinade. Per esempi volta no in bergamasch cont el doprà la grafia milanesa, se de nò la lista la finiss pu e 'l ven foeura un rebellot.

Quand t'hee sistemad la pagina crea on redirezzion, o ben ona vos che la gh'hà 'me titol la toa parola e che la mena a la vos sgiamò averta ma che la gh'hà come tìtol l'istessa parola ind un'altra grafia e/o dialet che mena a la pagina sgiamò esistenta. De fà la redirezzion, met denter ind la sbarra la parola scrivuda con la toa grafia, schiscia "crea la redirezzion" e poeu vagh adrée al model propost (te podet fà di redirezzion anca per i plural vers el singolar).

*Indove che te ven domandad el dialet, droeuva i sigle (varda ► Wt/lmo/Help:Dialet) in del codes infra i parentesi grafe doppie {{ }} per esempi per indicà el dialet milanes scriv in del codes {{-MI}}. Se te gh'hee de creà la redirezzion in d'una vos che la gh'è sgiamò varda ►Ajut:Redirezzion

Grafie acetade[edit | edit source]

Se te voeuret giontà una parola noeuva te podet fall con qualsessia grafia, te seet comunque invidà a doperà voeuna di grafie panlombarde (la "Noeuva Ortografia Lombarda" - varda [3] - o la "Scriver Lombard"- varda [4]) cont el specificà denter ind la vos la grafia e magara anca el dialet che t'hee doprad. ►Ajut:Grafie acetade. Droeuva ona grafia local domà se te seet minga bon de drovà la Noeuva Ortografia Lombarda o la Scriver Lombard e fànn segnal in alt in del codeswiki de la pagina cont el scriver " {{G}} ", un quaivun el gh'avarà de passà denter a voltà i pagine segnalade in voeuna di ortografie panlombarde acetade.

Sgionta la vos noeuva se la gh'è nananmò![edit | edit source]

Per giontà 'na vos nuoeva scrivela in voeuna di sbarre chì de sota a segonda del mester che la parola la fa in del discors (Verb, Agetiv, Nom...), poeu schiscia "Crea" e vagh adree ai modei propost. Per capì mej te podet anca vardà l'esempi de compliazzion per on verb lombard.Te podet met denter anca di parolle forestere idest minga lombarde. Indoe che te ven domandad el dialet, drova i sigle (varda ► Wt/lmo/Help:Dialet, Wt/lmo/Help:Domande frequente sora la lengua lombarda) in del codes infra i parentesi grafe doppie {{ }} per esempi per indicà el dialet milanes scriv in del codes {{-MI}}.

Nom lombard Verb lombard Agetiv lombard Averb lombard




Nom minga lombard Verb minga lombard Agetiv minga lombard Averb minga lombard




Atenzion: (1) la pagina predefinida la gh'hà dent di modei che la ben per la Noeuva Ortografia Lombarda. Se te drovet la "Scriver lombard" slonga el nom del model con "SL" per esempi {{-hyphSL-}}inscambi de {{-hyph-}} e via inscì . (2) Se l'è el caso che la la parola che te voeuret inserì l'è egual come agetiv e come verb te podet sostituì el model {{-noun-}} o {{-adj-}} con {{-adjnoun-}} e sgiontà in fond a la pagina la categoria de l'agetiv voltra quella del nom o viceversa. (3) i verb preposizzionai inn di verb per so cunt donca cuntà su e cuntà i gh'hann de stà in su du pagine per so cunt. (Anca se l'è che te metet in su la pagina de "cuntà" un rimand vers la pagina "cuntà su" cont el doperà el model "e anca"). (4) A se scriven i verb domà al moeud infinid; per i vos verbai, varda putost Wt/lmo/Help:Sintassi_pagine_noeuve#Vos di verb lombard.


In quant ai verb lombard 'na volta tirada in pee la pagina te podet classificà el verb (regolar, iregolar, transitiv ecc...) cont el modificàla per mez de la sgionta del modell "verb" sota la riga del modell "{{pn}}". La soa sintassi l'è despiegada chichinscì.

Procedura general[edit | edit source]

Per qualsessia part del discors che la gh'è minga in di caselle chì de sora (per esempi locuzzion agetival, locuzzion nominai ecc.) a gh'è semper la procedura sgeneral, o ben scriv in la casella chi de sota:

→ Parolla noeuva →→ style="background-color:#7FFFD4;"

Quand che a se derva la pagina noeuva copiegh denter el codes ciapad de questa pagina chì: Wt/lmo/Help:Sintassi pagine noeuve e completa.

Ligam a Wikipedia in lengua Lombarda[edit | edit source]

Ajut:Ligam a Wikipedia

Atenzion: caso rar ma dificil de gestì[edit | edit source]

►Se la pagina la gh'è sgiamò ma l'è el caso che la parola che te voeulevet scriver con la toa grafia la corrispond a una pagina che 'l so titol in un'altra grafia el voeul dì 'n'altra parola alora crea ona pagina che la gh'ha 'me titol la parola che te voeulet scriver seguida del numer "/1". Fall a l'istessa manera cont el doprà i caselle chì de sora.

Donca crea la pagina de desambiguazzion che la gh'hà come titol la parola seguida de "/desambiguazzion". Fà la desmbiguazzion infra la vos giamò esistenta e quela cont el numer "1" cont el scriver la vos de desambiguazzion chì de sota andandogh adrée al model propost. Chì de sota scacela "parola" e scriv la parola de "desambiguà" poeu schiscia "crea la pagina de desambiguazzion" e vagh adrée al model propost.


Fagh atenzion: la desambiguazzion l'è de fà domà quand che una parola lesgiuda second do diverse grafie la voeur dì do parolle diverse, minga quand che l'istèssa paròla leggiuda con l'istessa grafia la gh'hà du significad. In quel caso chì, assee comun, te gh'hee inveci de fà no la desambiguazzion ma pustost de sgiontagh l'alter significad ind la stessa pagina.

Quant che t'hee fad la desambiguazzion va a la pagina che l'era sgiamò esistenta e met on conligament vers la pagina de desambiguazzion cont el scriv in alt, sota {{-lmo-}} in del codes de la pagina:

Per el significad in alter grafie varda ►►► '''[[parola/desambiguazzion]]'''    

Questa situazzion l'è grama, ma per fortuna l'è anca assossen rara, ma la po capità.

►Un'alter cas de desambiguazzion l'è quell che l'istessa parola in d'un dialet la voeur dì una roba, e in d'un alter dialet la voeur dì un'altra desgià che l'è una variant d'una altra parola sgiamò presenta in del dizzionari. In quel caso chì la desabiguazzion l'è una sorta de doppia redirezzion vers i do pagine, la ven construida a l'istessa manera con la diferenza chi in del codes di pagine se gh'hà del met denter sota {{-lmo-}}:

'''Atenzion''': in d'un quai dialet questa parola chì l'è una variant d'un'altra parola in lengua lombarda ►►► '''[[parola/desambiguazzion]]'''     

(ovviament al post de "parola" met dent la parola).

Esempi: me/desambiguazzion

►Dessorapù un'alter cas l'è chesschì.

'''Atenzion''': in d'un quai dialet questa parola chì l'è anca el plural de'''[[parola al singolar]]''' ►►► varda '''[[parola al singolar]]'''

Te voeuret scriver la conjugazzion d'un verb?[edit | edit source]

Scriv el verb a l'infinid inscambi de "verb" poeu vagh adree a pagina proposta


Poeu quand che t'hee finid, se t'hee cread una pagina noeuva, và in su la pagina de la parola del verb e mètegh un conligament cont el scrivin del codes (sota la riga che la comenza con {{pn}}:

:''Conjugazzion'' ►►►'''[[verb/conjugazzion]]'''

(con la parola del verb inscambi de verb oviament).

Pagine d'ajut util:

Ajut:Pronom personai soget in lombard
Ajut:Conjugazzion
Ajut:Sigle
Lombard Questa pagina del Wikizzionari chì l'è scrivuda in lombard, con la Noeuva Ortografia Lombarda