Wt/lmo/Help:Guida essenzial

From Wikimedia Incubator
< Wt‎ | lmoWt > lmo > Help:Guida essenzial
Lombard Questa pagina del Wikizzionari chì l'è scrivuda in lombard, con la Noeuva Ortografia Lombarda


Come consultà el Wikizzionari

Per consultà el Wikizzionari te gh'hee de scriver el nom de la vos che la te interessa in del riquader de ricerca e poeu schiscià el boton “Cerca la parola sgiusta”: se la vos la gh’è, te ghe rivareet diretament. Tutamanch te podet drovà el boton Ricerca in del test: te otegnaree 'na lista di articoi che gh'è denter la parola che t’hee scrivud. Ten in cunt che in del Wikizzionari a gh’è diferenza infra i leter majuscole e chì minuscole, donca a scriver "sistema operativ" l’è divers de scriver "Sistema Operativ".

De là del consultà in manera diretta, te podet anca navigà con l’indes general.

Come se crea una vos

Varda anca Procedure guidade per l’inseriment de parole noeuve
Varda anca Come creà una vos noeuva

Note importante sora 'l dirit d'autor

Fàgh atenzion soratut a ‘na roba: se te decidet de scriver o de modificà una vos, tut i test che te met denter i gh’hann de vesser scrivud de ti medesim (impunemanch te gh’hee nò de firmai), opur i gh’hann de vesser de domini publich, o havegh una licenza assee toleranta (compagn che la GNU Free Documentation License [1] ([2] version original in lengua inglesa), o inscambi, te gh’hee de otegnì, de l’autor originari, el permess de drovà i so contegnud denter in quell proget chì .

De tute i manere quell che l’è protesgiud de dirit d’autor l’è semper domà el test, e minga el significad de quell che l'è scrivud. Per ‘sta reson chì la solita manera de lavorà l’è quella de vardà e fà el confront infra diverse font in su la red o in su la carta per catà su i giuste informazzion. Però quell che te metareet in sul Wikizzionari la sarà 'na vos scrivuda cont i to parole.

Ten in cunt che la licenza [3] , che la revarda tut el material de quell sit chì, la permet chissessìa de modificà e/o spartì in gir liberament tusscoss a gratis o per di fin de guadagn . Se te acetet minga i condizzion de la licenza e te credet nò in del spiret de libertà che l’ànima quèll proget chì, alora la GNU Free Documentation License la te va minga ben e l’è mei per ti che te tornet ai enciclopedie tradizzionai a scatola sarada.

Ocio: voeuna 'nfra i prime robe fade di veterani del Wikizzionari per controlà che i articoi noeuv i rispetten i dirit d’autor l’è el cercà coi motor de ricerca i frasi contegnude in di articoi medesim. El capita alora, de spess, che se troeuven di articoi copiad “spetasciad” de alter sit, e che per quest poden stà no in del Wikizzionari perchè la licenza de la vos l’è tropa limitanta opur perchè i dirit a inn riservad. Quand che l’è minga specifegada la licenza, alora se considera come se nissun dirit de riproduzzion el sìa concess. Se l'è concessa la distrubuzzion a gratis, ma minga quella per fin de guadagn, comunque l’è minga assee, per el fatto che voeuna di libertà prevedude de la licenza GNU Free Documentation License l'è negada.

De solil el test inserid in del Wikizionario, quand che l'è stad ciapà de alter sit in gir per la red soget a di licenze limitante, el vegnarà scancelad opur scrivud de noeuv a doprà di alter parole. Donca se gh'hà de inserì no quell tipo de material chì. In del cas che però te see tì l’autor d’una vos che la se troeuva anca in di alter sit, opur che t’hee tolt contat con l’autor d’una vos sgiamò presenta in su la red, che 'l t’hàd da del permess de publicà la soa roba in sul Wikizzionari sota la licenza GNU Free Documentation License, alora la vos la sarà la benvegnuda; ma te domandom espressament de tacàgh a la vos la deciarazzion esplicita de consens de l’autor, per fa de manera che la vos la sarà nò scancelada in del cors del temp che ‘l vegnarà.

Nozzion fondamentai

Tucc i poden fàgh di cambiament a qualsessia pagina del Wikizzionari, semplicement per mez del conligament "'Modifega'".Un quaivun el podarìa donca creder che, con di azzion de vandalismo, i articoi pussee boni se ruinen a la svelta. Tutamanch l’è minga inscì, desgià che el Wikizzionari la var nanca la pena a danegià el wikizzionarui : de fat, tute i version vege de ogni pagina i vegnen mategnude e l'è per quest che a ghe sarà sempr'un quaivun che l’inverserà i to modifiche e sgiustarà el dagn. Per vedè tute i version indree l’è assee che te veet adree al conligament "Version pussee vege".

Ten in cunt che i conligament ai articoi sgiamò present in sul Wikizzionari inn diversi de quei nonanmò scrivud (i prim comparen in bleou, i segond in ross).

A comenzà 'na vos noeuva l'è facil, de fat gh'è domà de ‘ndagh adree a la procedura guidada. Se te veouret inserì 'na parola noeuva, in d'una pagina nancanmò esistenta, in quant ai verb, agetiv, nom e averb l’è assee ceh te veet adree a la procedura de la pagina de inseriment guidad. Un esempi de come l'è che el codeswiki el gh'hà de vesser compilad te podet vardàll chichinscì e per savénn pussee in quant a la sgestion di dialet và a lensger anca Wt/lmo/Help:Domande_frequente_sora_la_lengua_lombarda.

Estrat de la pagina de inseriment guidad. Per tacà a creà ona vos noeuva scrìvegh dedenter a voeuna di caselle e poeu schiscia "crea"

Se a l'opost, dopo de avèla cercada in la casella de ricerca, t’hee descovert che la pagina la gh'è sgiamò, e te voeulet fàgh di modifeghe, clica cont el boton manzin de la maneta in su l’eticheta “Modifega” in alt a drizza, ben scrìvegh denter in del riquader de modifica. Quand che t'hee finid, schiscia in su “Fàm vedè prima” de manera de avègh una anticipazzion de la pagina inanz de salvà, e in fin se tusscoss el va ben schiscia in su “Mèt foeura i cambiament”. Ten in cunt che se la modifega che te voeuret fà l'è una modifega minga piscinina, ma te voeuret per esempi met denter una parola noeuva in d’una lengua noeuva dedenter a una vos 'ndove gh'è sgiamò denter l’istessa parola ma riferida a un'altra lengua, opur te voeuret inserì l'istessa parola con la stessa lengua ma che 'l so mester come part del discors a l'è 'n alter (per esempi in del cas che la parola l’è inserida come on’agetiv e et voeuret voeura metela denter anca come on nom), e te gh’hee de sgiontà del codes noeuv in la finestra de modifega.

Va alora a ciapà el codes che ‘l ghe va ben per el tipo de parola che te voeuret meter denter (verb, nom, pronom ...) in la pagina d’ajut Wt/lmo/Help:Sintassi_pagine_noeuve e copieghell denter in de la pagina che te gh’hee de integrà. Ricòrdes che i parole comprese infra <!-- e --> inn domà di instruzzion (o di note che te podet scriver anca ti se gh’è besogn de dì ‘n quaicoss a chi che vegnarann a lensger el codes despoeu de ti) che influenzen minga el risultad final de la pagina. Regòrdes ancasì che per indicà i dialet te gh’hee per esempi de scriver in del codes {{Wt/lmo/-MI}} per el dialet milenes evia inscì per i alter dialet inscì 'me l’è descrivud in la pagina Wt/lmo/Help:Dialet. Se te metetr dent di parole forestere, regòrdess inveci de indicà el codes ISO 639-1 (o in mancanza l'ISO 639-3 [4]) de la lengua (cioè “it” per l’italian, “vec” per el veneto,”fr” per el frances, “en” per l’ingles, "pms" per el piemonetes, "egl" per l'emilian…)

Se poeu te gh'heet de fà di alter corezzion, te podet semper tornà a la modifega.

Una procedura general per creà di pagine noeuve senza serviss de la pagina de inseriment guidad (che comunque te gh'hee de lensger perchè la gh'hà denter di istruzzion) l'è semper quella de scriver la parola noeuva de sgiontà al wikizzionari in la casella de fianch de "Parolla noeuva", schiscià sgiò in su "Crea", copiàgh denter in la pagina noeuva el codes sgiust de la pagina d'ajut Wt/lmo/Help:Sintassi pagine noeuve e poeu compilà compagn che in de l'esempi.

Casella de meter denter di parolle noeuve, in la pagina principal e in quella de inseriment guidad

Se la lengua foresta la gh'hà diversi dialet e te vouret indicà el dialet, fà on'altra modifega cont el scriver "- dialet" seguid del codeswiki modell del dialet (varda quella pagina chì per savè el codeswiki modell de scriver, per esempi {{egl-PC}} per el dialet Piasentin de la lengua emiliana) a la fin de la terza riga compagn de quell'esempi chì: üga; a l'istessa manera te gh'heet de specificà l' ortografia se la lengua ghe n'hà pussee de voeuna.

Se te voeuret meter dent di coment per i ministrador o per chì che, poeu, i andarà a modifegà la pagina, scrìvii in mez a 'stì du simboi chì <!-- e -->:


El sabion

El sabion (Wt/lmo/Wikizzionari:Sabion l’è una pagine per fa i prove. Per creà una pagina noeuva per mez del sabion: Scriv in del Sabion e mettegh sgiò "[[" prima del nom de la noeuva pagina, e "]]" dopo el nòmm. Per esempi, a podaressov scriv: [[Wt/lmo/la mia pagina|la mia pagina]]. Adess, salvee al sabion e tornee al ligam [[Wt/lmo/la mia pagina|la mia pagina]] che avii creaa. A ghe sarà on ligam in ross, come chì: la mia pagina (però quest esempi el funziona minga!). Fasee clic in sul ligam; vargot al dervarà la noeuva pagina, col titol de l'articol, e una cassa de test in bianch, che podii completà col voster test.

Convenzion

De sicur t’avaret capid che in del Wikizzionari a l’è disponibil una fila de convenzion, molto facil del imparà, per creà di titoi, di liste, di conligament a di vos interne opur a di sit de foeura, ecc.

In la tabella chì de sota gh’è una curta descrizzion di robe pusse util de savè:


Cosa te voeuret otegnì Cosa gh’hee de scriver per otegnìll

L’è scià la manera de marcà su ‘na quai part del test.

grasset

corsiv

grasset corsiv

Il grasset l’è de vesser drovad, per esempi, quand che in d’una vos, l’è la prima volta ch’a se ciama per nom la vos de la qual s’è ‘dree a parlà.


'''grasset'''

''corsiv''

'''''grasset corsiv'''''

Ten a ment che, per separà un paragraf de quell adree, l’è aseee che te lasset una riga biancha infra i du paragraf. Sta fras chì la fa anmò part del prim paragraf.

Con questa chì, inveci, el comenza un paragraf noeuv.

Ten a ment che, per separà un paragraf de quell adree, 
l’è aseee che te lasset una riga biancha infra i du paragraf.  
Sta fras chì la fa anmò part del prim paragraf. 

Con questa chì, inveci, el comenza un paragraf noeuv.

Anca a fa una lista l’è molto facil. A l’è assee che te metet un asterisch inanz de ogni vos (in del wikizzaionari el ven drovad soratut in la lista de lengov in di quei ona parolla la ven voltada):

  • prima vos,
  • segonda vos,
  • terza vos
    • a sgiontà di asterisch se sgionten di sot-liste
      • inscì

Se poden fà anca di liste numerade (in del wikizzionari se droeuven soratut per fà la lista di definizzion):

  1. col simbol "cancellet"
    1. molto facilment

È a l’è anca possibil fa una lista dent in d’un altra:

  1. prima vos
    • segonda vos
Anca a fa una lista l’è molto facil. 
A l’è assee che te metet un asterisch inanz de ogni vos (in del wikizzionari el ven drovad soratut per fà la lista di lengov in quai ona parolla la ven voltada):
* prima vos,
* segonda vos,
* terza vos
** a sgiontà di asterisch se sgionten di sot-liste
*** inscì
Se poden fà anca di liste numerade (in del wikizzaionri se droeuven soratut per fà la lista di definizzion):
# col simbol "cancellet"
## molto facilment
È a l’è anca possibil fa una lista dent in d'un altra:
#prima vos
#*segonda vos

Conligament al verb andà:

andà

A l’è minga obbligatori che ‘l nom de la vos el compara in del test del conligamen. Per esempi:

Pagina de proeuva

De sicur te sareet acort che in del Wikizzionari a gh’è l’usanza de ativà di conligament de ‘sto tipo chì vers tute i vos che gh’hann o gh’avarann una vos in del dizzionari (per esempi i nom di personagg famos o di loeugh geografegh, ecc.)

Conligament al verb andà:

[[Wt/lmo/andà|andà]]
A l’è minga obbligatori che ‘l nom de la vos 
el compara in del test del conligamen. Per esempi:

[[Wikizzionari:Sabion|Pagina de proeuva]]

De sicur te sareet acort che in del Wikizzionari 
a gh’è l’usanza de ativà di conligament de ‘sto tipo chì
vers tute i vos che gh’hann o gh’avarann
una vos in del dizzionari (per esempi i nom di personagg
famos o di loeugh geografegh, ecc.) 

Conligament a un sit de foeura:

http://www.wiktionary.org

[5]

Conligament a un sit de foeura "che l’è stad ciamad cont un alter nom":

Wikizzionari ingles

Conligament a un sit de foeura:

http://www.wiktionary.org

[http://www.wiktionary.org]

Conligament an sit de foeura "che l’è stad ciamad cont un alter nom":

[http://www.wiktionary.org Wikizzionari ingles]

PS: a l’è important che te includet el prefiss http://

Registràss in sul Wikizzionari

I passagg indicad in quella sezzion chì a inn minga obligatori i, tutamanch a inn assosenn consiliad per fa diventà pussee facil per i Wikizzionarista de conossess infra de lor e per associà el nom de l’utenza d’un Wikizzionarista ai contribuzzion che lu o lee le forniss a lmo.Wikizzionari adree a la man . Dessorapù, ‘na quai fonzion del Wikizzionari compagna de Carega o del spostament di pagine la po vesser doprada di utent registrad.

Clica in sul conligament "Và dent" in del menu de sora a sinistra de la pagina, poeu met dent el nom per che t'hee scrvì per la toa utenza e cata foeura 'na parola d’ordin (te gh’heet de ripetela per el control ortografich), infin met dent un adress de posta elettronica (l’è mei se l’è bon, desgià che ‘l servìss, per esempi, de recuperà la parola d’ordin semai che te la se desmeteghet) e clica in su "Crea un cunt".

Per savenn pussee và a lensger la pagina Wt/lmo/Help:Come registràss.

Discussion sora una vos

L’è d’usanza che i discussion ch’a podarissen vegnì foeura, a vegnen trade inanz minga cont el modifegà la vos medesima, ma cont el metegh denanz al nom de la vos el prefiss Talk: (varda: Wikizzionari:Pagina discussion). Per esempi, vagh adree al conligament Talk:Wt/lmo/pelandra per sentit coi alter utent in sul scriver mei la vos pelandra! A gh’è poeu di alter prefiss specifich, de che se ‘n parla pussee in detali in Wt/lmo/Help:Spazzi di nom.

Mancanza de acord

In del caso che a se troeuva minga un acord, se passa a la votazzion, i regole per la votazzion a inn descrivude in la pagina Wt/lmo/Wikizzionari:Consens

Pagina Cambiament recent

Com’è che foo a savè quai a inn stade i ultime vos inseride o modifegade? Magara te piasaria sistemà di articoi noeuv che podarissen avegh denter di eror e sariss mei coregei subit, opur te pasariss che di alticoi scrivud de te medesim sien toeu in esamm. A l’istessa manera el sarà interessant stagh adree ai discussion e i ciciarade noeuve che sortissen de maneman sora i vari articoi, per discut sora i migliorament possibil… Coma l’è che ‘l se fa, alora?

La pagina special Cambiament recent, che la po vesser raggionta a clicà in sul conligament disponibil in tute i pagine, la serviss proppi de fa quell mester chì. In questa pagina chì, de fat, te trovaret la lista di cambiament recent ordinad segond al moment de la scritura con de fianch el nom l’autor e anca un zich de coment. El coment l’è util (anca se l’è minga obligatori) per fagh capì ai alter Wikizionarista el tipo de modifega o de sgionta che t’hee fad. Per fall comparì, quand che ti te feet un cambiament, l’è assee che te impienisset la casella de test insegnada come "Riassont de la modifega" al moment de la modifega (inanz de salvà la pagina).

Di alter indicazzion

Dessorapù fagh atenzion che:

-A scriver i letere majuscole e minuscole l’è minga l'istess. Scriv i letere majuscole domà quand che l’ortografia je voeur. I leter majuscole, de solit i ghe vann ben domà al prinicipi d’un nom propi.

-Scriv i acent domà quand ch' a inn previst de l’ortografia, in particolar i acent in del mezz de la parola, in lengua lombarda se poden scrivere per “ò” e “è” (e minga per “ó” “è”), domà per l’ortografia milanesa classica a la manera del Circolo Fiolologich Milanes.

In fin de la fera

Per savenn pussee di argoment minga tratad chiscì, te podet fa riferiment a la documentazzion inglesa ► [6] . De tute i manere, ten in cunt che la pupart di robe de savè ti t’je sgiamò imparade dopo che t'hee lesgiud questa guida chì!

Per imprender a la svelta a scriver una bona vos te consìliom de navigà in del Wikizzionari e de andagh adree ai esempi di articoi scrivud ben. Comunque te gh’hee minga de vesser timid o trop procupad de fà di eror: quest l suced a tut, ma ‘l bell del Wikizzionari l’è che ‘l te vegnarà prest adree un quaivun ch ’ai coresgiara: Adree a la man te ciaparet naturalement un stil otim e te saree content a vedè che i pagine che t’heet comenzad sarann 'dree a diventà meneman pussee pien de roba noeuva.

L’è facil che t’havaret notad che ‘l Wikizzionari ingles o quell italian a inn strapien de articoi e ghe ‘ne tanti se otim livel. Una manera simpatica de havegh subit un quaicoss de scriver al’è el metess adree a voltànn ‘n quaivun in lengua lombarda. Se te conosset una quai lengua foresta, anca diversa de l’ingles o de l'italian, questa chì l’è una toa qualità ecelenta che te podaret met a disposizzion de la comunità del wikizzionari.

Per fà inscì, te podet drovà anca di alter version foreste de Wikipedia.

Pagine corelade