Wt/lmo/Appendix:Costruzzion de la fras in lombard

Questa pagina del Wikizzionari chì l'è scrivuda in lombard, con la Noeuva Ortografia Lombarda

Chichinscì la ven descrivuda la costruzion de la fras a la forma ativa: per la forma passiva e riflessiva varda forma passiva e forma riflessiva.

Fras afermative

Strutura tipica (fras ai moeud indicativ, consgiuntiv o condizzional)

Soget fort + Soget debol+ Predicad + Complement oget + Alter complement

Esempi:MI^-

El March l' ha mangiad un pom in ca'

Atenzion:

• El soget fort l'è minga obligatori;
  
• El soget debol el gh'hà de andà d'acord cont el soget fort, l'è obligatori pussee o men a segonda del soget o del dialet; in dialet milanes per la terza persona singolar domà quand che 'l verb l'è intransitiv e se a se voeur meter el soget dopo del predicad a se po drovà "ghe" inscambi del pronom debol de 3^, o ben per esempi se poò scriver sia "gh'è mort el March", "gh'è rivad el March" sia "l'è mort el March", "l'è rivad el March.... "
  
• El predicad oviament l'è obligatori;
  
• El complement oget se met se 'l gh'è (e comunque domà quend che 'l predicad l'è 'n verb transitiv);
  
• El complement de termin a se po meter anca prima del complement oget.
  

El complement oget el po anca vesser espress per mezz di particole pronominai complement oget prima del predicad

(Soget fort) + Soget debol + Particola pronominal complement oget + Predicad + (Alter complement)

Esempi:MI^-

Lù el m' ha ajutad

Atenzion: el pronom soget debol a se dev minga meter in presenza de la particola pronominal complement oget de 3^plural (je, ja, je...) foeura che a la 2^ singolar che l'è obligatori.

Esempi:MI^-

Lù ai ha ajutad

• I alter complement se meten quand che gh'è besogn, la pupart de lor la ven introdota per mezz de preposizzion, poden anca vesser miss prima del soget (soratut quei de temp).
  

Esempi:MI^-

Jer lù el m' ha ajutad

• El complement de termin (o quell de vantagg) el po anca lu vesser espress per mez di particole pronominai complement de termin (o de vantagg) prima del predicad
  

(Soget fort) + Soget debol + particola pronominal complement de termin + Predicad + (Complement oget) + (Alter complement)

Esempi:MI^-

lù el m' ha imprestad un liber

In lengua lombarda l'è permetud poeu el rinforz del complement de termin (o quell de vantagg) a la fin de la fras con "a + pronom personal soget fort" quand che se voeur marcall.

Esempi:MI^-

lù el m' ha imprestad un liber a mì

• A poden anca vesser present sia la particola pronominal complement de termin (o de vantagg) sia quela del complement oget. La strutura l'è
  

(Soget fort) + Soget debol + particola pronominal complement de termin + Pronom personal complement oget + Predicad + (Complement oget) + (Alter complement)

In quell caso chì per el pronom soget debol quand che 'l se drova, se drova semper el pronom personal soget debol universal foeura che per la 2^ persona singolar, semper obligatori a la 2^persona singolar, in di alter casi a segonda di dialet, el pronom complement oget a la 3^ singolar l'è semper le e minga el.

Esempi:MI^-

lù a me l' ha imprestad
ti te te l' heet imprestad

• El complement di stat in leough o moto a loeugh el po vesser anca espress con la parola "ghe" prima del predicad;

• In quell caso chì el soget el po vesser miss dopo del predicad e in quell cas chi come soget debol soratut in la forma parlada se po drovà semper el pronom soget debol universal "a". (A gh'è poeu anca di alter casi che se po fà inscì, per esempi di volte quand che se parla del temp meteorologich).
  

Esempi:MI^-

De foeura a gh' era el temporal
De foeura a fa un frecc de lader

diversament se dopera el pronom personal soget tipich de la persona: (►varda pronom personai soget deboi)

Esempi:MI^-

L'intenzion la gh' era

• A se pò drovà domà el pronom debol universal "a" in di fras passive impersonai o impersonai fade su per mezz de la particola pronominal passivanta/impersonal "se"
  

►varda►►Wt/lmo/Appendix:Forma passiva in lombard

►varda►►Wt/lmo/Appendix:Forma impersonal in lombard

Strutura tipica (fras ai moeud infinid, gerundi, imperativ de 1-2^persona)

Predicad + (complement de termin) + (Complement oget) + Alter complement

Esempi:MI^-

Dà a lu un pom de mangià

El complement oget el po anca vesser espress per mezz di particole pronominai complement oget in forma de sufiss

Predicad +Particola pronominal complement oget (sufiss) + (Alter complement)

Esempi:MI^-

Dàll a lu de mangià

• El complement de termin (o quell de vantagg) el po anca vesser espress per mezz di particole pronominai complement de termin (o de vantagg) in forma de sufiss
  

Predicad + particola pronominal complement de termin (sufiss) + Pronom personal complement oget + (Alter complement)

Esempi:MI^-

Dàgh on pom de mangià

• A poden anca vesser present sia la particola pronominal del complement de termin sia quella del complement oget come sufiss. La strutura l'è
  

Predicad + Particola pronominal complement de termin (sufiss) + Particola pronominal complement oget (sufiss) + (Alter complement)

Esempi:MI^-

Dàghell de mangià

Soget

Al'è la persona o la cossa la fà l'azzion el soget el po vesser rinforzad el soget debol e 'l soget fort a inn l'istessa entità, el soget debol el serviss domà de riforzà quell fort. El soget fort l'è mai obligatori. Quell debol el po vesser come anca el po vessell no a segonda de la persona (me, te, lu ... lor) e del dialet. Per esempi in del dialet milanes che l'è molto italianizzad l'è obligatori domà per la segonda e terza persona singolar. I dialet men italianizzad inveci el doperen quasi semper. De solit l'è obligatori a la 2^,3^ persona singolar e a la 3^plural.

Soget fort

El po vesser un nom adree a un articol o un pronom personal soget fort.
► varda Pronom personai soget in lombard

Soget debol

L'è un pronom personal soget debol che 'l vaga d'acord con el soget fort.
► varda Pronom personai soget in lombard

Predicad

El predicad el po vesser nominal o verbal

Predicad nominal

El predicad nominal a l'è formad del verb vesser, la copula, che la po vesser conjugada in tut i temp verbai e che la po vesser unida cont di verb servil o di verb fraseologich, e una part nominal, che la da di informazzion sora el soget. Se per esempi la part nominala a l'è un nom, la po vesser compagnada da vun o diversi agetiv. La part nominal la po vesser un nom, un agetiv, un averbi etc.

Predicad verbal

El predicad verbal , a l'è formad de vun o diversi verb che i poden vesser conjugad in tut i temp verbai, che disen un quaicoss a proposit de l'azzion del soget. Diversament del predicad nominal, el predicad verbal a l'è formad domà de verb (che i poden vesser anca el verb vesser, e el verb havè o anca verb compost).

Fras imperative

Strutura tipica (meter in fond el soget!)

(che)³ + Soget debol³+ Predicad + (Complement oget) + (Alter complement) + (Soget fort)

3 : domà a la terza persona singolar o plural.

L'imperativ el po vesser epress anca in forma impersonal senza soget e cont el verb al moeud infinid

Fras negative

La costruzzion di fras negative l'è l'istessa de quei afermative, la diferenza l'è che 'l predicad l'è in forma negativa. Per fà diventà la forma negativa se sgionta l'averb de negazzion minga (variant locai miga, menga, mia, mea, migna) opur nò (domà in certi dialet comapagn del milanes, el lodesan, el brianzoeul, el paves):
►" minga/ miga/ menga/ mia/ mea/ migna " el se met: panlombard
1) Dopo del verb se l'è a un temp sempliz:

Esempi:MI^-

Afermativa: Lù el canta

Negativa: Lù el canta minga

2) Infra l'ausiliar e 'l participi passad in del caso di temp compost:

Esempi:MI^-

Afermativa: Lù l' ha cantad

Negativa: Lù l' ha minga cantad

3) Prima del verb a l'infinid dopo de preposizzion:

Esempi:MI^-

Afermativa: per cantà

Negativa: per minga cantà

3) con l'aplicall al verb servil, se prima del verb gh'è un verb servil:

Esempi:MI^-

Afermativa: Lù l' ha podud cantà

Negativa: Lù l' ha minga podud cantà

►Nò el se met de solit dopo del participi passad: MI^- Br^- LO^- PV^-

1) Dopo del verb se l'è a un temp sempliz:

Esempi:MI^-

Afermativa: Lù el canta

Negativa: Lù el canta nò

2) Dopo el participi passad in del caso di temp compost:

Esempi:MI^-

Afermativa: Lù l' ha cantad

Negativa: Lù el ha cantad nò

Se dopera de solit "minga", la scerna infra " minga" e "nò" l'è fondada anca sora di question de fonetica.

►varda Wt/lmo/Appendix:Forma passiva in lombard per la forma passiva

Dopia negazzion assoluda

La dopia negazzion l'è assoluda quand che se dopren i pronom indefinid negativ "nagot"/"nient", "nissun" o comunque quand che 'l complement oget l'indica negazzion, o in del predicad a gh'è un averbi de nagazzion per un quai dialet alpin:

(Soget fort ) + nó + (Soget debol) + Predicad + Pronom negativ/Complement negativ + Alter complement

Esempi: MI^-

Mi nó credi pu a nagot

Nó gh'è nissun

Nó gh'è ne lee ne lu

Nó gh'è persona pussee vigliacca

Esempi: Lombard alpin

Nó l'hoo mai vedud

Ocio: prima del verb l'è nó, dopo l'è nò

Negazzionn realtiva astringenta

De scriver

Esempi:MI^-

Mi nó hoo fad alter che 'l lavorà

Fras interogative direte

Interogative sora el complement oget o l'identità

Interogrative sora di cose (con pronom interogativ)

A segonda di dialet e se po meter el pronom interogativ Cossa/Se el ven miss al principi o opur Cosè a la fenitiva de la fras;

Cossa/Se/Cossa l'è che + el rest de la fras?

El rest de la fras + cosè?

Esempi:MI^-

Se te see 'dree a fà?

Cossa te see 'dree a fà?

Cossa l'è che te see 'dree a fà?

Te see 'dree a fà cosè?

Cossa l' è?

Cossa l'è che l' è?

Interogative sora di persone (con pronom interogativ)

Se met el pronom interogativ Chi al principi de la fras;

Chi/Chi l'è che + el rest de la fras?

Esempi:MI^-

Chi te amet?

Chi l'è che te amet?

Chi te seet?

Chi l'è che te seet?

Dessorapù sora l'identità sia di persone che di robe (con pronom interogativ)

Qual è quell che... + el rest de la fras? "m"

Qual è quella che... + el rest de la fras? "f"

Interogative sora di cose persone con agetiv interogativ "che"

Che + nom + el rest de la fras?

Esempi:MI^-

Che bagai te amet?

Casi particolar: l'orari e 'l temp meteorologich:
►►varda►►►Wt/lmo/Appendix:Come domandà e dì l'ora in lombard
►►varda►►►Wt/lmo/Appendix:Come domandà e dì el temp meteorologich in lombard

Interogative sora l'argoment

Interogrative sora di cose

....

De cossa/De cossa l'è che + el rest de la fras?

In su cossa/In su cossa l'è che + el rest de la fras?

Sora cossa/In su cossa l'è che + el rest de la fras?

Interogrative sora di persone

....

De chi/De chi l'è che + el rest de la fras?

In su chi/In su chi l'è che + el rest de la fras?

Sora chi/In su chi l'è che + el rest de la fras?

Interogative sora el temp

Moment precis

Quandè che + el rest de la fras?

Esempi

Quandè che te fee qualla roba chì ?

Principi de l'azzion

De quandè che + el rest de la fras?

Esempi:

De quandè che te spetet  ?

Fin de l'azzion

Fina a quandè che + el rest de la fras?

Interogative sora la caosa

Cossa/Se + el rest de la fras + de fà ?

Come mai + el rest de la fras ?

Esempi:MI^-

Se te pianget de fà?

Come mai te pianget?

Interogrative-negative sora la caosa

Averb interogativ + el rest de la fras + no ?

Averbi interogativ= Perchè / Come mai

Esempi

Perchè te manget no?

Come mai te manget no?

Interogrative-negative sora la manera

Averb interogativ + el rest de la fras + no ?

Averbi interogativ= Come / Comè che / In che manera

Esempi:MI^-

Comè che t' hee fad?

Come t' hee fad?

Interogative sora el stat in leough

Stat in loeugh

A segonda di dialet l'averb interogativ indove el ven miss al principi o a la fenitiva de la fras; Se l'è al princippi el gh'hà l'acent in su la "o": indóve Se l'è a la fenitiva sora la e final: indovè

Indove + el rest de la fras ? (dialet MI^- )

el rest de la fras + indovè?

Esempi:MI^-

Indove te seet?

Te seet indovè?

Moto de leough (provenienenza)

A segonda di dialet el pronom interogativ indove (con denanz la preposizzion de) el ven miss al principi o a la fenitiva de la fras; Se l'è al princippi el gh'hà l'acent in su la "o": D'indóve Se l'è a la fenitiva sora la "e" final: d'indovè

De indove + el rest de la fras ? (dialet MI^- )

Costruzzion compagna de la fras afermativa + d'indovè?

Esempi:MI^-

D'indove el ven?

Interogative sora la quantità

1) Se drova al principi de la fras l'agetiv interogativ Quant "m" Quanta "f" Quanti "m f" denanz del nom che 'l sariss el complement oget;

Quant + nom complement oget + el rest de la fras ?

2) Se drova al principi de la fras el pronom interogativ Quant al principi de la fras;

Quanto + el rest de la fras ?

Esempi:MI^-

1) Quanta carna t' hee mangiad?

2) Quant t' hee bevud?

Interogative sora l'ora

►►varda►►►Wt/lmo/Appendix:Come domandà e dì l'ora in lombard

Interogative sora el temp meteorologich

►►varda►►►Wt/lmo/Appendix:Come domandà e dì el temp meteorologich in lombard

Interogative sora el nom

Come + (pronom debol) + particola pronominal riflessiva + verb ciamà?

Esempi:

Come te se ciamet?

Conligament infra i fras

Quand che l'esist una relazzion infra do fras, i se poden conligà:
-per mezz de una sgiontadura o una locuzzion de sgiontadura (seguida da una fras con verb a un moeud finid - (indicativ, consgiuntiv o condizzional);
-per mezz de preposizzion o locuzzion preposizzionai (seguida de una fras con verb a l'infinid);
-cont el comenzà la segonda fras cont un pronom relativ (Fras relativa, quand che la segonda fras l'è una fras inclusa (e subordinata) in quella principal che la serviss de specificà 'n nom o 'n pronom de la prima fras o principal)

► varda ► Fras relative in lombard

Vos corelade

• Forma passiva
• Forma impersonal
• Forma riflessiva

Riferiment

a gh'inn nò i riferiment; se te voeuret, tàcheghij