Wt/azb/کوزاوغلونون قوجالیغی

From Wikimedia Incubator
< Wt‎ | azb
Wt > azb > کوزاوغلونون قوجالیغی
Koroglu by A. Hajiyev Stamp of USSR, Epic poems of USSR nations. Azerbaijan epic poem "Koroglu", 1989

کوزاوغلونون قوجالیغی[edit | edit source]

آنا آنلاتیم

  • کوزاوغلونون قوجالیغی
  • کور‌اوغلو قوجالمیشدی. دلیلر باشیندان داغیلمیشدی. داوادان، وۇروشدان يورولموشدو.
  • يانیندا بیرجه وفالی آلاگؤز نیگار قالمیشدی.
  • بیر ياز گۆنو ایدی. کور‌اوغلو پاسلی میسری قێلینجی بئلینه باغلايیب نیگاری دا يانینا آلیب پیيادا هاراياسا گئدیردی.
  • باخدی يولون قێراغیندا بیر کیشی بیر جۆت اؤکوز اوتاریر. آمما کیشی‌نین چیينینده ياری تاختا، ياری دمیر بیر شئي وار. کیشی‌نین يانینا گلیب سوروشدو:
  • – آي کیشی، بۇ ندی، چیينینه کئچیریبسن؟
  • کیشی دئدی:
  • – بۇ، تۆفنگدی.
  • – تۆفنگ ندی؟
  • – بۇنون ایچینده گۆلله اولور. آداما، حئیوانا ديَنده اؤلدورور.
  • کور‌اوغلو کیشی‌نین سؤزونه اینانمادی. تۇتدو ياخاسیندان کی، وۇر منه
  • گؤرک نئجه اؤلدورور؟
  • کیشی وۇرماق ایسته‌مه‌دی. آخیری چوخ دئيیشمه‌دن سونرا کور‌اوغلو کیشیيه
  • دئدی:
  • – ایندی کی، بئله اولدو، آل بۇ قان باهاسی، آت اؤکوزلره گؤروم نئجه اؤلدوره‌جک.
  • کیشی گؤردو کور‌اوغلو ال چکن بلا دئيیل. آخیردا تۆفنگینی چکیب
  • اؤکوزون بیرینی نیشان آلدی. تۆفنگ آچیلان کیمی اؤکوز يئره يێخیلدی.
  • کور‌اوغلو گؤردو اؤکوز دوغرودان دا اؤلدو. گؤتوروب بیر تۆفنگین اورابوراسینا
  • باخدی، سونرا سازی باغرینا باسیب گؤرک نه دئدی:
  • تیترگیر اللریمی، تور گؤرور گؤزوم،
  • منمی قوجالمیشام، يا زمانمی؟
  • دولاشمیر داهاندا صؤحبتیم، سؤزوم،
  • منمی قوجالمیشام، يا زمانمی؟
  • تۇتولور مجلیسده ایگیدین ياسی،
  • کار گؤرمور قێلینجی، پولاد لیباسی.
  • گلیب بیج ايامی، نامرد دۆنياسی،
  • منمی قوجالمیشام، يا زمانمی؟
  • بئله زامان هارا، قوچ ایگیت هارا،
  • مردلری چکیرلر نامردلر دارا،
  • باش ايیر لاچینلار، ترلانلار سارا،
  • منمی قوجالمیشام، يا زمانمی؟
  • آخیر عجل گلدی، يئتدی هاي، هاراي!
  • چکدیگین قووقالار بیتدی هاي، هاراي!
  • تۆفنگ چێخدی، مردلیک گئتدی هاي، هاراي!
  • منمی قوجالمیشام، يا زمانمی؟
  • کور‌اوغلويام، قێرات اۆسته گزردیم،
  • مۆخننتلر باشین وۇروب ازردیم،
  • نره‌لر چکردیم، صفلر پوزاردیم،
  • منمی قوجالمیشام، يا زمانمی؟
  • دئيیرلر کور‌اوغلو سؤزون تامام ائله‌يندن سونرا میسری قێلینجی
  • بئلیندن آچیب يئره تۇللادی. دئدی:
  • – نامرد ايامیدی. داها من کور‌اوغلولوغومو يئره قويدوم.
  • نیگار کور‌اوغلونون گؤزونو اوغورلايیب میسری قێلینجی گؤتوروب گیزلتدی.
  • کور‌اوغلو نیگار ایله برابر اوردان يولا دۆشدولر. او گۆن آخشاما قدر
  • يول گئتدیلر. آخشام واختی بیر شهره چاتدیلار. شهرده اونلاری قوناق
  • ائله‌ين اولمادی. آخیردا ناچار قالیب بیر اۇجا ایمارتین دیبینده گئجله‌مه‌لی
  • اولدولار. گئجه‌دن خئيلی کئچمیشدی، بیر ده باخدیلار بۇدو يئددی ياراخلی
  • آدام گیزلنه-گیزلنه گلیب ایمارتین اۆستونه چێخدیلار.
  • سن دئمه بۇ ایمارت آلی پاشانین خزینه‌سی ایمیش. او اوغرولار دا خزینه‌نی
  • يارماغا گلیبلرمیش. کور‌اوغلو فیکیر وئریب گؤردو بۇنلار دامین
  • اۆستونو سؤکوب ایچری گیردیلر. خزینه‌نی ياریب يۆکلرینی تۇتوب گئتمک
  • ایسته‌ينده کور‌اوغلو قالخیب باشلاری‌نین اۆستونو آلدی کی:
  • – نچیسینیز؟ گئجه واختی بۇردا نه گزیرسینیز؟
  • اوغرولار اکیلمک ایسته‌دیلر.
  • کور‌اوغلو اونلاری ترپنمه‌يه قويمادی. تۇتوب هامیسی‌نین ال-آياغینی
  • باغلادی، يئره اۇزاتدی کی:
  • – کیشی مرد اولار. اوغورلوق ایت پئشه‌سیدی. پادشاهلارا عداوتینیز وار،
  • داوا ائله‌يین، آچیق مئيداندا مردی-مردانه ساواشین، سونرا خزینه‌سی ده
  • سیزه حالالدی. يوخسا کی، گئجه اوغورلوق ائله‌مه‌يین!
  • اوغرولار نه قدر اونا پۇل، قێزیل ود وئردیلرسه کور‌اوغلو راضی اولمايیب
  • دئدی:
  • – يوخ، من بیر مرد آدامام. بئله آلچاق ایشلری گؤره بیلمه‌رم.
  • سیز کیشی دئيیلسینیز، کیشیلرین آدلارینی باتیریرسینیز.
  • غرض، چوخ باش آغریسی اولماسین، ائله کی، صاباح آچیلدی، خزینه‌چی گلیب
  • احوالاتی بئله گؤرنده قاچیب خوتکارا خبر وئردی. خوتکار امر وئردی،
  • اوغرولاری، کور‌اوغلونو، نیگاری يانینا گتیردیلر. کور‌اوغلو نه اولموشدو
  • باشدان-آياغا هامیسینی خوتکارا دانیشدی. خوتکار اوغرولارین جزاسینی
  • وئرندن سونرا کور‌اوغلودان سوروشدو:
  • – ياخشی، قوجا، بس سن کیمسن کی، منه بۇ ياخشیلیغی ائله‌دین؟
  • خوتکارین جاوابیندا آلدی کور‌اوغلو، گؤرک نه دئدی:
  • چنلیبئلده ائلی اولان
  • دۆشکون کور‌اوغلو منم، من.
  • باشیندا مین دلی اولان،
  • دۆشکون کور‌اوغلو منم، من.
  • مردلیک ایشله‌دیب بیر زامان،
  • نامرده چکدیردیم آمان،
  • ایندی الیف قددی کامان،
  • دۆشکون کور‌اوغلو منم، من.
  • لاچین تک بره‌ده ياتان،
  • عمود وۇران، شئشپر آتان،
  • يۆز ایگیت قول-قولا چاتان،
  • دۆشکون کور‌اوغلو منم، من.
  • کؤنلونون سمندین يوران،
  • مۆخننت بوينونو وۇران،
  • مردلر ایله دوستلوق قۇرآن،
  • دۆشکون کور‌اوغلو منم، من.
  • قوچ کور‌اوغلو گؤرونمز شن،
  • ائيوازیندان آيری دۆشن،
  • قۆربت ائلده باغری بیشن،
  • دۆشکون کور‌اوغلو منم، من.
  • خوتکارین قورخودان تۆکلری بیز-بیز اولدو. باشینداکی تۆکلری، او نئجه
  • دئيرلر، آياغینا زالان گلدی. باخدی کی، ایللرله آختاردیغی قوچ کور‌اوغلو
  • اؤزو-اؤز آياغی ایله گلیب چێخیب بۇرايا. بیر فیکیرلشدی امر ائدیب تۇتدورسون.
  • آنجاق کور‌اوغلودان او قدر يئمیشدی، اونو ائله تانیمیشدی، بیلدی کی، اونو
  • بئله تۇتماق مۆمکون اولماياجاق. اونا گؤره ده حیله‌‌ نیقابینی اۆزونه
  • چکیب باشلادی اونو آلداتماغا. اۆزونو کور‌اوغلويا تۇتوب دئدی:
  • – آي کور‌اوغلو، سن منیم دۆشمنیمسن، آمما بۇ گۆن دوستلوق
  • ائله‌دین، مردلیک ایشلتدین. من داها سنی اؤزومه دۆشمن بیلمیرم. ایندی
  • مندن نه ایسته‌يیرسن ایسته، بۇ ياخشیلیغی‌نین عوضینده نه ایسته‌سن سنه
  • وئره‌جه‌يم.
  • کور‌اوغلو دئدی:
  • – من سندن هئچ نه ایستمیرم، منی بۇراخ گئدیم.
  • خوتکار دئدی:
  • – کور‌اوغلو، قوجالمیسان، داها داغلاردا کور‌اوغلولوق ائله‌يه‌سی دئيیلسن،
  • گل منیم يانیمدا قال. اؤلنه قدر سنه آتا يئرینده قۇللوق ائله‌يیم.
  • سن ده منیم مصلحتچیم، تدبیرچیم اول.
  • کور‌اوغلو خوتکارین سؤزلرینی قبول ائله‌مه‌دی. گئده‌سی اولدو. خوتکار
  • اۆزده اونلارا چوخ حؤرمت ائله‌دی. کور‌اوغلويا، نیگارا ياخشی پالتار وئردیردی،
  • هره‌سینه بیر آت باغیشلادی. کور‌اوغلو دا اونونلا ال وئریب آتلاندی. نیگار ایله
  • يولا دۆشدو.
  • کور‌اوغلونون گئتدیگی يئر بللی دئيیلدی. آغزی هايانا گلسه آتی سۆروردو.
  • اونلار گئتمکده اولسونلار، سنه دئيیم خوتکاردان. ائله کی، کور‌اوغلو
  • آرالاندی، خوتکار دوققوز نفر ياخشی تۆفنگاتان چاغیریب اونلارین دالینجا
  • گؤندردی کی، داغلاردا، داشلارین آراسیندا نیگاری کور‌اوغلونون الیندن
  • آلیب اؤزونو ده يا اؤلدورسونلر، يا دا دیری تۇتوب گتیرسینلر.
  • بۇ دوققوز نفر بیر کسمه يولدان گئدیب بره‌نی کسدیلر. کور‌اوغلو
  • باشی آشاغی نیگارلا گئدیردی. بیر ده باخدی دوققوز يئردن اۆستونه تۆفنگ
  • لۆله‌سی تۇشلاندی.
  • کور‌اوغلو آتلاری ساخلادی. خوتکارین آداملاری يول اۆسته چێخدیلار. کور‌اوغلونون
  • اۆستونه قێشقیریب آتدان دۆشمه‌لرینی امر ائتدیلر. کور‌اوغلو داوا ائله‌مک
  • ایستمیردی. اؤزو آتدان دۆشدو. نیگاری دا دۆشوردو. آداملاردان بیریسی
  • ياخینا گلیب يوغون بیر کندیرله اونون قوللارینی مؤحکم-مؤحکم
  • باغلادی. کور‌اوغلو يئنه ده بیر سؤز دئمه‌دی.
  • آداملار نیگاری اوندان آيیرماق ایسته‌دیلر. کور‌اوغلو ایشی بئله گؤرنده
  • سوروشدو:
  • – اونو هارايا آپاریرسینیز؟
  • دئدیلر:
  • – پاشايا آپاریریق. سنی ده آپاریب زیندانا سالاجاغیق. سنه گؤستره‌جيیک
  • کی، کور‌اوغلولوق نئجه اولار؟
  • کور‌اوغلو گؤردو ایگیتلیک، ناموس يئریدی، آلاگؤز نیگار الدن گئدیر. ایش
  • بئله اولاندا آلدی گؤرک نه دئدی:
  • اۇجا داغین اۇجاسیيام،
  • اسکیک اولماز قاریم منیم.
  • نر پلنگین قوجاسیيام،
  • کاروان وۇرماق کاریم منیم.
  • قوچ ياراندیم ازل باشدان،
  • وۇرسام جیدام کئچر داشدان،
  • هله داوادان، ساواشدان،
  • قالمامیش قوللاریم منیم.
  • هانی ائيواز بۇردا اسه،
  • بیر قێلینجا قێرخ باش کسه،
  • او دؤورانیم دؤنوب ترسه،
  • قار تؤکر باهاریم منیم.
  • هانی احمد، شئشپر آتا،
  • دمیرچیوغلو کۆشدو تۇتا،
  • بۇ گۆنومده گلیب چاتا
  • ترلان دلیلریم منیم.
  • قوچ کور‌اوغلو بادا ایچه،
  • باشلاری پنجر تک بیچه،
  • قوياراممی اله کئچه،
  • آلاگؤز نیگاریم منیم؟
  • بۇنو دئيیب بیر دلی نره چکدی. کندیر تیکه-تیکه اولوب يئره تؤکولدو.
  • قورخودان پاشانین آداملاری‌نین اللریندن تۆفنگلری تؤکولدو. وفالی
  • نیگار گیزلتمیش اولدوغو میسری قێلینجی چکیب کور‌اوغلويا وئردی. کور‌اوغلو
  • اونلارین هامیسی‌نین بوينونو وۇروب نیگاری گؤتوروب تزه‌دن چنلیبئله
  • دؤندو.
  • نیگارلا اورادا ياشاماغا باشلادی. بۇ ایشدن بیر مدت کئچدی. بیر
  • گۆن کور‌اوغلو يانیندا آلاگؤز نیگار چنلیبئلده اوتورموشدولار. بیر ده
  • وفالی آشیق جۆنون گلیب چێخدی. دئ خوش-بئش، اون بئشدن سونرا کور‌اوغلو
  • سوروشدو:
  • – آشیق جۆنون، نه ياخشی، کؤهنه دوستو نئجه اولدو کی، يادا سالدین؟
  • آشیق جۆنون سازی دؤشونه باسیب دئدی:
  • سنه دئيیم، قوچ کور‌اوغلو،
  • دۆشمنلر گله‌جک اولدو.
  • سونون اولار پۇچ، کور‌اوغلو،
  • پاشالار گله‌جک اولدو.
  • دالدالاما سن سسینی،
  • دۆشمنله کسمه بسینی،
  • کئچمیش کؤهنه قێساسینی،
  • پاشالار آلاجاق اولدو.
  • جۆنونام، دیلدن دۆشموشم،
  • بۆلبولم گۆلدن دۆشموشم،
  • قوجالیب الدن دۆشموشم،
  • پاشالار گله‌جک اولدو.
  • آشیق جۆنون سازنان دئدیگی کیمی سؤزنن ده دئدی کی:
  • – آي کور‌اوغلو، قێراتی نئيله‌میسن؟ پاشالار قوشون چکیب سنین اۆستونه
  • گلیر.
  • آشیق جۆنونا جاوابیندا آلدی گؤرک کور‌اوغلو نه دئدی:
  • سنه دئيیم، آشیق جۆنون،
  • چاغیر گلسین خان ائيوازی!
  • تار ائيله‌يیم دۆشمن گۆنون،
  • چاغیر گلسین خان ائيوازی!
  • نامردلیگی بیلدیررلر،
  • يادی بیزه گۆلدوررلر،
  • يوخسا منی اؤلدوررلر،
  • چاغیر گلسین خان ائيوازی!
  • کور‌اوغلو چکمز هاشالار،
  • چتیندی قوللار بوشالار،
  • يئریشیر اوغراش پاشالار،
  • چاغیر گلسین خان ائيوازی!
  • آشیق جۆنون کور‌اوغلودان آيریلیب ائيوازی آختارماغا گئتدی. داغلاری،
  • داشلاری چوخ گزدی، ائيوازی تاپا بیلمه‌دی. بیر بیچنکده دمیرچیوغلونا
  • راست گلدی. گؤردو دمیرچیوغلو الینده يابا اوت يێغیر. آلدی گؤرک آشیق
  • جۆنون دمیرچیوغلونا نه دئدی:
  • دمیرچیوغلو سنه دئيیم،
  • چنلیبئله دۆشمن گلیر.
  • هايقیراندا اوردو باسان،
  • چنلیبئله دۆشمن گلیر.
  • بۇ سینمی قم آلیبدی،
  • شاد قلبیمه درد سالیبدی،
  • کور‌اوغلو يالقیز قالیبدی،
  • چنلیبئله دۆشمن گلیر.
  • چنلیبئلده يوخ صؤحبت، ساز،
  • چێرپینیر گؤللرینده قاز،
  • هانی احمد، هانی ائيواز،
  • چنلیبئله دۆشمن گلیر.
  • سانانماز يۆزلر، اللیلر،
  • دۆشمنه دئمه بلیلر،
  • گؤرونمور ایگید دلیلر،
  • چنلیبئله دۆشمن گلیر.
  • يولدادی کور‌اوغلو گؤزو،
  • قلبینده قوجالیق کؤزو.
  • آشیق جۆنون بۇدو سؤزو،
  • چنلیبئله دۆشمن گلیر.
  • آشیق جۆنون سازنان دئدیگی کیمی، سؤزنن ده احوالاتی دمیرچیوغلونا
  • دانیشیب اوردان چێخیب چنلیبئله گئتدی. دمیرچیوغلو گئجه-گۆندوز چؤلده
  • اولدوغوندان اۆزونو، باشینی تۆک باسمیشدی. بیر دلله‌يین يانینا گلیب دئدی:
  • – اۇستا، منیم ساققالیمی قێرخ.
  • دللک دئدی:
  • – موللالار ساققال قێرخماغی قاداغان ائله‌يیب. قێرخا بیلمه‌رم.
  • دلله‌يین جاوابیندا آلدی دمیرچیوغلو گؤرک نه دئدی:
  • سنه دئيیم، اۇستا باشی،
  • قاضی دیبیندن، دیبیندن!
  • اولماگیلن ایشده ناشی،
  • قاضی دیبیندن، دیبیندن!
  • دئيه‌رم سنین شستینه،
  • پاشالار گیریب قصدینه،
  • گلیر کور‌اوغلو اۆستونه
  • قاضی دیبیندن، دیبیندن!
  • سننن حسابی چکرم،
  • گؤزوندن قان ياش تؤکرم،
  • الیف قددینی بۆکرم،
  • قاضی دیبیندن، دیبیندن!
  • دمیرچیوغلو بیلیجی،
  • اولارسان ائللر گۆلوجو،
  • سنه يئندیررم قێلیجی،
  • قاضی دیبیندن، دیبیندن!
  • دللک گؤردو بۇ او دئينلردن دئيیل. هئچ دئيه‌سن ایستیوت-زاد دادمايیب.
  • بیر آز دا اويان-بۇ يان ائيلسه، ائله دوغرودان قێلینجی يئندیره‌جک.
  • جانی‌نین قورخوسوندان اونون اۆزونو، باشینی قێرخیب تمیزله‌دی. دمیرچیوغلو
  • دلله‌يین حاقینی وئریب اوردان يولا دۆشدو. داغلاری آشدی، دره‌لری کئچدی.
  • بیر قايانین اته‌يینده دلی حسنه راست گلدی. آلدی گؤرک نه دئدی:
  • خوتکارلار اۆستونه آتلی گئدنده
  • دۆشمن گؤرن آچیق گؤزون نئجه اولدو؟
  • اوغراش پاشالارلا داوا ائدنده،
  • نره چکن اۇجا سسین نئجه اولدو؟
  • چنلیبئلده آغیر مجلیسلر قۇرآن،
  • عربات اۆستونده مردانه دۇران،
  • میسری قێلینج چکیب، بويونلار وۇران،
  • آختار گؤرک خان ائيوازین نئجه اولدو؟
  • دمیرچیوغلو بۇ سیرلری بیلنده،
  • دۆشمانلاری آغلاياندا، گۆلنده،
  • هردن غضبله‌نیب قئيزه گلنده،
  • قاباقدا بوز دۇران اۆزون نئجه اولدو؟
  • دلی حسن چوخ قوجالمیشدی. دمیرچیوغلو ائله بیلیردی کی، تاي بۇ
  • قدر کی، دلی حسن قوجالیب، اولکی کیمی عربات اۆستونده يالین قێلینج
  • دۆشمن اۆستونه گئده بیلمز، دسته‌لر داغیدیب، آلايلار پوزا بیلمز.
  • دلی حسن دمیرچیوغلونون بۇ سؤزلریندن تۇتولدو. آلدی گؤرک نه
  • دئدی:
  • ياغی دۆشمنلرله قووقا آچماغا،
  • هله وار قولومدا قۆووتیم منیم.
  • قوشون گلیب چنلیبئله کئچمه‌يه،
  • قبول ائتمز ناموس، قئيرتیم منیم.
  • گۆرزوم ایشله‌ينده داغلاری قێرار،
  • قورخوسوندان تاپماز دۆشمنلر قرار،
  • پاشانین، خوتکارین باغرینی يارار،
  • آج آسلان يئریشیم، هئيبتیم منیم.
  • من دلی حسنم، ار هاواداری
  • تاپارام ائيوازی، او ناموداری،
  • وۇروشما واختیندا، داوا بازاری،
  • اولماز هئچ اینصافیم، مۆروتیم منیم.
  • سؤز تامام اولدو. دلی حسن ایله دمیرچیوغلو آتلانیب اوردان يولا
  • دۆشدولر. داغلارا، داشلارا چێخیب ائيوازی آختارماغا باشلادیلار. چؤللری،
  • ياماجلاری بیر-بیرینه وۇردولار. گزدیلر، دولاندیلار. آخیردا ائيوازی
  • تاپدیلار. ائيواز دمیرچیوغلو ایله، دلی حسنله گؤروشوب اؤپوشدو.
  • گؤتوردو گؤرک کور‌اوغلونو اونلاردان نئجه خبر آلدی:
  • داغلار باشی چنلیبئلدن
  • دئيین گؤروم، نه خبر وار؟
  • باشی قارلی بیزیم ائلدن،
  • دئيین گؤروم نه خبر وار؟
  • قێرات، عربات دۇرورمو؟
  • کور‌اوغلو دؤوران قۇرورمو؟
  • پاشالار بوينو وۇرورمو؟
  • دئيین گؤروم، نه خبر وار؟
  • ائيواز قولون گرمک ایستر،
  • تر ساواشا گیرمک ایستر،
  • کور‌اوغلونو گؤرمک ایستر،
  • دئيین گؤروم، نه خبر وار؟
  • ائيواز سؤزونو تامام ائله‌دی، اوندان سونرا دمیرچیوغلو گؤتوردو اونا
  • بئله جاواب وئردی:
  • چنلیدن خبر گتیردیم،
  • قارداش، دۇر گئدک، دۇر گئدک!
  • مۆشکول مطلبی بیتیردین،
  • قارداش، دۇر گؤرک، دۇر گئدک!
  • کور‌اوغلو اوخويوب-يازیر،
  • يالنیز قالیب جاندان بئزیر،
  • هاراي سالیب سنی گزیر،
  • قارداش، دۇر گئدک، دۇر گئدک!
  • دمیرچیوغلو قدرین بیلیر،
  • سنی گؤروب اۆزو گۆلور،
  • پاشالار اۆستونه گلیر،
  • قارداش، دۇر گئدک، دۇر گئدک.
  • ائله کی، سؤز تامام اولدو ائيواز، دمیرچیوغلو، بیر ده دلی حسن
  • آتلاندیلار. داغلارا، داشلارا اۆن سالدیلار. بیر نئچه گۆنون ایچینده بۆتون
  • دلیلری يێغیب چنلیبئله کور‌اوغلونون يانینا يولا دۆشدولر.
  • بۇنلار گئتمکده اوسلونلار، سنه کیمدن خبر وئریم، کور‌اوغلو ایله
  • نیگاردان. کور‌اوغلو گؤزله‌دی-گؤزله‌دی گؤردو دئيه‌سن گلن اولمادی. جۆنونو
  • گؤندردی شهره کی، گئتسین پاشالاردان بیر خبر اؤيرنسین. گؤرسون نه
  • واخت گلیرلر، نئجه گلیرلر. اؤزو يئنه ده آلاگؤز نیگارلا تک قالدی.
  • نیگار باخدی کور‌اوغلو چوخ قمگیندی. گلیب اونون يانیندا اوتوروب
  • دردی-دیلینه يئتیشمک ایسته‌دی. کور‌اوغلو سیملری قارالمیش اۆچ تئللی سازی
  • سینه‌سینه باسیب گؤرک نیگارا اؤز دردی-دیلینی نئجه دئدی:
  • قاری دۆشمن گۆج گتیردی،
  • قوجالدیم، نیگار، قوجالدیم.
  • منزیلیم باشا يئتیردی،
  • قوجالدیم، نیگار، قوجالدیم.
  • مۆخننتین اولماز ذاتی،
  • مردین پولاد اولار قاتی،
  • ایتیردیم قێرات، دۆراتی،
  • قوجالدیم نیگار، قوجالدیم.
  • کور‌اوغلو قورخماز ياغیدان،
  • باده ایچیبدی ساغیدان،
  • هانی ائيواز، تۆپداغیدان؟
  • قوجالدیم، نیگار، قوجالدیم.
  • کور‌اوغلو ائله تزه‌جه سؤزو دئيیب قۇرتارمیشدی بیر ده گؤردو بۇدو دلیلر
  • گلیرلر. کور‌اوغلونون کؤنلو آچیلدی، عؤمرو تزه‌لندی. ائله بیل آنادان تزه
  • اولدو. آلدی گؤرک، دلیلره نئجه خوش گلدین ائله‌دی.
  • يئنه عؤمور تزه‌لندی،
  • خوش گلدینیز دلیلریم!..
  • قۇرتاردیم هیجراندان، قمدن،
  • خوش گلدینیز، دلیلریم!..
  • دۆشون، بۇردا مئهمان قالاق،
  • خوتکارلارا تالان سالاق،
  • پاشالاردان قیصاص آلاق،
  • خوش گلدینیز، دلیلریم!..
  • بیر شۇر سالین بۇ جاهانا،
  • مئيدان بويانسین آل قانا،
  • سفر ائيله‌يک هر يانا،
  • خوش گلدینیز، دلیلریم!
  • آسلان تک بره‌ده ياتاق،
  • دۆشمنلره شئشپر آتاق،
  • پاشالاری دیری تۇتاق،
  • خوش گلدینیز، دلیلریم!
  • زیمیستانیم دؤندو يازا،
  • قۇلاق وئرین سؤزه، سازا،
  • کور‌اوغلو يئتدی مۇرازا،
  • خوش گلدینیز، دلیلریم!
  • او طرفدن آلی پاشا، مئهدی پاشانی دا چاغیریب احوالاتی اونا دانیشدی.
  • آخیردا سؤزو بیر يئره قويدولار کی، بس کور‌اوغلو قوجالیب، دلیلری باشیندان
  • داغیلیب. گئدک اوندان قیصاصیمیزی آلاق. پاشالار باشلارینا قوشون جمع
  • ائله‌يیب چنلیبئله يولا دۆشدولر. اونلار گلمکده اولسون، سنه چنلیبئلده
  • کور‌اوغلودان خبر وئریم. کور‌اوغلو پاشالارین گلمک خبرینی ائشیدیب
  • اۆزونو دلیلره تۇتوب، آلدی گؤرک نه دئدی:
  • ياراخلانین، دلیلریم،
  • پاشالار مئيدانا گلیر.
  • مۆخننتلر قوشون چکیب
  • اۆز تۇتوب بۇ يانا گلیر.
  • سؤزلریمده يوخدو يالان،
  • دۆشمنلره سالاق تالان،
  • میسری قێلینج قێلسین جؤولان،
  • بويانماغا قانا گلیر.
  • اولون صف-صف، دسته-دسته،
  • يئریيک پاشالار اۆسته،
  • ياغی دۆشمن دۇروب قصده،
  • تۆلکولر آسلانا گلیر.
  • ایگیت الدن چێخماز خاتا،
  • قوچ گرک پۇسقودا ياتا،
  • خان ائيواز، مین عرباتا،
  • بللی احمد فرمانا گلیر.
  • پلنگ تک اوودان کۆسمه‌يه،
  • دۆشمنلر اۆسته اسمه‌يه،
  • پاشالار باشی کسمه‌يه،
  • کور‌اوغلو مردانا گلیر.
  • کور‌اوغلو او واختی کی، داوادان ال چکميی عهد ائيله‌میشدی، دلیلری
  • باشیندان داغیتمیشدی. قێراتین دا ناللارینی سؤکوب چؤله بۇراخمیشدی. آمما
  • گل کی، وفالی قێرات چنلیبئلدن آيریلیب گئتمه‌میشدی. ایندی کی، ایش بئله
  • اولدو، بیر طرفدن ده آشیق جۆنون گلیب خبر وئردی بس پاشالار دمهادمدی
  • کی گلیب چنلیبئله چاتسینلار.
  • کور‌اوغلو ائيوازی چاغیریب گؤندردی گئدیب قێراتی تاپیب گتیرسین. ائيواز
  • گئدیب قێراتی تاپیب گتیردی. کور‌اوغلو قێراتین گلدیگینی گؤرنده آياغا
  • قالخدی، سازی سینه‌سینه باسیب دئدی:
  • بۇدو، گلدی هاواداریم،
  • دۇر، باشینا دولان، کؤنول!..
  • زیمیستاندا دؤور ائيله‌دین،
  • ياز-باهارا بويان کؤنول!..
  • قێراتیما نال دۆزدوررم،
  • پاشالار باغرین ازدیررم،
  • مئيلر، ساقیلر گزدیررم،
  • باشلار تزه دؤوران کؤنول!..
  • کور‌اوغلويام، مرد مردانا،
  • چاغیررام، گیررم مئيدانا،
  • قێلینج وۇرارام دۆشمانا،
  • خوتکار تاختدان سالان کؤنول!..
  • کور‌اوغلو يئنه ده میسری قێلینج باغلادی، قالخان تاخدی، قێراتا میندی.
  • دلیلر ده ياراقلاندیلار. دۆشمن قاباغیندا حاضیر اولدولار. او طرفدن
  • پاشالار باشلاریندا قوشون گلیب چنلیبئله چاتدیلار. کور‌اوغلو، يانیندا
  • دلیلر اؤزونو پاشالارین قوشونونا وۇردو. قوجا کور‌اوغلونون نره‌سیندن،
  • قێراتین کیشنه‌مه‌سیندن، دلیلرین هايقیرماسیندان پاشالارین قوشونو اؤزونو
  • ایتیردی. کور‌اوغلو باشیندا دلیلر هر طرفدن هۆجوما کئچدی. قوشون داوام
  • گتیره بیلمه‌يیب قاچماغا اۆز قويدو.
  • کور‌اوغلو دۆشمانی قاچان گؤروب قانادلاندی، قوجا کؤنلو جوشدو، آلدی
  • گؤرک نه دئدی:
  • قوشون چکیب گلدی پاشا،
  • دۆشمنلری سئچ، ائيوازیم!..
  • ياغی گرک چکسین هاشا
  • تئز هۆجوما کئچ، ائيوازیم!..
  • دلی کؤنول آلماز اؤيوت،
  • قوجا بدن، اولما مئيیت!..
  • میسری قێلینج، کمتر ایگیت،
  • آل دۆشمانی بیچ، ائيوازیم!..
  • قێراتین نالی سؤکولمز،
  • کور‌اوغلو بئلی بۆکولمز،
  • ایگید اؤلومدن چکیلمز،
  • ياغی قانی ایچ، ائيوازیم!..
  • قوجا کور‌اوغلو بیر دلی نره چکیب قێراتی ایلدیریم کیمی سۆروب اؤزونو
  • پاشالارا يئتیردی. قاچاراقدا هره‌سینه بیر قێلینج وۇردو. باشلاری بوستان
  • کلیگی کیمی دێغیرلانیب يئره دۆشدو. قوجا کور‌اوغلو باشیندا دلیلری آت
  • سۆروب اؤزلرینی پاشالارین تورپاغینا يئتیردیلر. قیيمتدن آغیر، چکیدن
  • يۆنگول بۆتون شئيلری آتلارا چاتیب گئری قايیتدیلار. چنلیبئله آز قالمیش
  • آشیق جۆنون کور‌اوغلونو داياندیریب سوروشدو:
  • – قوچ کور‌اوغلو، اینده نه دئيیرسن؟ دلیلری بۇراخیرسان، يا يئنه ده
  • اؤز يانیندا ساخلايیرسان؟
  • کور‌اوغلو دئدی:
  • – يوخ، آشیق جۆنون! من داها کور‌اوغلولوقدان ال چکمیشدیم. آمما
  • باخیرام کی، بۇ اولماياجاق. نه قدر کی خوتکارلار، پاشالار، بَيلر،
  • خانلار وار، من کور‌اوغلولوغومو يئره قويا بیلمه‌يه‌جه‌يم.
  • بۇ سؤزو ائشیدنده بۆتون دلیلر نره چکدیلر. آتلار کیشنه‌دی،
  • بدؤيلر اوينادی. قێرات قێزمیش پلنگ کیمی ایکی دال آياقلاری اۆستونده
  • قالخیب ائله بیر شئيهه چکدی کی، داغ-داش تیتره‌دی. هامیسی بیر يئرده تزه‌دن
  • چنلیبئله چکیلدیلر...

قایناق‌لار

  1. Azadliq . org