Wt/azb/پێس پیسا باجینان سیچانین ناغیلی
پێس پیسا باجینان سیچانین ناغیلی[edit | edit source]
آنا آنلاتیم
- بیرگون واریمیش بیر گون یوخویموش. بیر "پیس پیسا" باجی واریمیش و آتا اناسینان تک یاشی ییرمیش،بیرگون داریخدی آتا آنا سینا دئدی:من گئدیرم ار آلمایا گون گؤرمه یه.
- ائودن چیخدی یولا دوشدو.
- یئتیشدی بیرچوبانا:
- چوبان دئدی: هارا گئدیرسن پیس پیسا باجی؟
- پیس پیسا دئدی: منیم آدیم پیس پیسا دییل.
- منه دئگینن، ساچی اوزون سارای خاتون
- باشماقلاری گولزار خاتون
- چوبان دئدی:ساچی اوزون سارای خاتون باشماقلاری گولزار خاتون!،هارایا گئدیرسن؟
- پیس پیسا دئدی: من گئدیرم ار آلمایا گون گؤرمه یه.
- چوبان دئدی: منه گلیرسن؟
- پیس پیسا دئدی:من سنه گلسم،حیرصلننده منی نه ایله وورارسان؟
- چوبان دئدی:سن منه گلسن، سنی دَیه¬نییمله وورارام.
- پیس پیسا دئدی :آتیم، دَدن آغزینا، من سنه گلمک ایسته میرم.بونو دئدی و یولا دوشدو.
- یولدا گئدنده بیر ناخیرچییا چاتدی
- ناخیرچی دئدی: هارا گئدیرسن پیس پیسا باجی؟
- پیس پیسا دئدی: منیم آدیم پیس پیسا دییل
- منه دئگینن، ساچی اوزون سارای خاتون
- باشماقلاری گولزار خاتون
- ناخیرچی دئدی:ساچی اوزون سارای خاتون باشماقلاری گولزار خاتون،هارایا گئدیرسن؟
- پیس پیسا دئدی: من گئدیرم ار آلمایا گون گؤرمه یه.
- ناخیرچی دئدی :منه گلیرسن؟
- پیس پیسا دئدی:من سنه گلسم،حیرصلننده منی نه ایله وورارسان؟
- ناخیرچی دئدی:سن منه گلسن من سنی الیمده کی چوماقنان وورارام.
- پیس پیسا دئدی :آتیم، دَدن آغزینا، من سنه گلمک ایسته میرم.بونو دئدی و یولا دوشدو.
- پیس پیسا باجی گئتدی گئتدی یئتیشدی بیر سیچانا
- سیچان دئدی: هارا گئدیرسن پیس پیسا باجی؟
- پیس پیسا باجی دئدی: آتیم ددن آغزینا منی بئله چاغیرما.
- منیم آدیم ساچی اوزون سارای خاتون
- باشماقلاری گولزار خاتون
- سیچان اؤیله سؤیله¬دی و دئدی:ساچی اوزون سارای خاتون باشماقلاری گولزار خاتون، هارایا گئدیرسن؟
- پیس پیسا دئدی:من گئدیرم ار آلمایا گون گؤرمه یه
- سیچان دئدی منه گلیرسن؟
- پیس پیسا دئدی:سنه گلسم منی نه ایله وورارسان؟
- سیچان دئدی: سن منه گلسن ،قویروغومو میلچ ائدرم گؤزوین چکرم.
- پیس پیسا دئدی :اوندا گلیرم سنه.
- سیچان دئدی: قوی من گئدیم تویدان قاباق ،بَی ائویندن بیراز پنیرچؤرک ییغیم گتیریم بیرلیکده یییه¬ک
- پیس پیسا دا گئتدی قاب قاشیغین یووا، بیردن دوشدو دوه ایزی،درین گؤله، نه ائیله¬دی چیخانمادی.
- اوزاقدان گؤردو آتدیلار شاراق شاراق گلیرلر.
- آتدیلارا چاغیردی:
- آتدیلار آی آتدیلار،یانیندا باراتدیلار،گئدیرسیز بی ائوینه
- گئدین دئیین سیچان سولوک بَی لره،بؤرکو دیلیک بَی لره
- ساچی اوزون سارای خاتون باشماقلاری گولزار خاتون،
- دوشوبدور دوه ایزی درین گؤله،بوغولور، گلسین منی چیخارتسین.
- آتدیلار آنجاق پیس پیسا باجینین یانلیز سسین ائشیدیردیلر و اؤزون گؤرمه دیلر.آتلارینی قوودولار بیین
- ائوینه، اوردا بیه دئدیلر یولدا بیر سس ائشیتدیک و پیس پیسا دییه نلری سؤیله دیلر.
- سیچان دلیکدن قولاقلارین شوشله¬دی و بو سوزلری ائشیتدی و آرادا بیر فورصت تاپیب پیس پیسا باجییا
- ساری قاچدی. گؤردو پیس پیسا باجی دوه نین آیاق یئرینده دوزلن،درین گؤلده اوزولو قالیب،بوغولماقدادیر.
- دئدی:
- س:چچن چچمه
- پ:چچم سندن کوسنگی
- س:پاپان پاپاما
- پ:پاپام سندن کوسنگی
- سیچان دئدی: نییه مندن کوسنگی؟
- پیس پیسا دئدی: چونکو سن گئج گلیبسن
- سیچان بونو ائشیتدی و بیر چنگه چومور الینه آلدی ،ووردو پیس پیسانین باشینا و دئدی: ایندی کی مندن
- کوسنگی،قال اوردا بوغول.سیچان بونو دئدی و باش قویدو گئتدی.
-
- اوشاقلار! پیس پیسا باجی سؤزه باخسایدی و سیچان سولوک بَی لرین،بؤرکو دیلیک بَی لرین الیندن توتسایدی ،ایندی او گؤلدن قورتولموشدو.
- آتیم ددن آغزینا: پیس پیسالار خطره دوشسه لر داللاریندان سویا بنزر بیرشئی آتارلار.
- ده ینک:چوبانلارین آغاجی
- میلچ:سورمه چکمک اوچون ایشلنن آغاج میل
- دوه ایزی،درین گؤله:دوه نین آیاق ایزلرینین یئرینه دولموش سودان، دوزلمیش گؤل.
- سولوک:چوخ گزن وئل بیریسی
- دیلیک:دلیک
قایناق‌لار