Wt/azb/آغجا قوزو کوراوغلو داستانی
آغجا قوزو کوراوغلو داستانی
[edit | edit source]
آنا آنلاتیم
- آغجا قوزو کوراوغلو داستانی
بلی، قۇللوغونوزا هاردان خاوار وئرئم، کئچمیش ايامنان، سابیقل دؤوراننان-اۇستاتدار قووموننن. کور‌اوغلونون چوخ جاوان واختیيدی. او کی، هاسان پاشا آتاسی‌نین گؤزدرینی اويدوردو، سورا باشلارینا نه‌لر گلدی، او هامیيا بللیدی... دئيللر قوشابولاغین اۆستونده حضرت الی بیر نۇره‌نی قوژا صیفتینده گلیف، ساغ الینی قوچ کور‌اوغلونون کۆرگینه وۇردو، اونا ایگیتدیک باده‌سی ایچیرتدی. دئدی: – کوراوغلو، منیم سؤزومه اینان، سن کور‌اوغلوسان، هئچ واخت، هئچکیمه مغلوب اولموياژاقسان!. بۇ سؤزو دئيیف ده قئيب اولدو. کوراوغلو اؤزدويونده اینانار-اینانماز اؤزونده بیر گؤزللیک، بیر قۆووه حیسس ائله‌مه‌يه باشلادی. آنژاخ آتاسی‌نین قیصاصینی بۇ قانیچن خوتکارلاردان، پاشالاردان آلماخ نیتی هئچ باشیننان چێخمئردی. امبه بۇ قیصاصی آلا بیلمئردی، گۆژو چاتمئردی، تک ایيدی. کوراوغلو همئشه آتی سۆرردی ایستانبولون کانارینا، شهره تاماشا ائلیيردی، هايیفسینیف گئری دؤنردی. گۆننرین بیر گۆنو کوراوغلو بئله فیکره گلدی کی، گئدئم بیر آز دولانئم، ایگیددیگین سمتینی، سوراغینی اؤيرنئم، پهلیواننیغی، وۇروفتوتماغی، قوچاخلیغی منیمسه‌يیم، سونرا دؤنوف گنه گئری گللم. بۇ فیکیرنن کوراوغلو دۆراتی دا يئده‌يینه آلیف، آتاسی‌نین کاسیف بیر دوستو واریيدی، بیرباش اولارا گلدی. دۆراتی همن قوژا کیشیيه آمانات ائلیگیف يولا دۆشدو.
- کوراوغلو قێراتی سۆرها-سۆر گلیف، بیرباش تکه-تۆرکمانا چێخدی. گؤردو
- کۆ، بیر مئيداندی سۇلانیف، ایکی جاوان اوغلان بیر طرفده، بیر قاریمیش پهلیوان
- بیر طرفده جنگ ائلیگیرلر. آنژاخ بۇ اؤلوم-دیریم جنگی دؤي، يێخیمقالدیریم
- جنگیدی. بۇ قاریمیش پهلیوان بۇ جاوان پهلیوانین بیریننن
- تۇتاشئیر، نه قددر ائلیگیر، جاوان پهلیوانین آرخاسینی يئره گتیره بیلمئر.
- بۇ بیریننن قۇرتاراندا او بیرینه، او بیریننن قۇرتاراندا بۇ بیرینه...
- کوراوغلو بۇ جاوان پهلیواننارا او قدره مئيل ائله‌دی کی، دئدی: “ایلاهی،
- دوغرودان دا سن بۇلاری ایگیت يارادیفسان”.
- بۇ جاوان پهلیواننارنان ياخیننیخ ائلیگیف، بۇنناردان حال-احوال
- ائلیينده بیلدی کین، بۇننار تکه-تۆرکمانین خانی سۆلئيمان خانین
- اوغلانناریدی. کوراوغلو سۆلئيمان خانین اوغلانناریننان دوستوخ ایشدتدی.
- اوغلاننارین سووینه خاننیغا اياق آشدی.
- کوراوغلو بیر گۆن خاننیخدا سۆلئيمان خانین قێزی بیلقئيسی گؤردو.
- بیلقئيیسه چوخ مئيیل سالدی، دوغروسو، بیلقئيسی سئودی. فیکیرلشدی: “ایلاهی،
- من نه تهری ائلیگیم بۇ بیلقئيسی اله کئچیرئم”.
- آرادان قاریلارنان، قێزدارنان صؤحبت ائلئيیف بیلقئيس خانیمین کونلونو
- آلدی. بیلقئيس خانیمین کونلونو آلانان سورا سۆلئيمان خانا ائلچی
- گؤندردی. سۆلئيمان خان قطعی جاواف وئردی کی، بۇ، هئچ دۆزه‌لن ایش دؤيلو.
- دئدی:
- – سیز نه بیلئرسینیز او هارانین يول آذانیدی، اصلی بیلینمئر، نسلی بیلینمئر،
- دره‌نین آواراسینا من قێز وئرمه‌رم.
- کوراوغلو خئيلی فیکیررشننن سونرا اؤزو بیر يول تاپیف، بیلقئيس خانیمنان
- گؤروشدو. درددشدیلر، دانیشدیلار، سؤزو بیر يئره قويوف قاچماخ
- قرارینا گلدیلر. بیر مدت گؤزده‌دیلر، آرانی خلوت ائلیگیف وعده‌‌لشدیلر.
- گئژه‌نین بیر عالمی کوراوغلو بیلقئيس خانیمی قێراتین ترکینه آلیف،
- تکه-تۆرکمانی ترک ائله‌دی. گلها-گل، گۆنه بیر منزیل، تئييیمنازیل،
- گلیف قوشابولاغین اۆستونه آتاسی‌نین قبری اؤنونده آتی ساخلادی.
- بیر قدر آتاسی‌نین قورینی ضیارات ائله‌دی. قوری ضیارات ائلیيننن سورا،
- گنه ده بیلقئيس خانیمی ترکینه آلیف ایستانبولا ائندی.
- ایستانبولون اطرافیندا يازدا، يايدا جاماهات بینه‌لره چێخئردی. بۇ بینه‌لرین
- بیرینده گیزدین بیر يئرده بیر ماغارا واریيدی. همن بۇ ماغارادا
- کوراوغلو باشدادی مسکن سالماغا. آيلار، گۆننر دولاشدی، کور‌اوغلونون
- قادینی بیلقئيس حامیله اولدو.
- بۇ تک ماغارادا بیلقئيس ایلک گۆننر چوخ داریخئردی. نولاژاخ، خان
- سارايیندا، سۆد گؤلونده چیمن، قۇ تۆکوننن بالیش قويان، آتلاس يورغاندؤشکده
- ناز-قمزينن فیراوان گۆن گؤرموش بیر قێزی بیردن-بیره
- ماغاریيا اؤيرتمک اولاردیمی؟ امبه کور‌اوغلويا اولان محبتی بیلقئيسی
- بیر قدر تسکین ائلسه ده، گنه داریخئردی. کوراوغلو باخیف گؤردو کی،
- دوغرودان دا بۇ قێزی بۇردا، بۇ قايالار آراسیندا بئله تک قويماخ اولماز،
- باشینا هاوا گلر. اويدو کۇ، بینه‌لرین بیرینده بیر نۇرانی قاری ننه
- واریيدی، آدینا اسمر قاری دئيردیلر. کوراوغلو باشینا گلنی اسمر
- قاریيا دانیشدی. اسمر قاری همن گۆننن کور‌اوغلويو دا، بیلقئيسی ده
- اوغوللوغا، قێزدیغا گؤتوردو. تئز-تئز بیلقئيسه باش چکمه‌يه گلدی.
- کوراوغلو آخچادان، پارادان قاریيا وئرئردی کی، سۆددن، قاتیخدان، ياغدانقايماخدان
- آلیف گتیرسین، قويماسین بیلقئيس کورروخ چکمه‌يه. بئلژه
- گۆننر بیر-بیرینی عوض ائلیگیردی... بیر گۆن بیلقئيس يۆکونو يئره قويدو،
- بیر گؤزل اوغلان دوغدو.
- آتالار چوخ ياخشی دئيیف “چۇغول نه اؤلوف، نه ده اؤلژک، بیری اؤلدومو، بئشی
- اونون يئرینه پیتژک”. حیات بئله‌دی، گئدیشات بئله‌دی. بۇ گۆن نامردین
- بئشینی اؤلدورسن، ساواخ آناسی او بئشین عوضینه اون بئشینی گنه دوغاژاخ.
- کور‌اوغلوينان بیلقئيسین ماغارادا بئله گیزلی دالدالانماخلارینی، بیر
- چۇغول آپاریف ایستانبولدا هاسان پاشايا خاوار وئردی.
- دئدی:
- – اؤيون يێخیلسین، هاسان پاشا، به سن نه تهری هاسان پاشاسانکی،
- کوراوغلو سنین تورپاغیندا آت چاپئر، سنین بینه‌لرینده گیزدنئر؟
- هاسان پاشیيا قاواخلار دا بۇ هندورده کور‌اوغلونون آت چافدیغینی
- دئمیشدیلر. بیر نئچه دفعه آتدی دسته‌لر گؤندرمیشدی کی، کور‌اوغلويو
- تۇتودورسون، امبه بیر مۇراد هاسیل ائلیيه بیلمه‌میشدی. کور‌اوغلونون اۆستونه
- گلننرین کیمی‌نین باشی، کیمی‌نین قولو، کیمی‌نین قێلچاسی کسیلدی، قالاننار
- اؤلدو، قاچاننار جان قۇرتاردی. باتا بیلمه‌دیلر قوچ کور‌اوغلويا. جعفر
- پاشاينان هاسان پاشا بئله قارالا گلدیلر کی، کور‌اوغلويو آرادان گؤتورمکدن
- اؤترو بؤيوک بیر قوشون چکسیننر.
- کور‌اوغلونون اۆستونه بؤيوک بیر قوشون چکدیلر. کوراوغلو نه قدر
- وۇروشدو، نئچه باشدار کسدی، نئچه آنالاری آغلار قويدو، اولمادی. گؤردو کی،
- ال چکمئللر، يئرده قالاننارا يازیغی گلدی، اؤزو قاچیف بیر يئرده دالدالاندی.
- دؤيوش داياندی، کور‌اوغلونون يئرینی بیلن اولمادی. قوشون باشچیلاری
- اؤلننری، يارالانانلاری دا گؤتوروف گئری چکیلدیلر.
- گۆننرین بیر گۆنو هاسان پاشا تئزدن نظامی قوشون چکیف کور‌اوغلونون
- اۆستونه گلمیشدی. بیلقئيس گلدی دئدی:
- – يا کوراوغلو، آخی بئله اولماز، قوشون دؤرد يانیمیزی کسیف.
- کوراوغلو دئدی:
- – بیلقئيس خانیم، سن هئچ نیياران قالما، من آغامین الیننن جام
- دولو باده ایچمیشم، مانا هئچ شئي اولاسی دؤيلو. اولجن سینه‌مه بیر
- نئچه کلمه سؤز گلیف، اونو دئيیم، سونرا دۆشمنه گۆژومو گؤستره‌رم.
- کوراوغلو بۇنو دئيیف، بیر “کئشیشوغلو” قايداسیننان گؤرک نه دئدی،
- سیزدره جان ساغلیغی.
- خوتکار اۆستوموزه جاری بۇيوردو،
- دؤيوشه‌رم، دؤنمه‌رم، ائده‌رم جنگی.
- آج قارینقاي کیمی دويورسا منی
- من قبول ائتمه‌رم بۇ نامی-ننگی.
- هاسان پاشا او طرفدن نره چکیف دئدی:
- – آيه، يئتیمین بیری، سنین آتايین باشینا گتیردیگیمی سنین باشینا
- گتیرژم، سن منیم بۇ قوشونومو آز شیل-کۆت ائله.
- آلدی کوراوغلو:
- اللی ندی، آلتمیش ندی، يۆز ندی،
- من بیلمنم هرزه-هرزه سؤز ندی،
- قاباغیمدا دره، تپه، دۆز ندی،
- منم اصیل کیروه‌لرین پلنگی.
- هاسان پاشا دئدی: – “آيا، آ کوراوغلو، آ کورون اوغلو، سن کورون اوغلوسان،
- سن نَيه آرخالانئرسان، کیمه گۆونئرسن کی؟! منیم قوشونومو نیيه
- بئله قێرئرسان؟
- کوراوغلو دئدی:
- – قۇلاق آس، گؤر کیمه آرخالانئرام.
- کوراوغلو:
- کوراوغلو دئر، خۇب يئتیشدیم من جانا،
- من سریمی توپ ائيله‌رم چووقانا،
- واریبان گئده‌رم تکه-تۆرکمانا،
- اوللام الی قۇللاری‌نین يئکرنگی –
- – دئيیف، الینی اۇزاتدی قێلینجین دسته‌يینه، بیر دلی نره چکدی، يئر-گؤي
- تیتره‌دی، قوشونو پئنجر کیمی بیچمه‌يه باشلادی. کوراوغلو گؤردو کی، بیر
- ياننان قێردیخجان قوشون بیر ياننان داها دا آرتئر، فیکیررشدی کی، بۇردان
- قاچیف باشینی قۇرتارماخ لازیمدی. قوشونون سئيرک يئریننن بیر سمت
- تاپیف، ساغا-سولا قێلینج چالا-چالا ماغارانین آغزینا گلیف، بیلقئيس
- خانیمی هارايلادی. بیلقئيس خانیم ائشیيه چێخدی. کوراوغلو اونون قولوننان
- تۇتوف، آلیجی قۇش کیمی آتین ترکینه قويماغیننان ترپنميی بیر اولدو.
- قوشون کور‌اوغلونون دالیننان ال چکمئردی. اونا قێلینج، عمود چاتان
- دؤيولدو، يولاما چاتان دؤيولدو. گئری ياننان باشلادیلار کور‌اوغلويو اوخا
- تۇتماغا. اوخون بیری بیر نامردین الیننن شێغیيیف بیلقئيس خانیمین کۆرگی‌نین
- اورتاسیننان سانجیلدی. بیلقئيس خانیم “اوف-اوف” دئيیف چێغیراناتانا،
- قێرات اۆز قويدو چنلیبئلین باشینا طرف. گلدیلر چاتدیلار قوشابولاغین
- اۆستونه. آلی کیشی‌نین قاوری‌نین يانیندا کوراوغلو آتدان ائندی، بیلقئيس
- خانیمی احتیاطنان آتدان ائندیردی. گؤردو، قێز جان وئرئر. کوراوغلو باخدی
- گؤردو قێزدان او قدر قان آخیف کی، دوداخلاری چارت-چارت اولوف. اويدو کۇ،
- قوشابولاغین سۇيوننان بیر اويوج بیلقئيس خانیما ایچیرتدی. بیلقئيس
- يۇمولموش گؤزدرینی آخیرینجی دفعه آچدی. سئوگیلی کور‌اوغلوسونا آخیرینجی
- دفعه حسرتنن باخیف:
- – اوغلوموز آماناتی – دئيیف، گؤزدرینی تزدن يۇمدو.
- کوراوغلو بیلقئيس خانیمی آتاسی‌نین يانیندا دفن ائله‌دی، آغلادی، سێزدادی،
- اۆز قويدو ماغارايا طرف. گلدی ماغارايا چاتدی، هر يئری الک-ولک
- ائله‌دی، اۇشاغی تاپا بیلمه‌دی، دؤندو بیر ده باخدی، هئچ بیر شئي حاصیل اولمادی.
- کوراوغلو حیرصیننن هئچ اسمر قاریيا دا باش چکمه‌دی. فیکیررشدی کی،
- گئدیف قوژا قاری‌نین دردینی داها دا آرتیرمیيیم. اويدو کی، اۆز قويدو کورپئشیمان
- چنلیبئله طرف. قوشابولاغا چاتدی، گلدی گؤز ياشینی يۆدو.
- گلیف آتاسیينان بیلقئيس خانیمین قاویرلاری آراسینا اۇزانیف، تزدن آغلاماغا
- باشدادی. بیر مدتدن سونرا گؤزونه يۇخو گئتدی.
- کوراوغلو بۇردا ياتماخدا اولسون، ائشیت اسمر قاریدان. اسمر قاری
- گؤردو کی، کوراوغلو بیلقئيسی ده ترکینه آلیف قاچدی، امبه اۇشاخ قۇجاخلاریندا
- دؤيولو. گؤزده‌دی، آرا ساکیتدشننن سونرا ماغاریيا گلدی گؤردو
- کی، بیر جاناوار اۇشاغی عمیزدیریر. قاری بیر آز خلوته چکیلیف گؤزده‌دی،
- جاناوار چێخیف گئتدی. اويدو کۇ، اۇشاغی بله‌يینه پۆکوف، ساغینا-سولونا باخاباخا
- اؤز کوماسینا گتیردی. اۇشاغین بله‌يینی آشدی، اۇشاخ کور‌اوغلونون قولچاغیندايدی.
- اۇشاغی يۆدو، تمیزده‌دی، قۇرولادی. قويون سۆدو پیشیریف اۇشاغی
- يئدیزدیردی. بئلژه بۇ مۆنوالنان بۇ اۇشاغی قويون سۆدوننن بؤيوتمه‌يه
- باشدادی. گۆنو گۆننن اۇشاخ بؤيومه‌يه باشدادی، آتالار دئر: “جیدئيی
- چۇوالدا گیزدتمک اولماز”. قونوم-قونشو بیلدی کین، اسمر قاری‌نین
- اؤيونده بیر کؤرپه وار. هره بیر ياننان اسمر قاریدان سوروشوردو:
- – آي قاری، بۇ اۇشاخ کیمیندی، هانی اونون آتا-آناسی؟
- اسمر قاری هره‌سینه بیر جاواف وئرئردی. دئردی نومدی، گتیریف
- يانیمدا ساخلايیرام.
- دئردیلر:
- – آغ‌بیرچک قاریسان، آخی نیيه يالان دانیشئرسان؟ سنین کی، اؤيلادین
- يوخدو، نیيه دئرسن نومدی؟
- قاری بیر گۆن حیرصدندی، هامیيی سؤيدو بیياویر ائله‌دی. دئدی:
- – بئله هئچ کیمیم يوخدو، گئدیف ایستانبولدان پۇلنان آلیف گتیرمیشم،
- اؤزومه اوغول ائله‌میشم، دردی سیزمی قالیف؟!
- بلی، بۇ خاوار گئتدی هاسان پاشايا چاتدی کی، بس دئمزسنمی، فیلان
- قاریدا بیر تاپپا اۇشاخ وار. هاسان پاشا اسمر قاریيی يانینا چاغیرتدیردی،
- دئدی:
- – قاری، سن او اۇشاغی مانا ساتمالیسان!
- قاری دئدی:
- – پاشا ساغ اولسون، سنین امرین مانا اللهین امریننن ده اۆستوندو.
- امبه مانا دا يازیغین گلسین، من ایسته‌يیرم اونو بؤيودوم، گله‌جکده
- مانا دا بیر ساهیف چێخان، قوریمی زیارت ائلیين اولسون.
- هاسان پاشا دئدی:
- – قاری، سن هئچ شئيین فیکرینی چکمه، سنین بۇ دۆنيالیغیيین دا، او
- دۆنيالیغیيین دا خارجی منیم بوينوما.
- بۇنو دئيیف، هاسان پاشا خزناداری چاغیرتدیردی، قاریيا بیر کیسه قێزیل
- وئریف يولا سالدی. قاری کوماسینا گلیف کور‌اوغلونون بازوبندینی اۇشاغین
- قولونا باغلايیف، اۆزوننن-گؤزوننن اؤپدو. هاسان پاشانین آداملاریننان
- اۇشاغی دا گؤتوروف سارايا گلدیلر.
- قاری دئدی:
- – پاشام ساغ اولسون، اؤزون گؤررسن کی، قوجالیف الدن تۆشموشم.
- گۆننریمی سايئرام، مۆمکونسه اونون قولونا تاخدیغیم او بازوبنده
- هئچ کیم توخونماسین، قوي کؤرپه بالاما مننن يئدیيار قالسین.
- هاسان پاشا اسمر قاری‌نین سؤزونو يئره سالمادی. پاشا دئدی:
- – قاری، به بۇ اۇشاغین آدی ندی، نه قويموشدون اونون آدینی؟
- اسمر قاری، يازیخ-يازیخ دئدی:
- – پاشام ساغ اولسون، اونو قويون سۆدوننن بسله‌میشم، اونچون دا
- آدینی آغجاقوزو چاغیرئردیم. ایندی بۇننان سورا اؤزونوز بیلرسینیز.
- هاسان پاشانین قاریيا يازیغی گلدی. دئدی:
- – قاری، سن نه آد قويوفسان، بیز او آدنان دا چاغیراژايیخ بالامیزی.
- بۇنو دئيیف قاریيا گنه ده آخچادان، قێزیلدان وئردیلر، يولا سالدیلار.
- آغجاقوزويو دا دايه‌لره تافشیردیلار. بۇ مۆنوالنان کوراوغلو بالاسی
- هاسان پاشانین سارايیندا بؤيومه‌يه باشدادی.
قایناق‌لار
- Azadliq . org