Wq/yue/黃子華

黃子華，香港電視演員。

棟篤笑

• 我從小就知道，我係一個偉大嘅演員。人哋細個成班細路群埋，鍾意玩扮結婚，扮爸爸媽媽。我細個，就鍾意扮姦夫淫婦。但係唔知係咪我個樣比較老實，我係從來都冇機會扮姦夫。每次我都係扮淫婦……嘅老公。雖然係噉，雖然，我亦都係成班人之中最細嗰個。但係我已經可以將一個妒忌嘅男人心態表現得淋漓盡至。當然，我啲朋友個個都讚我，話我天生出嚟，就係戴綠帽嘅。
• 當乜嘢人都唔搵我做嘢，我就知道，我係一個偉大嘅藝術家，在生嘅時候係唔會獲得應得嘅尊重。唔止咁，我重偉大過偉大嘅藝術家，因爲我知道，我死後都唔會受到尊重。
• 失戀係會令人成長嘅。

我失戀之前，一向都覺得世界上所有問題都有答案。

點解我地每日都要八點鐘起身返工呀？

因為夠鐘囉！

點解我地有夠鐘呢樣嘢呀？

因為我地唔用浮動上班時間囉。

點解呢個世界有戰爭？

因為我地有武器囉。

咁點解我地要有武器呀？

因為佢地有武器囉。

一切都有答案，直到我失戀。

阿珍，點解你唔愛我？

阿珍畀咗一個經典嘅答覆我，佢話：

“愛情係冇點解㗎，係唔可以解釋㗎，唔好問啦。”

如果返學阿 SIR 問我嘢都可以咁答就好嘞！

“黃子華，物體燃燒點解需要氧氣呀？”

“阿 SIR，燃燒係冇點解㗎，冇得解釋㗎，唔好問啦！”

• 阿媽標仔參，邊個俾贖金？
• 呢幾年，拜年嘅賀詞之中，最流行係邊句？

祝你──不勞而獲。（唔係啩？）

恭喜人地發財當然好，但係發財，都要有方法。

有邊一個方法，好得過不勞而獲？（係咪）

不勞而獲嘅方法就係唔使方法，唔使方法就係最好嘅方法。

我地想發財，已經想到到咗一個禪嘅境界！

不勞而獲既然可以成為新年賀詞，我期待喺未來幾年，

我地話人蛇鼠一窩，即係讚佢合群；話人非-{奸}-即盜，即係話佢勇敢！

嘩，真羨慕你呢個家庭，真係蛇鼠一窩非-{奸}-即盜。

梗係，唔係我地點會冚家富貴！

• 黃子華：喺愛情之中，女人最偉大！男人嘅犧牲，就爲咗追求美麗；而女人嘅犧牲，就祇係得到一個麻甩佬！而最偉大嘅係佢哋根本唔覺得係犧牲。如果你話畀一個女人聽：“喂，你男朋友有口臭！”

張達明：車，人梗有局部缺點嘅！

黃：佢重有臭狐同香港腳喎！

張：噉佢咪好平均咯！

黃：佢啲鼻鼾聲唔使較咪啊！

張：我男朋友一定係夢見我，我開心。

黃：佢屙尿亂咁啡！

張：好壯啊！

黃：佢啡完唔洗手！

張：邊有男人洗手㗎！

黃：我有！

張：乸型！

黃：佢重講粗口啊！

張：但係佢心地好！

黃：佢喺電梯度食煙喎！

張：公眾場合都唔畀食咯，佢咪呢埋一邊食囉，你哋重想點啊！你係咪想逼死佢？！係咪想逼死佢？！嗚～～～

• 黃子華：去公眾泳池嗰啲唔係叫做游水，嗰啲叫做浸水。因爲喺公眾泳池游，祇可以用一種泳式，就係彈式，同一個位，彈下彈下。

張達明：如果係高手可以用自由式，但係要潛落水底嗰度用。

黃：點解香港啲泳池咁鬼逼嘅呢？

張：唔好問啊，趁人多你好快啲浸下。等陣所有人上晒水嗰陣，你就會發覺，個池啲水原來到膝頭哥㗎咋！你去浸腳指啦，下次。

黃：其實我哋香港人都習慣咗人多，去浸下水都好。但係可惜嘅係，呢啲水，唔係一般水，呢啲係暖水！你成日喺泳池度，你會發覺有啲人，全身唔喐，眼碌碌。

張：哦！你喺泳池屙尿，咁冇公德心！由細到大我老豆都教我㗎啦，急尿，去隔籬池吖嘛！

黃：所以我喺度，趁呢個機會，同你啲僆仔講啊！游游吓小童池就走過嚟大人池，擒喺個池邊，唔好話我聽係學游水啊！

張：特別係擒正喺噴水口嗰啲啊！想毀屍滅跡啊！

• 我非常欣賞鄧小平嘅「黑貓白貓,捉到老鼠就是好貓。」

我老友阿雄個老婆生仔，生左個黑人出嚟，我都係咁對佢講:「黑仔，白仔，快高長大就係好仔啦！」

• 全港市民熱烈慶祝回歸這十個字，頭嗰八個字係呃人，只有「回歸」係真的!
• 福夭，乃福氣之夭折也，是洋人最鄙毒嘅詛咒！
• 知唔知一國兩制最偉大地方係乜？就係肯承認佢自己個制真係嚇親人！
• 一個人如果唔係鬼上身嘅話，好難講咁多自己都唔明白嘅野!
• 今晚我講了很多凶兆，為什麼講這麼多凶兆，是為了在座20歲或者20歲以下的朋友而講的，因為，有一天，你們也都會買股票！OK，你肯定會說“我不會，我不會那麼蠢”，是啊，我小時候也說過長大以後決不會跟女孩子玩兒的，人人都經歷過這個階段，但是長大了還不是被女孩子玩？有一日，你們都會買股票！
• 男人係愛情上係要求新鮮,而女人對愛情最大既要求就係保鮮
• 人生三大矛盾︰「搵食啫！犯法呀？我想架？」
• 我不是亂講粗口的人，你們大家都知道我是一個有文化的人，不毒的那些我不講的。我一直都認為“冚家鏟”是一句好毒的粗口，一家都殺（罵）完了，不管你家族有多大，是不是。但是現在我知道有句話比這句毒好多，那就是“負家產”！
• 我覺得非常有資格自殺既人呢就係屈原嗰種，即係你自殺，然後大家有公眾假期!
• 一個人有性病而佢唔鹹濕好無辜呀! 一個人經濟破產人格無破產好陰功呀!
• 我就成日都諗如果曾蔭權有一日走出嚟同大家講：「各位，董特首，已經唔存在啦！」
• 如你係一件豬扒，咁你基本上係唔使減肥咯～一件豬扒，減咗肥，就係一件瘦扒，一件瘦扒就係比豬扒更唔開胃嘅扒，係咪？你買叉燒都唔要嗰啲啦。
• 咁多嘢你生咗仔你唔買，你點解唔話買化妝品啊...化妝品冇加稅！你買飛機啊、買大炮、買樓，你係都要買樣加咗稅嘅 -你買車！你買部「凌志」，而家我俾人叫「零智」！我俾得人叫「凌志」，我地一家三口係「凌志」，我地變咗「三菱」啊...買部「凌志」變咗「三菱」好陰公架！
• 所以梁錦松佢而家好犀利㗎，佢經濟冇破產、佢人格亦都冇破產，佢係IQ破咗產...咁我地唔應該欺負啲智慧低嘅人。
• 下次如果你見到自己鐘意嘅藝人個陣，記住同佢講：「除褲啦！」
• 阿董生,你連任果陣時搞好多又再選舉點點點,我成日覺得一個特首要連任,各位,其實係唔洗搞咁多野既吓,一個特首要連任係好簡單應該係,咁你就能夠唔帶保鑣,你能夠一個人行入去一個大型既屋村,行返出黎,你連任架啦
• 大自然所有的動物都係食物鏈上，鏈的下層俾鏈的上層吃，一層一層咁鏈上去。

咁到底係乜嘢吃乜嘢？好複雜，但係我哋有生物學的權威——鬥獸棋。鬥獸棋係差啲攞到諾貝爾獎嘎，不過佢輸左俾飛行棋。

最底層係老鼠，老鼠之下係無其他動物嘎啦~你睇到乜嘢小強果啲唔係動物，係植物。貓吃老鼠，狗吃貓。所以我哋係贊成貓狗一起養的，如果有一日你唔記得買狗糧，唔緊要~有只貓貓啊~~豹吃狗，老虎吃豹，獅子吃老虎，最後，大象係吃獅子的。咁你宜家知道大象果兩只象牙係攞來做乜啦，barbecue！叉住只獅子！象鼻咁長攞來做乜？搽蜜糖咯！

• 人類有人類自己的食物鏈，人類的食物鏈簡單好多，只有3种。最下層係無產，中層係中產，頂層係冚家產。係絕無不敬的成分。

因爲頂層的尼啲人唔係房產，權產就係遺產，名符其實冚家都係產，所以我哋好多時叫冚家產會加乜嘢？冚家富貴。

• Buffet 不妨食過份，出猫唔好太高分
• 請你好好放低
• 台上黃子華：冇拗撬？有乜嘢係冇拗撬？乜嘢都有拗撬！

台下觀眾：回水！ 
台上黃子華：回水有沒人唔同意？全場同意係咪？
台下觀眾：係、係......
台上黃子華：(指著自己)最重要嗰個人同唔同意？點會冇拗撬呢？

• 女人，係正牌講大話！乜嘢叫做化妝？化妝就係你個樣講大話！...各位女士你地明唔明乜嘢叫做化妝？化妝就係：你落咗妝我認得你就叫做化妝；你落咗妝我唔認得你就叫做「喬裝」！
• 你愛嘅，你得唔到;你唔愛嘅，你甩唔到。
• 宇宙最高法則：係咁嫁啦(係啦定律)，好出奇呀(好呀法則)？
• 錯就要認，要對方認！
• 人生不如意事十常一二
• 唔好打亂大自然嘅規律