Wq/yue/回魂夜

From Wikimedia Incubator
< Wq‎ | yueWq > yue > 回魂夜

回魂夜》(英文:Out Of The Dark)係一套港產片,1995年喺香港上畫,主角係周星馳

語錄[edit | edit source]

  • 一條友:開門呀餵!開門啊!
  • 李(向上拋白紙):阿娘,你在天有靈,保佑我哋一家大細平平安安。
  • (四個保安攬成一個圈)鐵膽:嗱,差唔多掟嘢落嚟架嘞。呢個禮拜掟咗三晚嘢落嚟架嘞。先旨聲明呀,邊個放手先邊個輸架。
  • 阿強:唔止呀!邊個走開就輸雙倍呀。
  • 保安丙:啲人又會掟嘢落街咁無聊嘅?
  • 保安丁:無聊得過我哋喺度等佢掟嘢落嚟?!
  • 李(向上拋白紙):保佑阿榮仔快高長大,生生性性。
  • (樓梯口)李太(一路點香一路對榮仔講):榮仔呀!今晚阿嫲回魂夜,快啲裝番炷香畀阿嫲啦。
  • 兩大廈居民(行上嚟):今晚又冇鉝搭呀!又要行樓梯。都唔知做乜鬼嘢嘅!
  • 李太:希望你今晚返嚟之後食飽先好去投胎做人。
  • (兩個人從旁經過)甲:生前又唔孝順,而家拜佢有鬼用咩?
  • 乙:咪係囉!如果係咁孝順呀,就唔好三更半夜叫個老人家落街買嘢啦。喺後樓梯僕死咗都冇人知呀。
  • 李:福財嬸你講邊個呀?
  • 乙:李生。
  • 甲、乙:走喇……走喇。
  • 李太:如果你生前我係有啲乜嘢對你唔住嘅話,希望你死後大人有大量,千祈唔好怪我哋呀。
  • (鏡頭轉換,阿群坐喺床頭。有人起勢敲門)一女聲:開門呀!你開唔開啫?!家姐,開門呀!我要入嚟攞番啲嘢呀。(轉身)媽咪呀,家姐又唔開門呀。
  • 媽咪:阿群老竇,快啲叫佢開門喇。
  • 老竇:開門啦!阿群你作死咩?!成個禮拜放工都鎖住自己喺房。
  • 甲:有料到呀。
  • 乙:咩嘢料?
  • 甲:二場二號贏梗。
  • 女(攞起電話):餵,家姐又失戀呀。
  • (阿群拿起一個皮箱往外使勁拋出)
  • 鐵膽:嗱!聽到聲喇,越嚟越近嘞!
  • 保安丙:我頂唔緊呀。
  • 保安丁:頂住!唔好衰俾老坑睇。
  • 鐵膽:咩話? !你話邊個呀?
  • 盧Sir:餵,你班死仔又喺度蛇王?房署啲人嚟緊架嘛。
  • 鐵膽:今次掟嗰邊呀。
  • 胡Sir:餵。
  • 阿強:胡Sir。
  • 胡Sir:阿盧喺邊呀?
  • 阿強:嗰度呀。
  • (兩保安跟住盧Sir)
  • 胡Sir:增加人手? !你都傻架!唔使錢呀?等我諗嚇先啦。
  • 盧Sir:唔係嚇話?噉我哋點——
  • 道友明(阻住盧Sir)​​:盧Sir,借兩草嘢嚟吖。
  • 盧Sir:草你老母呀!草紙都冇呀。
  • 道友明:借嚟吖!
  • 盧Sir:餵……死啦。
  • 鐵膽老婆:阿強同我交封信畀我老公。我要同佢分手。
  • 阿強:阿嫂呀。
  • 道友明:強哥。
  • 保安戊:商場間精品店十點半閂門,佢哋習慣朝頭早至存啲錢入銀行嘅。噉我哋一於聽晚去爆佢格。
  • 保安戊(跳起,興奮狀):Yeah.
  • 保安己:唔好!隔籬間花店好啲。
  • 保安戊:點解呀?
  • 保安己:花店條女個波好大架。姦佢!
  • 保安戊(扇咗保安己一下):吆!點解你成世人都係噉架你?聽晚去爆佢格。
  • 保安己:爆完格,再姦佢?
  • 保安戊:爆完格有錢架,有錢你咪去叫雞囉。做人有啲原則好唔好?
  • 保安己:叫完雞,再姦佢。
  • 保安戊:咪住,上個禮拜個阿婆喺呢度跌死嘅,今晚係佢回魂夜。吆,你咪生人唔生膽啦。行得正企得正怕咩呢啲嘢啫?行啦!巡過第二層呀。


  • (盧Sir行埋過嚟)
  • 鐵膽(瞓喺地度):掟死我吖!掟吖。
  • 盧Sir:鐵膽你個死仔又蛇王? !噉樣瞓喺度,慌死冇人睇到呀? !
  • 鐵膽(悲傷噉):我老婆跟佬走呀。
  • 盧Sir(跑上前去):起身!好狗唔擋路呀。
  • 鐵膽:你俾我死呀。
  • 盧Sir(將鐵膽推向牆):死啦……自己冚頭埋牆啦。
  • 鐵膽:餵……,嗱……,你而家燒壞腦係咪呀?我而家死之嘛,你都要同我爭? !而家攞獎咩?噉都搶? !
  • 盧Sir:搶乜嘢至得架? !噉樣掟個雪櫃落嚟。
  • 鐵膽:本來係掟我架嘛!
  • 李太(慌失失):盧Sir,榮仔唔見咗呀。
  • 盧Sir:榮仔嚇嘛?
  • 李太:係呀。
  • 盧Sir:你哋唔使咁驚嘅。可能佢出去晚嚇一陣就返嚟架嘞。
  • 李,李太:唔係呀!
  • 李:唔見咗成個鐘頭架嘞。我係鉝口重執到佢只表呀。
  • 鐵膽:噉梗係遇到變態色魔啦!使乜講吖?
  • 李太:唔係嚇話? !
  • 盧Sir:黐線嘅咩? !榮仔係仔嚟架嘛,變態色魔捉佢咗咩得架?
  • 鐵膽:雞姦囉。
  • 李太:店算呀?
  • 盧Sir:死人鐵膽你話?冇句好嘢講架你。躝返上去。
  • 鐵膽:噉咪最多標參擄人勒索囉,噉得未呀? !
  • 盧Sir(用警棍猛咁撲鐵膽):你重講吖嗱? !講?講吖嗱? !
  • 李(上前勸阻):算嘞……算嘞。等我嚟。 (一腳將鐵膽踢倒)仆街吖!你講乜嘢呀?
  • 盧Sir:喺度再瞓過啦你。李生,我哋上去打電話報警啦。嚟吖。
  • 李(開門):入嚟吖盧Sir。
  • 盧Sir:你哋唔使噉傷心嘅,而家報咗警嘞,警方好快會同你揾返個仔架嘞。
  • 李太:佢老竇做廚房之嘛。每個月都掹掹緊,我哋又冇錢,都唔知捉咗榮仔做乜嘢?
  • (李行去李母靈位前,神色緊張)
  • 盧Sir(走向前):李生,咩事呀?
  • 李:阿娘返過嚟呀。
  • 盧Sir:你講笑咋係話?你阿媽返嚟?
  • 李(雙眼望住靈位前嗰隻雞髀分析):你睇嚇!隻雞冇咗只髀,一定係阿娘食咗。
  • 盧Sir(驚慌萬分,順勢坐喺一張搖椅之上):你噉肯定?
  • 李:阿娘生前好鍾意食雞髀,佢就好似你噉坐喺張椅度食。
  • 盧Sir(即刻起身,六神無主):佢會唔會係返嚟揾我呀?
  • 李太(勸李):你唔好噉啦。
  • 盧Sir(往後退):你唔好咁激動,我斟杯水畀你呀嚇。
  • 盧Sir(走去廚房,打開雪櫃,睇到榮仔匿埋食緊雞髀,驚極):啊……,你老母匿埋喺度食雞髀呀! (暈)
  • (李氏夫婦衝入廚房)
  • 李太:咩事呀?
  • 榮仔:媽咪。
  • 李太:榮仔。
  • (鏡頭轉向阿群家,阿群打開門出去)
  • 阿群媽咪:咁夜重去邊呀?正一衰女嚟架。碰呀。
  • 一牌友:睇住包呀!
  • 阿群(雙手揸住柵欄,信誓旦旦):由呢分鐘開始,我要忘記Johnny。上帝,求祢畀個新嘅開始我吖。


  • (星爺出場)
  • Leon(喺樓下):好,我應承你。
  • (阿群走落樓,睇到黒暗中有一個人)
  • Leon:都話應承你嘞。你講。 9413號房。我知呀,你講多次。再講多次。收到。
  • Leon(斟杯牛奶,轉身):餵,十二點架喇㖞。係至好呀。飲啖!罷就。你定啦!都唔係第一次架啦。乜嘢話? !
  • (阿群坐電梯來到9樓)
  • Leon:我唔係話乜嘢,替天行道係我嘅責任,啱唔啱呀?我不入地獄誰入地獄? !唔緊要!唔使為我擔心。 (睇表)Yeah!夠鐘。 (捏碎杯,擸起花盆,離開門口,走向走道)
  • (盧Sir行出李屋企)
  • 李:唔好意思呀!
  • 盧Sir:第日你個仔食雞髀……
  • 李:好聲……好聲……
  • 盧Sir:叫佢唔好企埋喺角落頭食呀嚇!會嚇死人架。
  • 李太:得喇。唔該曬你呀,盧Sir。
  • 李:麻煩曬你㖞。
  • 李太:好聲行呀嚇。
  • (李氏夫婦送完盧Sir返嚟)
  • 李(對李太說):不如今晚我哋帶埋個仔去酒店過夜。你執啲嘢吖,我打電話book房。
  • 李(撥通酒店電話):餵!唔該同我查嚇港京酒店幾多號電話。
  • 李太(慌失失噉由臥室衝出):榮仔!
  • (電話另一頭):餵,咩酒店呀?
  • 李:咩事呀?
  • 李太:榮仔又唔見咗呀。
  • 李:嚇?
  • 李太:榮仔!
  • 李:你留喺度,我出去揾嚇!
  • 李太:我都去。
  • 李:你留喺度呀!
  • (李出去揾榮仔,李太入廚房雪櫃度攞杯水飲,突然間啲燈熄曬,李太內心升起一絲懼意)
  • (四周黒曬,李太喺間房周圍走)
  • (音樂可怖)
  • (李太坐喺一張梳化度,雙眼睇住牆上邊奶奶張相,恐懼萬分。忽然間電話響,李太好緊張噉攞起電話)
  • 李太:餵?
  • (電話另一頭傳過嚟李嘅把聲)
  • 李:老婆,個仔返嚟未呀?
  • 李太:未呀!重未呀。
  • 李:我同盧Sir就快返上嚟架喇。
  • (李收線,李太掛返電話,轉身睇到只搖椅喐緊)
  • (李太走去電視前邊,睇到自己喺電視入邊。李太擰轉身將一嚿閃嚇閃嚇唔知係乜嘢嘅嘢熄咗。抬頭見到一幕極之恐怖嘅嘢:李母喺電視裡邊)
  • 李母(擰轉身,陰陰笑,電視音量越嚟越大):家嫂!賠返條命畀我。
  • (李太想行出間房)
  • 李母:走? !
  • (李太發覺啲門鎖住曬)
  • 李母:你咁冇人性,夾埋啲壞人害死我? !我攞你命。
  • (李太開門,見到榮仔揸住把刀仔,勢兇夾狼)
  • 榮仔:你走唔甩架嘞。
  • (李太倒入房)
  • (Leon突然間手執大聲公出現)
  • Leon(將大聲公對住榮仔):Hello!
  • 阿群(跳起,大笑):Yeah!
  • (李同埋盧Sir行埋嚟)
  • 李:你喺度做咩呀?
  • 阿群(大笑):你個仔鬼上身呀!鬼上身呀!回魂呀!


  • (李跑返屋企)
  • 李:老婆。
  • 李太(坐喺地度):老公。
  • 李(揸住李太雙手):乜嘢事呀?
  • 李太:個仔鬼上身呀!
  • 李:頭先嗰個係咩人嚟架?
  • 李太:佢用大聲公嚇走咗阿仔呀。
  • 李:究竟咩事呀?
  • 李太:奶奶呀!
  • (Leon追緊俾鬼上咗身嘅榮仔)
  • (配電房)
  • 鐵膽(舉起插蘇):幾萬W電插落個頭都唔死? !鼻涕蟲都會打交啦。
  • (榮仔入嚟,門將鐵膽撞暈)
  • Leon(喺黑暗中突然出現,攞把刀頂住榮仔嘅喉):噉樣嚇人號驚架㖞。知唔知噉做係唔啱架?
  • 榮仔:知。
  • Leon(從後攞出一部電話):知就嗱嗱聲打個電話返屋企講對唔住。
  • 榮仔:唔係嚇嘛? !
  • Leon:係。
  • 榮仔(打電話返屋企,陰聲細氣噉):我係奶奶呀。
  • (電話另一頭):啊……
  • 榮仔:佢哋嚇走曬喇。
  • Leon:把聲係唔係衰。鬼係咪一定要陰聲細氣——“我係奶奶”呀噉講嘢嘅啫? !
  • 榮仔:好喇㖞!我假假地係隻鬼㖞。
  • Leon:鬼大曬呀?巴屎閉呀?
  • 榮仔:唔係話巴唔巴屎閉呀。我生前俾人害死,今晚返嚟報仇。
  • Leon(將榮仔帶埋一邊):噓!呢啲嘢行埋一邊講。
  • 阿群:Highlander?
  • 榮仔:媽咪。嫲嫲。 (鬼離開榮仔)
  • (鐵膽醒返)
  • 鐵膽:餵,同你有仇口呀?死都要同我爭食? !你貴姓呀?邊個?
  • (Leon由配電房走出,撞到盧Sir)
  • Leon:保安隊長嚇話?
  • 盧Sir:係。
  • Leon:在下Leon。
  • 盧Sir(同Leon握手):Leon? !
  • 盧Sir(電流從Leon的手中流出):你隻手有電架㖞。
  • Leon:你驚嘅咩?
  • 盧Sir:你唔驚嘅咩?
  • Leon:驚? ! (笑)隻鬼應該離開咗個僆仔,但係重喺呢層大廈裡頭。 (轉身)保安隊長,附近有冇Seven仔呢?
  • 盧Sir(迷惑):Seven仔?
  • Leon:7-11。
  • 盧Sir:7-11? !有……有。
  • Leon:嗱嗱聲買樽護髮素返嚟。
  • 盧Sir:買嚟做咩呀?
  • Leon:你啲頭髮烘烘哋,髮尾開曬叉,係時候擦一擦啦。
  • 盧Sir:你講乜嘢呀?
  • Leon:啲冤魂最驚就係見到啲容光煥發嘅人。叫你扮靚啲個頭,絕對有根有據嘅。攞兩嚿水嚟。
  • 盧Sir:哦。嗱,有……有。
  • Leon:多謝!
  • 盧Sir:你攞錢嚟做咩呀?你畀隻鬼架?
  • Leon:唔係,係我冇錢搭的士啫。
  • 盧Sir:哇,你講嘢咁飄忽,你黐線架?
  • (畫外音):冇錯!佢係黐線嘅。


  • 甲:你個死鏟吖!次次喉我瞓著覺就偷走。
  • Leon:我唔返去呀!
  • (Leon俾三條友拉走)
  • (幾秒鐘之後,Leon返轉頭)
  • Leon(搭住盧Sir膊頭):大家咁好傾,一齊返精神病院傾嚇偈吖?
  • (三條友又出現)
  • 甲:傾你老母咩? !走嘞。
  • (籃球場)傳個波畀我吖。
  • 一阿群書友(食緊飯):呢個世界真係有啲人咁大膽?其實你知唔知佢住喺邊架?
  • 阿群:重光精神病院。
  • 阿群書友:嚇?
  • 阿群:我放工去揾佢。
  • 阿群書友:阿群呀,其實冇咗Johnny,你都唔使揾個黐線嘅咁離譜吖。
  • 阿群:其實佢唔係黐線架,佢只不過係住喺精神病院嘅世外高人!你估我唔知呀? !
  • (重光精神病院門口,大風,阿群孭住只包走向精神病院)
  • 一條友(揸住碌電棍突然見閃出):餵,你揾邊個?探病時間過咗嘞㖞。
  • 阿群:我……
  • 畫外音):搶嘢呀!
  • (條友追過去):嗰邊乜嘢事?
  • 黐線佬甲:凡高佢一生除咗熱愛藝術之外,佢對宗教嘅熱情一樣咁狂熱,佢寧願自己捱窮,將自己僅餘嘅金錢畀曬……
  • 黐線佬乙:愛因斯坦嘅相對論影響咗我哋後世好多成功嘅科學理論。
  • 黐線佬丙:史匹堡前晚畀電話我啊,佢話唔知點樣拍侏羅紀公園續集㖞!你話點睇哩?
  • 黐線佬丁:你幫嚇佢啦……幫嚇佢啦。
  • Leon(突然出現,搭住阿群膊頭):你揾我呀?
  • 阿群:係呀。
  • Leon:首先我想問你信唔信呢個世界有飛碟同埋尼斯湖有隻水怪?
  • 阿群:信呀!
  • Leon(伸出手同阿群扼手):有偈傾嘞!我叫Leon。
  • 阿群:阿群呀。我尋晚見到你好……好……
  • Leon:大膽。
  • 阿群:大膽呀。點解你俾人困喺精神病院嘅?
  • Leon:因為我咩都唔驚,所以啲人以為我黐線嘅。我漏咗嘢。 (轉身)
  • 阿群:留低咗咩?
  • Leon:緊要嘢。
  • 阿群:噉點解你咩都唔驚嘅?
  • Leon:噉你驚唔驚吖?
  • 阿群:假嘅!
  • Leon:如果你知道係真嘅哩?
  • 阿群(驚叫):
  • Leon:嗌啦!
  • Leon:你驚係因為你估唔到支槍係真嘅。你估唔到呢個世界咩都可能發生嘅。點解?因為你冇想像力。愛因斯坦話過想像力比任何知識更加緊要,想像力可以將冇可能嘅嘢變為可能。我問你怕未?
  • Leon:好話唔好聽,我由BB仔開始已經見過飛碟,即係世人所講嘅UFO,不明飛行物,你懂唔懂?四歲嗰年我又見過傳說中嘅尼斯湖水怪,又同喜馬拉雅山嘅大腳八傾過偈猜過枚。在加上我由細到大日日朝頭早都玩過山車,晏晝就玩海盜船。亦都會朝頭早玩海盜船,晏晝先玩過山車,黃昏再玩多次海盜船都試過呀!我講你聽吖。所以我成日同啲後生仔講,要成功唔好諗住一步登天。我有今日呢份功力係經過無數咁多嘅考驗。我更恐怖嘅嘢都見過,更驚險嘅事都遇過,重有咩可以嚇到我吖? ! {/P}{P}阿群:噉我哋屋村係唔係真係有鬼呀?
  • Leon:係!我一早知嘞。
  • 阿群:你點知架?
  • Leon:Lily話比我聽嘅。
  • 阿群:邊個係Lily呀?
  • Leon:盤花!
  • 阿群:簡直係驚人呀。
  • Leon:重有啲更加驚人嘅嘢會喺你哋屋村發生,我而家要嗱嗱聲趕去搞番掂佢。 (見到一條友企住,擘大雙眼,瞓緊)瞓著咗!唔好嘈佢。


  • (大廈)
  • (一條友爆緊格,另一條友睇緊水)
  • 大孖(焦急,緊張):掂唔掂呀?
  • 保安己:Yeah!未得呀。
  • (另一頭)
  • 盧Sir:你兩個明唔明我講乜嘢呀?我話唔夠人手啫,我都唔明胡Sir做乜派你兩隻嘢嚟。我又唔識講越南話,你哋又唔識聽廣東話,家陣雞同鴨講。嗱今晚呢你哋第一日返工,兩個學嚇上去巡樓。
  • 越南仔甲:呢度地方幾靚。
  • 盧Sir:你哋由頂樓巡落嚟。嗱一個鐘頭之後呢,係寫字樓見。
  • 越南仔乙:佢講咩嘢?
  • 越南仔甲:唔知係唔係叫我哋收工呢?係唔係而家收工!真係好啦收工。
  • 盧Sir:冇錯!一個鐘頭。
  • 越南仔甲:係噉……係噉。
  • 盧Sir:今次兩隻嘢又估到我講乜嘢㖞,去啦。
  • 越南仔甲:呢個上司幾好,咁早叫我哋收工。可以早啲去飲茶,休息。
  • (盧Sir走入電梯,上11樓,係9樓停低,走出電梯,壯膽)
  • 盧Sir:嘩!分分鐘撞鬼呀,咪喇。 (行去窗口,向下大聲嗌)有冇人上嚟陪我落去呀?鐵膽……鐵膽!
  • (一條友仔):你咁夜喺度嘈乜鬼呀?
  • 盧Sir:啱嘞!想藉個電話打嚇啫。
  • 條友:借……借你個頭呀!你返落去保安室度打啦。 (關門)
  • 盧Sir(行到9樓):有怪莫怪……我過路架咋!我路過架咋。
  • (畫外音,恐怖):盧Sir,你幫嚇我喇。
  • 盧Sir:你老太,你死唔關我事,唔好害我呀。
  • (畫外音,恐怖):我唔係想害你,我想你幫嚇我啫。
  • 盧Sir:我點樣幫你呀?
  • (畫外音,恐怖):既然你肯幫我,我就出嚟當面同你講啦。
  • 盧Sir(大聲嗌):你唔好出嚟俾我見到你呀。你匿埋一二角講得架嘞。
  • (畫外音,恐怖):噉你借住四草嘢嚟吖?
  • 盧Sir:四草嘢?做咩呀?我好頂癮呀。
  • (畫外音,恐怖):頂癮? !道友明? !
  • 道友明(喺一角浮頭):盧Sir……盧Sir。
  • 盧Sir:死仔!又走上嚟偷嘢係咪呀?
  • 道友明:唔係吖……唔係吖。
  • 盧Sir:撲死你吖嗱。
  • 道友明:唔偷喇。
  • 盧Sir:豈有此理吖!
  • 李母(趴喺地度):盧Sir,幫嚇我啦。
  • 盧Sir:又有一件賴死唔走嚇話?豈有此理!你走唔走呀? (踢李母架頭)乜咁易甩架?
  • 李母:唔關你事,唔使驚嘅。
  • 盧Sir(驚慌到極點):鬼呀。
  • (李母揸住盧Sir大髀)
  • 盧Sir:你唔好害我呀!我生平冇乜做壞事,只係間中打嚇飛機架咋。
  • 李母(乜都冇,淨係得個頭係梯級度):盧Sir,如果我要害你,尋晚返嚟揾個仔同心抱報仇嗰陣我就害你啦。
  • 盧Sir:你尋晚返嚟揾個仔同心抱報仇呀? !
  • 李母:我係俾佢哋兩公婆害死嘅,佢哋遲早會得到報應嘅。阿Sir,唔該你將我個頭駁返上個身,我慢慢講呢單嘢你知吖。
  • 盧Sir:將你個頭駁返上你個身度呀?
  • 李母:唔該你吖。
  • 盧Sir:噉你又唔使咁客氣。唔好意思!我唔係有心叉你個鼻竉架。阿婆,你即管講俾我聽,我會同你報警,替你伸冤嘞。
  • 李母:多謝你盧Sir。
  • (李喺暗處,揸住把刀)
  • 李:你鬼鬼鼠鼠喺度做咩呀?
  • 盧Sir:冇!我執返你老母個頭之嘛。
  • 李(勢兇夾狼):想報警? ! {/P}{P}阿強:我已經幫你Call咗條女架嘞。唔好再飲嘞,唔係就嘥料嘞。好聲呀!快啲去廁所先嘞。
  • 鐵膽:你真係我嘅好兄弟。
  • 阿強:條女重未嚟嘅? Call多佢次先。
  • (爆格友撻咗好多錢,好興奮):呢次發達喇!發達喇!
  • (盧Sir喺兩人中間行過,將李母嗰頭攝入兩條友嗰袋入邊)
  • 盧Sir:同我Keep住佢。
  • 爆格友甲:餵,咩嚟架餵?
  • (李追到)
  • 李:報警吖嗱? !斬死你。
  • 爆格友甲:佢哋咩事咁大仇口呢嚇?
  • (李母由兩人中間過,順手攞走只袋)
  • 爆格友甲:餵,你個僆妹做乜搶我哋袋錢呀?
  • 爆格友乙:你以為耷低頭就認唔到你架嗱?
  • 爆格友甲:追!
  • 爆格友乙:僆妹,咪走呀!
  • 鐵膽:你哋唔好同我爭女呀。
  • (起勢噉追條女)
  • 鐵膽:等埋我啦。餵,我喺呢度呀。阿崩叫狗——越叫越走。有冇搞錯呀!你重走係咪呀?你再走我撲你架嗱。我撲。餵,有啲職業道德吖。
  • 爆格友甲:攞刀嚟,劈佢!
  • 爆格友乙:等埋呀。
  • 鐵膽:畀十文你吖,做全套吖,唔該你吖。
  • 爆格友甲:停一停,Check Check袋錢先。
  • 爆格友乙:做咩呀? {/P}{P}鐵膽:你個頭擰咗去邊?正啊!
  • 爆格友甲(揭開個袋,睇到一個人頭):冇可能嘅。
  • 爆格友乙:咩呀?
  • 爆格友甲:冇可能嘅...
  • 爆格友乙:啲錢俾人食咗呀?
  • 爆格友甲:係呀!係呀!
  • 爆格友乙:係你個死人頭。
  • (爆格友乙揭開袋錢,見到一個人頭)
  • 李母:冇錯!我係死人頭!
  • (盧Sir逃入電梯,松咗一口氣,突然見到道友明喺電梯裡邊,流咗好多血)
  • 道友明:救我呀。條友喺上高插咗我一刀。唔好上去呀。
  • 盧Sir:我唔上唔落咪仆街? !
  • 道友明:吆!撳中間呀。
  • 盧Sir(扶起道友明):嚟吖,你流小小血啫,我送你去醫院吖。
  • 道友明:阿Sir,你太好人嘞,我實在太感動嘞。
  • 盧Sir:感咩動吖?救人一命,勝造七級浮屠,有乜所謂得架。為人為己吖嘛。
  • (李太突然殺出,提刀猛咁插道友明)
  • 道友明:咩吖?
  • (盧Sir抱住道友明躲避李太)
  • 道友明:阿Sir,你嘢嘢揾我嚟擋,唔該你揼低我啦。
  • 盧Sir:唔得!你傷得咁緊要,我要同你去醫院得架。
  • (盧Sir揼低道友明)
  • 道友明:唔該,邊個得閒送我去醫院呀?


  • (樓頂)
  • 李:跳呀!跳呀!跳呀!
  • 道友明:放過我哋吖唔該。
  • 李:快啲跳落去呀!
  • 盧Sir:你先殺死你阿娘,重想殺埋我哋兩個? !
  • 李太:快啲跳落去呀!
  • 李:你死到臨頭重咁多嘢講?喐手!
  • 李太:好!
  • 道友明:唔好呀。殺老母好閒事啫。你鍾意咪殺埋我老母囉。
  • 李:我冇你咁賤格。我唔係有心殺我阿娘架。嗰日佢同阿雲嗌交,我想埋去分開佢兩個咋。點知唔覺意推咗佢埋雪櫃度。我唔係有心殺我阿娘架。你跳落去呀。
  • 李太:跳啦!快啲跳喇嘛。跳呀!
  • (Leon同阿群突然出現)
  • 阿群:發生咩事呀?
  • Leon(舉起手槍):咪喐!
  • (Leon一槍打中道友明)
  • 阿群(提醒):好似唔係佢㖞。係揸刀嗰兩個呀。
  • Leon:對唔住。 (槍口對準李氏夫婦)咪喐!
  • (李向後退,唔小心掉咗落去)
  • 李太:老公......老公,老公......老公。 (轉身,手指Leon)你害死我老公
  • Leon:我嗌咗佢咪喐架喇。大家聽到架嗱,關我咩事啊? !
  • 李太(著起一件紅衫):唔關你事?我而家就要同我老公一起死,要你血債血償。
  • Leon:唔使換件紅衫咁猛係咪呀?等等先呀! Hold住一陣呀你!咪呀你呀。
  • 李太:冇得傾!僕你個街啦。
  • Leon:唔好搞啦。我請飲茶呀。
  • 李太:我一定要去死。
  • Leon:一命賠一命哩? !我對返死佢吖。
  • 李太:我要喺回魂夜嗰晚殺死曬你哋呀!
  • Leon:怕你嘞...賠錢嘞。
  • 李太:咩話? !幾錢先? !
  • Leon:挑!你話幾多就幾多啦。
  • (Leon唔小心又開一槍,將李太打咗落去)
  • Leon:佢唔死得嘅? !點都唔可以俾佢死架。
  • 阿群:好核突呀!
  • Leon:你唔係就噉就死咗嚇嘩?
  • 道友明:係人都知佢死咗啦!你留返啲力嚟救我呢個半條人命架道友啦。
  • 盧Sir:係呀,佢就嚟唔得架嘞。
  • Leon(猛打李太):醒嚇餵!醒呀,醒呀......求嚇你呀,畀嚇面吖。醒呀。
  • 盧Sir:條傻佬殺得性起,會唔會殺埋我哋架? !
  • 道友明:報警啦。
  • (李太突然醒返)


  • 李太:你打夠未吖?
  • 盧Sir(吃驚):噉都可以打返生?
  • 李太:做咩救我呀?
  • Leon:有咩唔啱咪大家拆掂佢囉。唔使回魂嚇嘩?
  • 李太:冇得拆!我老公死咗,你搞成我噉。我要同佢一起死。 (拔出Leon腰間的手槍)睇嚇你點救我! (往自己身上開了好幾槍)
  • Leon(埋去李太身邊,轉身):即刻同我去Seven仔買包冰返嚟。
  • 阿群:點解吖?
  • Leon:去呀。
  • 盧Sir:要叫黑箱車喇啩?
  • Leon:好在,冇打中個頭。
  • 盧Sir:重有得救?
  • Leon:唔知,要就地同輸血先。
  • 盧Sir:呢度邊有血呀?
  • Leon:一面都係,重話冇?啲佢過嚟!
  • 道友明:你都黐線架你。
  • 盧Sir(拖住道友明):餵......餵,幫嚇手啦......
  • 道友明:唔得架。
  • Leon(分別喺李太同道友明手上割開一道口):咪喐呀僆仔,打鑊你架。 (忽然發問)咩血型架你?
  • 道友明:AB。
  • Leon:死火嘞!條女B型。你唔早講? !唔同血型點輸呀? !你有冇醫學常識架你? !累事呀你個冚家鈴!
  • 阿群(趕到):冰呀。
  • Leon:倒落去雪一雪個傷口先。
  • 道友明:你唔好用曬啲冰得架,留番啲畀我吖!我都流好多血架。
  • Leon(揸住道友明隻手):餵,攞隻手嚟。嗰邊揸佢條女隻手。你兩個,走。
  • 道友明:去邊呀?
  • (Leon將電線接上電閘,道友明俾電到全身發抖,李太慢慢醒番。)
  • 道友明(癱喺地上,痛苦狀):邊個做嚇好心,了結咗我生命,唔使我再受苦啊?
  • 李太(抆塊面):做咩又救返醒我? (執起手邊手槍諗住自殺)
  • Leon:甩槍。 (一把匕首飛向李太,正中額頭正中,李太伏低,扣動手槍扳機打中道友明大髀)
  • 道友明(即刻起身,大嗌):我而家先知道乜嘢叫做生不如死啊。
  • 盧Sir:你掟支槍就好喇,又會中佢個頭嘅? !不過你重有辦法嘅,你再嚟啦。
  • Leon:俾我親手殺死冇得救嘅。回魂夜當晚少不免血流成河,生靈塗炭。
  • (大把人聚在一扇鐵柵欄前)
  • 某人:如果有咩事就打電話去差館啦嚇。
  • 差人甲:唔該……
  • 差人乙:借借……
  • 盧Sir:你哋返屋企瞓覺啦!冇嘢嘅……冇嘢嘅嚇。
  • 有人問阿群:阿群嗱,李生李太點會跳樓架?
  • 阿群:啱喇餵,你哋有冇人可以通知到佢啲親戚嚟湊住佢個仔呀?
  • (保安室)
  • 盧Sir:你班友身為保安,當班時間一個就叫雞,一個就幫人叫雞。你兩個重衰,走去爆格?呢啲事俾人知道你話點嘞?重有啊,大廈有鬼單嘢啊,胡Sir話唔好傳出去啊,你哋知唔知呀? !
  • (Leon入嚟)
  • 盧Sir:大師,而家點呀?
  • Leon:我已經將李老太嘅鬼魂送返落下邊。
  • 盧Sir:點送啊?
  • Leon:聽唔到我沖水咩?
  • 鐵膽:勢估唔到幾廿歲人同個八十幾歲嘅伯爺婆發生關係嘅!
  • Leon:呢啲當驅風啫!
  • 鐵膽:你講嘢呀? !我俾佢搞到下邊呀人頭咁大個呀,冇曬知覺啊,你睇嚇!
  • 阿強:真係冇曬反應㖞。
  • Leon(用腳踢):真係冇?
  • 盧Sir:重漏水添㖞。
  • 鐵膽:嗱!屙咗都唔知,你話死冇? !
  • 盧Sir:大師,我哋應該點做呢? !
  • Leon:唔使急嘅!我睇而家大家都見肚餓架嘞。不如食咗嘢先。
  • 盧Sir:食咩哩?
  • Leon:我食生果嘅。
  • 盧Sir:阿強,同佢買吖。
  • 阿強:食咩生果呀?
  • Leon:豉汁蒸橙吖。要多個蕉絲腐乳西瓜添,小辣好喇!


  • (廣袤嘅空地)
  • Leon(揸住大聲公):早晨!捉鬼課程第一堂首先同大家解釋嚇恐懼嘅定義。想了解何為恐懼,好簡單。 (用食指指向一個人)邊個夠膽錫佢?
  • 鐵膽:我嚟。
  • 鐵膽:臭到吖!頂唔蒲!我認輸嘞。
  • 那人(左手搭住鐵膽膊頭):算啦!你望到我咁耐,都算好嘢架嘞。
  • 鐵膽(掙脫嗰人左手):訓練係由淺入深架嘛。使唔使一嚟就咁高度先?
  • Leon:啱嘅!玩過樣吖!
  • Leon(從箱中攞出一嚿嘢):呢度有屎一篤,邊個夠膽掂佢?
  • 甲:咁多嘢唔玩?你使唔使玩屎咁核突嘅嘢呀?
  • Leon: Why not?你噉講係因為你讕係受過高等教育,出入又讕係上流社會。係你嘅讕係學識,認為屎就係無聊同埋污穢嘅。就等於你老母或係大姨媽由細到大話俾你聽鬼就係恐怖嘅一樣,所以就算篤屎唔臭你都一樣睇佢*唔起。鬼唔埋嚟咬你,你都一樣會驚。如果我哋能夠反轉呢個觀念噉就得嘞。夠膽埋嚟踏嚇佢吖。
  • 甲(埋去掂嚿屎):我掂咗喇。體驗到咩恐懼呀?練到啲咩咁巴閉呀?
  • Leon:若然係噉呢?
  • 甲:救命呀。
  • Leon:學嘢呢個時候嘞。呢位先生就係擺脫唔到傳統嘅觀念,所以一抆落去就死嘞。
  • 鐵膽(唔志在):旁門左道!
  • Leon(手揸電光炮):如果想練習點樣克服恐懼就要靠呢支電光炮。大家望一望,條引咁長,明知點著咗就有排先爆架。但係要你揸住佢呢就更大膽都拗底嘅,但係我唔舍佢㖞。 (點著條引,即刻爆,Leon俾推入急症室)
  • Leon:正話攞錯咗支超快速引爆電光炮,但係我淚都冇流過一滴,大家知我沙炮啦。訓練亦唔會因為小小嘅意外而中斷,家嚇繼續。 (將電光炮塞入口,點著條引,電光炮爆,Leon又俾推入急症室)
  • Leon:醫生話淨係爆哨咗我棚牙已經算係不幸中之大幸,但係我嘅傷勢眨嚇眼就變得咁嚴重嘅時候呢,再多次意外添就恐妨唔能夠再坐喺度教導大家,所以我嗱嗱聲將我嘅訓練嚟到升級,家嚇你哋要接受俄羅斯練膽大法嘅挑戰,我點著條引嘅時間呢就氹氹圈噉傳,睇嚇邊個唔好彩嘞。
  • 阿強(雙手抱頭,恐懼狀):我唔想好似佢噉呀。
  • 盧Sir:定啲!
  • 大孖(舉手):對唔住!壓力太大。我唔玩嘞! (大叫並行開)
  • (Leon拉響手雷,向大孖走嘅方向拋去,大孖的一隻腳被炸返嚟)
  • Leon:我拼條命嚟教導你哋,邊個夠膽走? !坐好。
  • (Leon點著條引,氹氹圈噉傳落去,走咗一轉,返番到Leon手)
  • 阿群(伸出手):快啲吖!快啲啦大佬。
  • Leon(陰陰笑):體驗到恐懼嘅可怕未呀?爆嘞㖞!畀你!
  • (好快又走咗一轉)
  • Leon:使唔使咁快呀? !
  • 甲:係噉快架嘞!揸住吖。
  • Leon:等等先。
  • 甲:到你呀,唔好詐詐諦諦。
  • Leon:我揾緊嘢。
  • 甲:吆!
  • Leon:等等先架都話。我欠你嘅咩家嚇? !等嚇都唔得?
  • 甲:吆!
  • (Leon戴住頭盔)
  • 阿群:到我啊,攞過嚟吖。
  • (幾人均被推入急症室)
  • 甲:你戴頭盔不得止重著埋避彈衣?你個冚家鏟!
  • 盧Sir:舐嘢,舐嘢。