Wq/tt/Гагауз мәкальләре

Гагаузлар - Молдавиядә яшәүче православ динле төрки халык.

Мәкальләр

• Бик хәйләкәр төлкенең борыны кулга эләгә.
• Әйләнгечтән юл туры.
• Теше төшкән кешенең бар белгәне коела.
• Кошына күрә койрыгы.
• Кыйналасы килгән ишәк таякка килеп ышкына.
• Урыныңны ничек җәйсәң, яткач шулай йоклыйсың.
• Талашып яшәгән кош кыска гомерле була.
• Үлгән аттан дага куптара.
• Чәнечкеле үләнгә кош кунмый.
• Намусны хезмәт көненә бирмиләр.
• Аты булса, иярләүче табыла.
• Ашыгыч өшкә иблис катыша.
• Бәхәсләшер өчен йодрык кирәкми.
• Алдына чыксаң — сөзә, артыннан барсаң — тибә.
• Әләкче булмаган җирдә ызгыш та булмый.
• Агач ботаксыз булмый.
• Тычканнарга үч итеп эскертенә ут төрткән.
• Тамчыга тамчы кушылып күлләр барлыкка килә.
• Күп артыннан куган кеше азыннан колак кага.
• Белемле кеше — дүрт күзле була.
• Җәен күләгәдә ятсаң — кыш кергәч ачыгырсың.
• Кемгә нәрсә кирәктер, тегермәнче җил көтә.
• Кашыгы белән ашын бирә, сабы белән күзгә төртә.
• Сарык тиресе күрсәтеп ач бүрене куркытма.
• Алдакчы бавына тотынып коега төшмә.
• Бер култыкка ике карбыз сыймый.
• Солы чәчеп бодай көтмиләр.
• Ике күз белән күргәнне сыңар күз күрә алмый.
• Кыш көнге бер чиләк көл — җәен ике чиләк ашлык.
• Бер сүз икенчене ача.
• Күп белсәң дә аз сөйлә.
• Арба аугач юл күрсәтә.
• Балык башыннан чери.
• Бер сарыктан ике тире тунап булмый.
• Карт ат үз койрыгын күрсә, мин колын дип куана.
• Арзан итнең ашы тәмсез.
• Утын бетсә, ут сүнә.
• Тамак та туйсын, ипи дә калсын.
• Кеше тавыгын каз итеп күрә.