Wq/tn/Yemisi Akinbobola

Yemisi Akinbobola in 2019

Yemisi Akinbobola ke mogwebi wa ditlhaelatsano wa kwa Nigeria, moithuti, le mofenyi-mmogo wa seetsele sa ngwaga wa dikete tse pedi lesome le metso e merataro se se bidiwang "CNN African Journalist Award 2016 mo metshamekong.

Dikinolo

• Ke eletsa go bona bobegadikgang mo mafatsheng a mangwe mo kontinenteng eno bo dirisa bokgoni jotlhe jwa maranyane a masha. Go na le dilo di le dintsi tse re ka di dirang ka dilo tse di jaaka boammaaruri jwa sebele le tshedimosetso - le fa go le jalo gore re kgone go sekaseka bokgoni jwa bobegadikgang jwa tshedimosetso ka botlalo, re tlhoka data e e bulegileng e e oketsegileng, le tiriso e e botoka ya Molao wa Kgololesego ya Tshedimosetso.
  • Yemisi a busiana le bobegadikgang jwa pampiri ya Guardian
• Ke kile ka bona banna ba leka go thusa mme ba feleletsa ba le pelotshetlha. Boammaaruri jo bo utlwisang botlhoko bogolo jang fa o le mosadi wa rakgwebo ke gore batho ga ba rate go go beeletsa ka gonne o le mosadi. Mme seo ga se a tshwanela go go thibela. Ke leka go bontsha bomorwadiake gore fa ba gola ga ba a tshwanela go letla gore bong jwa bone bo ba kgoreletse go dira se tota ba batlang go se dira.
  • Yemisi a buwa ka Mosadi wa Kgwebo le pampiri ya The Saturday Standard
• Katoloso ya tlholego ya tiro ya rona ke go tsenya letsogo mo katisong ya bobegadikgang mo Aforika, ka jalo re tla bo gape re tlhagisa didiriswa tsa katiso tsa mo inthaneteng tse di akaretsang mefuta e e farologaneng ya mafelo a a amanang le bobegadikgang jwa mo inthaneteng,
  • Yemisi o buile ka go atolosiwa ga bobegadikgang IQ4News
• Kopo e e tlhamaletseng go metswedi ya dikgang ya lefatshe lotlhe, segolobogolo ya Aforika, go bega ka dikgang tsa lefatshe lotlhe ntle le go tlhaola, jaaka tekatekano ya bong, setso le bong, mmogo le dikgang tsa tikologo le kagiso ya lefatshe lotlhe.
  • Yemisi a bulelela kgang ya tekatekano ya bong Sun News
• Ke akanya gore go na le potso ya go sekaseka gore re dira tiro ya bobegadikgang jang, ka sekai, go tlhoma mogopolo mo go lekalekaneng le go tlhalosa dintlha fela ga go a thusa seemo sa gompieno sa sepolotiki. Ga go sa tlhole go lekane go bua ka matlhakore oomabedi. Ka jalo, go ikanya ga go reye gore ga o a tshwanela go ikanya dintlha ka dinako tsotlhe. Mme go na le go le gontsi ka go se ikanye se metswedi ya tshedimosetso e se emelang.
  • Mogopolo wa Dr Akinbobola bobegadikgang ICIRN
• Morago ga matsholo a a tshwanang le #MeToo, le dikgotlhang tsa go sa lekalekane ga bong ya banna le basadi, mekgatlho e e tshwanang le African Women e botlhokwa mo go tsa ditlhaeletsano, e seng fela gore rona basadi mo metsweding re kgone go golagana le go tshegetsana, mme gore re kgone go simolola diphetogo.
  • Yemisi o ne a bua ka Africa Women Sun News
• Mo go rona kwa AWiM, Pitch Zone ke tsela ya rona ya go dira gore mafoko a rona e nne ditiro. Dipatlisiso tsa rona di bontsha gore gantsi mo diphaposing tsa dikgang go dirisiwa bong go lekanyetsa gore ke metswedi efe e e tshwanetseng go dirisiwa go kwala dikgang. Thuso ya go bega ke tsela ya rona ya go netefatsa gore basadi mo bobegadikgang ba na le tšhono ya go tlhagisa mofuta wa dikgang tse di tla ba nayang ponalo le kamogelo e ba e tshwanelwang.
  • Yemisi Akinbobola o buile kwa AWIM Economist