Wq/tn/Sierra Boggess

Sierra Boggess

Boggess ka ngwaga wa 2017

Sierra Marjory Boggess (yo o tshotsweng ka kgwedi ya Motsheganong e tlhola malatsi a le masome a mabedi, ka ngwaga wa 1982) ke modiragatsi wa bobogelo le seopedi sa Amerika.

Dikinolo

• "Re ka se latlhegelwe ke botaki mo dikolong. Ga re kgone fela. Nkabo ke sa aloga sekolo fa nkabo ke sena thulaganyo yame ya terama kgotsa thulaganyo yame ya mmino. Bokgaitsadiake ka bobedi ke diopedi.Nnake wa ngwanyana yo monnye o ruta mmino kwa sekolong sengwe kwa Afghanistan, ka jalo mmino o ne o le botlhokwa thata mo go rona rotlhe mo lelapeng la gaetsho fa re ntse re gola. Mmê o ne a ruta mmino le ene ka lobakanyana kwa dikolong. E nnile karolo ya botshelo jwame mme ga ke kgone go tlhaloganya gore ke jang kgetho ya go e ntsha mo dikolong. E thusa thulaganyo ya go tlhama thata—le bokgoni jwa dipalo, go ithuta go bolela ditshaeno tsa nako—tsotlhe di amana. Ke mmueledi yo mogolo wa mmino kwa dikolong. Go a makatsa mo go nna gore mongwe a tle ka mogopolo wa gore ga go a tshwanela go nna jalo. Gape ke tlhoile gore batho ba tshwanetse go tlhopha fa gare ga metshameko le mmino. Bana ba le bantsi ba tsena mo bobogelong kgotsa ba tsena mo metshamekong ka gore ba ne ba tshwanelwa ke go dira tlhopho mme ga ke tlhaloganye gore ke eng fa o sa kgone go dira dilo tse ka bobedi."
  • An Interview with Sierra Boggess (December 21, 2015)
• "Go tswa mo lefelong leo la go itse gore o fano ka boikaelelo; o fano ka lebaka; gore ga go ope yo o mo polaneteng eno ka phoso... Fa o na le seo jaaka diaparo tsa gago tsa ntwa, o ka iponatsa jaaka modiragatsi mme morago wa bona gore o tla ka eng mo phaposing. Ke lefelo le le siameng leo go nna mo go lone.Gape ke bolelela batho gore go botlhokwa tota go nna le keletso ya go diragatsa, mme gape le go iketleeletsa go dira tiro. Se ke se kayang ka tiro, jaaka ngwana mongwe le mongwe yo o eletsang go nna wa bobogelo jwa mmino a itse, ke go opela ka dinako tsotlhe; go tsena dithuto tsa go bina le go diragatsa; go dira dipuo tsa motho ka bowena mo kamoreng ya gago. Le fa e ka tswa e le eng, dira tiro mme o dire tiro e e tlhokegang ya go itirela le wena. Bona kalafi fa o tlhoka kalafi! Ke rata kalafi. Go a thusa thata go tsamaya. Jaaka badiragatsi, re bontsha mefuta e mentsi e e farologaneng ya motho, ka jalo a le wena ga o batle go sekaseka phodiso ya gago le go tlhaloganya botoka seemo sa motho?"
  • Sierra Boggess Discusses Her Upcoming UK Concert at Cadogan Hall (January 24, 2020)