Wq/tly/Azərboyconi yolon votə
Template:Wq/tly/Əlifbo Template:Wp/tly/Ko dəvom kardedə
A[edit | edit source]
- Abad kənd tüstüsündən bilinər.
- Abdalın qarnı doyunca, gözü qapıda qalar.
- Abır istəsən çox demə, Sağlıq istəsən çox yemə.
- Abırlı abrından çəkinər, abırsız nədən çəkinər.
- Avara qonaq ev yiyəsini də avara qoyar.
- Ağa gətirər navala, xanım tökər çuvala.
- Ağa Nəzərəm, belə gəzərəm, bir vuranda qırxın əzərəm..
- Ağac bar verəndə başın aşağı dikər.
- Ağac dibindən su içər.
- Ağac meyvəni dəyənə qədər böyüdər.
- Ağac olan yerdə budaq sınar.
- Ağac səmtinə yıxılar.
- Ağac sınanda budaq nəyə gərəkdir?!
- Ağac əyildi, sındı, igid əyildi, öldü.
- Ağacı qurd içindən yeyər.
- Ağalıq verimlədir, igidlik vurumla.
- Ağzı əyrini boynunun ardından tanımaq olar.
- Ağzına bax, tikə kəs.
- Ağzına çullu dovşan sığışmır.
- Ağzının qaytanı yoxdur.
- Ağlı olan məscidə getməz.
- Ağlı olan qışın qeydinə yayda qalar.
- Ağıl ağıldan üstün olar.
- Ağıl başda olar, yaşda olmaz.
- Ağıl çox-pul yox, ağıl yox- pul çox.
- Ağıllı baş hər şeydən mənfəət götürər.
- Ağıllı qəm yeyər, ağılsız qamçı.
- Ağıllı düşmən nadan dostdan yaxşıdır.
- Ağıllı olan bir dəfə aldanar.
- Ağır otur, batman gəl.
- Adam adam sayəsində adam olar.
- Adam aşını-işini bilməlidir.
- Adam var ki, adamların naxşıdır, Adam var ki, heyvan ondan yaxşıdır, Adam var ki, dindirərsən can deyər, Adam var ki, dindirməsən yaxşıdır.
- Adam var gözdən qızar, Adam var sözdən qızar.
B[edit | edit source]
- Bir napakdan qorun, bir də köpəkdən.
- Bir tikəni bilməyən, min tikəni də bilməz.
- Bitmiş işdən gül iyi gələr.
- Bığdan götürüb, saqqala qoyur.
- Boyunduruq bilir, öküz nə çəkir.
- Bol çörəyin yoxdur, şirin dilin olsun barı.
- Boşdan bir çıxar, bərkdən iki.
- Boş çanağı vurur dolu çanağa.
- Böyük danışanda kiçik danışmaz.
- Böyük danışanı kiçik götürər.
- Böyüyə hörmət vacibdir.
- Böyüyün sözündən çıxmazlar.
- Böyük sözünə baxmayan baxımsız qalar.
- Böyük tökəni kiçik yığar.
- Bu arxa bir su gəlib, ümid var bir də gələ.
- Buğdadan, arpadan əlim üzüldü, ümidim sənə qaldı, ay darı xırmanı!
- Buğda göstərir, arpa satır.
- Buğda çörəyin yoxdursa, buğda dilinə nə gəlib...
- Bu dünyada şirin şey bir anadır, bir vətən.
- Buynuzsuz qoçun qisası buynuzlu qoçda qalmaz.
- Bu günün işini sabaha qoymazlar.
- Burda mənəm, Bağdadda kor xəlifə.
- Bu uşaqlıq deyil, şıltaqlıqdır.
- Bülbülü saldılar qəfəsə dedi: "Ay vətən, ay vətən", buraxdılar, qondu tikan koluna, dedi: "Can vətən, can vətən"
C[edit | edit source]
- Camal gedər, Kamal gələr.
- Cavan baş bir çanax qandır.
- Cavan işlər, qoca dişlər.
- Cavanlıq bir dəfə olar, qocalıq da bir dəfə.
- Cavanlıq gözəllikdir, onu boyamaq artıqdır.
- Cavanlıq soltanlıqdır, bacarsan saxla.
- Cavanlıqda qocalığa güc saxla, pullu gündə pulsuz günə pul saxla, savaşanda barışmağa üz saxla.
- Cavanlıqda zəhmət çəkən, qocaldıqda möhnət çəkməz.
- Cəfa çəkməyən səfa görməz.
- Cəhrə əyirsən don yiyəsi olarsan.
- Cücəni payızda sayarlar.
D[edit | edit source]
- Dalaşanda barışmağa üz saxla.
- Dəvə yaxını otlar, uzağı gözlər.
- Dəmir sürtüldükcə parıldar.
- Dözən döş yeyər.
- Dost dosta tən gərək-tən olmasa gen gərək.
- Dost dostu dar gündə sınayar.
- Dostsuz insan qanadsız quş kimidir.
E[edit | edit source]
- Elm ağılın çırağıdır.
- Elmin gücü, yıxar bürcü.
- Ev alma, qonşu al.
- Ey öz-özünü bəyənən, qoy səni el bəyənsin.
- El ağzını bağlamaq olmaz.
- El ağzı faldır.
- El arxası çəmən olar.
- El atan daş dağdan aşar.
- El atan daşa güc düşməz.
- El tutanı ər tutar, Ər atanı el atar.
- El qapısı həm gec, həm güc açılar.
- El bir olsa zərbi kərən sındırar.
- El dəlisini çölə atmaz.
- El elə sığışar, ev evə sığışmaz.
- El elin aynasıdır.
- Elə arxalanan igidin, arxası yerə dəyməz.
- Eli dağlamaq olmaz, Ağzın bağlamaq olmaz.
- Elimə qalsın, günümə qalmasın.
- Elin eybini saxlamayan, sənin də eybini saxlamaz.
- Elin gözü sərraf olar.
- Elin gücü bir olsa, düşməni dara çəkər.
- Elin oğlu yumurtaya qulp taxar.
- El keçən körpüdən qorxma, sən də keç.
- El köçdü, oba qaldı.
- El gözündən düşən boy atmaz.
- El gözündən düşən gözsüz qalar.
- El gücü, sel gücü.
- El gücü, yel gücü, sel gücü.
- Ellərə gülən canım - indi olub el gülüncü.
- El oğrusuz, çöl qurdsuz olmaz.
- El öz dəlisini tanıyar.
- El sevəni aləm sevər.
- Elsiz dağ viranədir.
- El tikəni yel yıxa bilməz.
- El harda, sən də orda.
- El çalan zurnanın səsi uzağa gedər.
Ə[edit | edit source]
- Əvvəl zəhmət çəkən sonra rahat olar.
- Əkəndə yox, biçəndə yox, yeyəndə ortaq qardaş.
- Əkiblər yemişik, əkərik yeyərlər.
- Əldən qalan əlli il qalar.
- Əməksiz yemək olmaz.
- Ətə pul verməz, küftənin böyüyündən yapışar.
- Əmək qızıl bilərzikdir.
F[edit | edit source]
Ğ[edit | edit source]
H[edit | edit source]
- Haca gedən gəldi, saca gedən gəlmədi.
- Həcdən gələn mən, Məkkədən xəbər verən sən?
- Halva-halva deməklə ağız şirin olmaz.
- Hirsli başda ağıl olmaz.
- Hamıya it hürər, mənə də çaqqal.
X[edit | edit source]
I[edit | edit source]
İ[edit | edit source]
J[edit | edit source]
K[edit | edit source]
Q[edit | edit source]
L[edit | edit source]
M[edit | edit source]
N[edit | edit source]
O[edit | edit source]
Ö[edit | edit source]
P[edit | edit source]
R[edit | edit source]
S[edit | edit source]
Ş[edit | edit source]
- Şabalıtdan yağ çıxmaz.
- Şabaşını vermişik.
- Şadlığına şitlik eləyir.
- Şair gördüyünü yazar.
- Şair sözsüz olmaz.
- Şayiə hər yanı gəzər.
- Şalbanın bir ucu sənin çiynindədir.
- Şam başından yanar.
- Şam dibinə işıq salmaz.
- Şam yanar, şölə çəkər...
- Şam yanmasa, başına pərvanə dolanmaz.
- Şam kimi əriyib.
- Şamdan soruşdular: -İplik yanır, sən niyə əriyirsən?
- Şam dedi: - Dad rəfiq əlindən! Rəfiqim yanır, mən də əriyirəm!
- Şamaxıda danışır, Bakıda eşidilir.
- Şahla plov yemirəm ki, bığım yağa batar.
- Şahsənəm oğlan doğub!
- Şahin ilə dəvə ovlamazlar.
- Şeytana papış tikir, başına da deşik qoyur.
T[edit | edit source]
- Tənbəl deyər: ver yeyim, ört yatım, gözlə canım çıxmasın.
- Tənbələ iş buyur, o sənə nağıl danışsın.
- Tənbəllik azar artırar, işləmək canı saf eylər.
- Torpaq deyər: "Öldür məni, dirildim səni!"
- Taylı tayın tapmasa günü ah-vayla keçər.
- Tək əldən səs çıxmaz.
U[edit | edit source]
- Uzaqdan baxana döyüş asan gələr.
- Uzaqdan zurna səsi xoş gələr.
- Ustadına gəc baxanın gözlərinə qan damar.
- Usta görməyən şagirdin gözü əllərdə qalar.
- Uşağa iş buyur, ardınca yuyur.
V[edit | edit source]
- Vəl gərək gözəl döyə, gözəldən buğda çıxa.
- Vətən viranə də olsa, məsəldir, məhz cənnətdir.
- Vətəndən ayrı ayrı düşsəm, viran ollam, talannam.
- Vətən həsrəti çəkdim, gözlərimə qan gəldi.
Y[edit | edit source]
- Yalançının evi yandı, heç kəs ona inanmadı.
- Yanan yerdən tüstü çıxar.
- Yazda çalan qışda oynar.
- Yeddi ayda bir qarış, bir ayda yeddi qarış.
- Yeməyə kömək, işləməyə də kömək.
- Yeməyin qulu, işləməyin xəstəsi.
- Yüyürək at özünə qamçı vurdurmaz.
- Yüz sənəti pis bilməkdənsə, bir sənəti yaxşı bilmək yaxşıdır.
- Yorğanına bax, ayağını uzat.
- Yeməyini yalqız yeyən yükü özü qaldırar.
- Yetim əlində qoğal əcaib.
Z[edit | edit source]
- Zəhmət batmaz.
- Zəhməti bülbül çəkər, gülü qucar xar.
- Zəhməti meşşatə çəkər, ləzzəti damad aparar.
- Zəhməti sevən işdən doymaz.
- Zəhmət çəkməyən bal yeməz.
- Zəhmət çəkməyən rahatlığın qədrini bilməz.