Wq/shi/Willi zirinin

1 - 30

* Awi tayafut ɣ dar war tayafut.

* Cckcm t id, ad k inn issufɣ.

* Ur jju wama yan as intln d yan tt isummrn, ula jju wama yan tnt ikrzn imgr tnt.

* Wanna ikkatn tammara, ar t ikkat ka f ugayyu nns.

* Aytmatn ad tn igan, iɣ munn f tid mmimnin, ula tid ṛẓagnin.

* Amarg ar ittaɣ awal.

* Wanna iran aɣrum, ar yaddra tafanrut.

* Ur tgi tirmt ma ittawin bnadm dar wayyaḍ yaḍnin, acku algmaḍ ka ad izzigizn f udis nns.

* Iɣ tskrt afulki ɣ inmɣuṛn, rad k ssimɣurn; iɣ tskrt afulki ɣ wad imẓẓiyn, rad k issimẓi.

* Aẓkka (lbni) lli ur isdan s wayyaḍ, ar d iṭṭaṛ; wanna ur isdin s aytmas, immut.

* Ur ar ittiẓay waggʷa (lḥml) iɣ srṣ gan mddn mnnaw, acku tammara iɣ srṣ gan mddn mnnaw tfssus.

* Mqqar icfl yill arkiɣ a nn ikkat ɣ wis sa yignwan, ur iẓḍaṛ a ibḍu lmcbuḥ d tzrzit, ula rad isngiri lxatm d iḍuḍan.

* Tiɣzi n uzmz ad k id issfraɣn issknawn a aɣanim, da d tcqqu tamunt n mnaw, iɣ gis ur illi ma ittlwaḥn ɣ idrarn.

* Iɣ iga ubzg n uẓṛf kra s ad t id tettamst, ar ka gis itfuyyuɣ wannas.

* Afa ur ar d iffal amr iɣd.

* Wanna ittazzaln, ar ittazzal ka i ugayyu nns; ad kn akkʷ bahra ur tssumr tazzla ann, acku anck nna s iɣli yan, a s ar d iṭṭaṛ.

* Ḍyid d tillas, tawargit ad gisn myarn mddn; d iɣ llant tillas, yili ḍyid, ar jllun iɣarasn.

* Cqqan iriyn n kra ɣ tmɣarin, icqqu ad tsmunt ilgmaḍn ɣ yat tawlkt.

* Ar ttinin: "Mani d srk kkan iklyan?", inin as: "inkan".

* Bu yat tiṭ ur ar iggan ɣ walim.

* Wanna ur igin argaz ɣ tmazirt nns, ur a t sar ig ɣ mani yaḍnin.

* Kra iga tt tixsi tettyagal s uḍaṛ nns.

* Kra ka s a ttinit i "wacc", ittini "tittit nn kiyyin nit".

* Iɣ tsɣit amaynu, awi tt ɣ uqdim.

* Aydi nna ittaɣn, ur ar ittbbi.

* Lalla Faḍma tcca tagʷlla, tṛẓ tikint, ur as iẓẓiḍiṛ da Muḥmmad iṛẓ aɣyul nns.

* Argaz iga zun d azrg, ar iẓẓaḍ tid ṛẓagnin ula tid mmimin.

* Aynna tkrzt, tmgrt t.

* Wanna yut ufus nns, ad ur yalla.

31 - 61

* Kullu tamaḍunt tla asafar nns.

* Tammara ur tugi lḥcma.

* Wanna yukin f wayda nnk, inɣa t uzrf.

* Ass mqqurn ɣ dar tmɣart, iga t wass n tmrɣa n tarwa nns.

* Utin wussan tifullusin.

* Timillut ar tssinif takma (gar).

* Man lɛcuṛ rad ifk wanna mi ijdr unrar?

* Yan f ittut gar azmz, ad issn sul ur ar allan; yan f ittut gar zman, iẓẓiḍṛ, ar zrayn wussan.

* Ibikks uslawi s txsayt, ur d tirmt, ur d taṭfi, ur d lfayt.

* Awi lfayt dar war lfayt.

* Rad ixlf Ṛbbi f targant, ur rad ixlf f ɣwalli tt ibbin.

* Tiɣzi n uzmz ad issaqran i yan talluḥt nna ur iɣri.

* Mta d sul llant tuctal, ur rad ilin ɣwilli frsnin.

* Ssuq izwarn s "Mbark", ad as ukrn awlk.

* Mad sul ikttin tagʷlla ass n lɛid.

* Taṛbiyyt isɣawsa t yan mqqar yiwsr.

* Hann ad ur iqnd yan ɣ tamla n Ṛbbi.

* Adis yugan ur as tgi amr gar taglla ad t tetkar.

* Gar taglla ur as igi abla gar aɣɣu.

* Afgan ixṣṣa ad sar ur ifrṛḍ ɣ imarawn nns, acku nttnin d igan tasarut n ufulki.

* Dunit ur ar tssfṛaḥ.

* Iṛwa yan iẓẓaḍn awal, issifif t, fhmn t.

* Icwa yan ad t yawi wasif, macc ad d urrin afad ad bdda kttin iẓṛan lli t ibrrin.

* Tmrɣa ad iṭṭamẓn islm ɣ wanɣa.

* Kullu ma ibbin tilmct s ufus nns, ur srs iri amr s imi nns.

* Iɣ ur irẓi ixf, ijji ur ar iqqay awal; imma iɣ irẓa ixf, ijji kra s tnnit yumẓ t.

* Aqaṛiḍ n ddunit d uẓṛf n ddunit ur t smman abla s irkan n ddunit.

* Izri kra, ɣ wuḍm n kra.

* Iɣ rad ittini yan, ar ittini "A t iḥfḍ Ṛbbi ɣ twiɣa n dunit".

* Iɣ yad tsɣit amaynu, ar tetthllat ɣ uqdim, acku bnadm ur issin ma d tettawi tizi.

* Wanna iẓṛan axʷccan, ad t isitti s ufus nns; iɣ as ur izḍaṛ, s yils nns; d iɣ as ur izḍaṛ, isitti t s wul.

62 - 90

* Talluḥt n id babas ad issaqran yan, ur d gr imxlawn.

* Mun d umarazgi (usɛdi), tgt amarazgi; mun d wacc, tgt acc.

* Izwar d swingm sawl.

* Yan dar ilul ufrux izwarn issaɣ as Muḥmmad.

* Wanna tt irwin, iḥlb t.

* Wanna igran is icca, illɣ aruku (afcku).

* Yuf yan ak imlan, yan ak ifkan.

* Asif ur ar ittawi ayslad (abla) ɣwalli t ittarmn.

* Afus lli bdda yakkan, ur sar iṛmi; imma wanna ittamẓn, ur sar iṛmi.

* Yat s yat, ur d yat f yat.

* Wanna iṭṭaṣn, ur akkʷ sul issin is rad sul inkr.

* Wanna iṛmin, yamẓ tiɣmrt, ad ur iḍṛ.

* Ṭajin n tmitact d tẓalimt, yuf tajin n tfyyi.

* Tillas gant bdda tillas, d tafukt tga bdda tafukt.

* Yan d ur yiwin imnsi i tawja nns ɣir iɣama nn ɣilli d ikka.

* All aẓṛu ar afla, ilkm d gʷmas.

* Tallubant n bnadm, iga t ul.

* Wanna mi tmmut inas, iɣama d babas iga amsmun n tmɣarin.

* Afulki iga bdda win id bab nns.

* Akud n uṣmmiḍ, cci s yan tgnm s mnnaw; d usru n trɣi, ccim s mnnaw tgnt s yan.

* Ɣinna ikka bnadm, ikk t usklu nns.

* Tazzant ur yallan, ur ar tt tettasi mas.

* Awal ad igan argaz, imma tamart ila tt nit unkur, ccin t wuccan.

* Llan irgazn, ilin ingaẓn; ilint tmɣarin, ilint tmɣiyyrin.

* Iga kra tagat s kra.

91 - 110

* Tddr taddagt ɣ imi n trga, maɣ as yalla.

* Yan ittɣawaln ajjbir, ar t gis ikkat uglzim.

* Ur illi uṣunfu ɣ ddu usawn.

* A yan warraw iɣ d luln dar mas, a ɣ ar ttilin.

* Aẓṛu n tmazirt a s ar ibnnu yan.

* Iẓṛan lli s k kkatn middn, a s rad tbnut aɣbalu.

* Tgn tazlaft, tnkr tsila nns.

* Afus iqqayn ur ar yakka. .

* Wanna mi d ikka babas agdz, ar as takka mas inɣmissn.

* Lḥbaqt ur ar tettini jjiɣ.

* Ur ar talla mas n umrwal.

* Yuf a talla mas, ad talla inna.

* Aydi nna ittaɣn, ur ar ittbbi.

* Argaz iga t walli d iṭṭayyn adif sɣ tzdyin n taruct.

* Tagrst ijjan, ad iskarn awilan ijjn.

* Ur illi kra bla kra.

* Sksu iɣ as ur tbikkst, ur rad t id ɣlin iraggʷn.

* Walli ignn ɣ umalu iɣ trɣa tfukt, rad t yaɣ uṣmmid ɣ tgrst.

* Imik s imik a s ar ikccm ulɣm agdur.

111-140

• A taɣawsa n zzrb niɣ tiram n tillas ur ar bahra ittnjaḥ wanna tnt iccan.
• Yan s tnnit ur ar islum, tfkt as aggʷrn.
• Yan mi d iɣli waḍu nns, ar izuzzur.
• Asunfu ur ar ittṛẓẓa iɣsan.
• Trit ad tt ukan tẓẓut, tɣlit tt.
• Gar tagʷlla, ar as d ittawi Rbbi gar aɣɣu.
• Ign wuccn ar t tlddimt a tili s uḍaṛ.
• Yan ukan sik ittṣṣan, a ɣ yaggug laman.
• Ssugt tn a Rbbi ad njmɣ.
• Inna as ulgmaḍ: iɣ ggutn ad ffɣaɣ
• Yan mi tlla tins dar mddn, mrurdn nit.
• Imikk ad tettgga lhint.
• Ayt mnaṣ ur ar ttẓin.
• Ddunit n Rbbi ayad, ar tzggʷiz, sr tssaqlay.
• Argaz war tarwa, man asdrm nns.
• Imassn s fad ifassn
• Ur ar ttiɣzifnt tuga iɣ laḥ aman, ur ar ttiɣzifn tiddukla iɣ laḥ lmal.
• Ur sar ijjawn bnadm ddunit.
• Ur ar ittlaḥ iḍan iɣ idda miḍṛuṣ ard ilin.
• Ml as, ml as, iɣ yugi, txxat as.
• Iɣ idda waydi nnk ard k ittaɣ, tissant is ar ictta ɣ kra n mani yaḍnin.
• Iɣ tḍfṛt izan, rad k awin s tajjlixt.
• Iɣ trit ad tissant uccan, tskrt is tgit alqqaɣ.
• Afullus iɣal bdda is d aɣuṛi nns ad ittalln tafukt.
• Tfrs tallunt, tṛẓm i waggʷrn, tamẓ ilammn.
• Iɣ trit ad taft aɣaras, ixṣṣa ad zwar tjlut.
• Yan ur ttaɣn iḍan, ur igi uccn.
• Inna bu Mḥnd lliɣ fllas iḍṛ usksu: Tifawt ur tgli, imi ur ta t ufiɣ.
• Tuf tfullust inu, tafunast nnɣ.
• Uccn da igan uccn ar tt inqqa yasi tt, imma bakkn iɣ t yad inɣa ar as issutul.

141-170

• Tikṣṣaḍ ad izizziln aɣyul ard izwur agmar.