Wq/sah/Тыл

From Wikimedia Incubator
< Wq‎ | sahWq > sah > Тыл
Jump to: navigation, search

Тылга сыһыаннаах өс хоһоонноро[edit]

  • Аҕыйах тыл минньигэс, элбэх тыл сымсах
  • Киһи тыла – ох
  • Киһи тыла уоттааҕар абытай
  • Кыһыл тыл - байҕалы оломнуур.
  • Тыл барда – бас барда
  • Үтүө ат биир кымньыылаах, үтүө киһи биир тыллаах
  • Үтүө тыл баайдааҕар күндү
  • Эппит эйэҕэс тылыҥ үтүөнэн эргиллэн кэлиэҕэ.
  • Элбэх тылтан элбэх сыыһа тахсар.
  • Эр киһи тыла биир
  • Эн эппэтэҕиҥ – таҥара эппитэ буоллун

Сомоҕо домохтор[edit]

  • тыл ааҕыс
  • тыла айаҕар баппат, атаҕа суолга баппат
  • тыла бара турар
  • тыла бөлүөһүннэ (булдьуйда)
  • тыла кыһыйар
  • тыла өҕүллүбэт
  • тыла-өһө тобуллар
  • тыла өһүлүннэ (сөлүннэ)
  • тыла суох барда
  • тыла суох ыыт
  • тыла тарпыт
  • тыла тахсыбат
  • тыла тиийэр
  • тыла уҥуохтана илик
  • тыла уһуктаммыт
  • тыла халыҥ
  • тылбай-өспөй буол
  • тылбытын аҥардаһыах
  • тылга иҥнэр (түбэһэр)
  • тылга киллэр
  • тылга олорт
  • тылгар тур
  • тылга тиис
  • тылгын тылбыылаа

Хоһоонтон быһа тардыылар[edit]

  •  

Сүүрбэһис үйэ муммут
Куһун оҕотун
Санатар ийэ тылын
Сүтэрбит киһи.

  Умсуура
  • ***
Тэйэ-тэлэһийэ, ыраата түстэрбин эрэ,
Атын дойдуга, атын эйгэҕэ өөр буолларбын эрэ —
Соҕотох тылбын, төрөөбүт тылбын бүтэйдии ахтабын.
Сахалыы сыыйа, наллаан сэһэргэһии минньигэһин,
Урааҥхайдыы уран, уус тыл уйанын, хатанын,
Ийэ тыл эккэ киирэн ититэрин, имэҥирдэрин
Санаан кэллэрбин эрэ — санньы-курус уостабын, умуллабын.
Майгым-сигилим маратыйа уларыйар.
Ыарыы суоҕар ыарыы ынчыгынан тыынабын.
Тылбын, төрөөбүт тылбын, сахалыы саҥабын суохтуубун.
— Сиэн Кынат
  • Куту-сүрү кууһар тылы,
  • Сүрэхтэри аһар тылы,
  • Иэйии буолан иҥэр тылы
  • Ис дууһаҕын аһан саҥар.
— К.Васильева

Тыл туһунан бэргэн этиилэр[edit]

  • Өскө төрүт тылгын умнуоҥ -

Өнүйбэккэ ииниэҥ - хатыаҥ, Силис тардыах сиргин тумнуоҥ - Симэлийэн сүтэн барыаҥ. (Семен Руфов)