Wq/sah/Саха өс хоһоонноро

From Wikimedia Incubator
< Wq‎ | sahWq > sah > Саха өс хоһоонноро
Jump to: navigation, search

А[edit]

  • Аан дойдуга туохтан да үчүгэй эйэ, туохтан да куһаҕан иҥсэ.
  • Аан дойду ахтылҕаннаах, бар дьон санабыллаах.
  • Аан дойду дьонун ат гынан мииммит, орто дойду дьонун оҕус гынан көлүммүт.
  • Аат бөҕө алдьанна, сурах бөҕө сууйулунна.
  • Абааһы аһаабыт сириттэн арахпат.
  • Аҕыйах тыл минньигэс, элбэх тыл сымсах.
  • Аҕам киһи санаата улуу сыһыы уҥуоргу өттүн туоруур, дьахтар санаата аһын саҕатын ааспат.
  • Аҕал диэтэххэ, антах хайыһар, ыл диэтэххэ, ымах гынар, кулу диэтэххэ, курус гынар, мэ диэтэххэ, мичик гынар.
  • Айаҕын абатын, тумсун тууһун.
  • Айан киһитэ аргыстаах, суол киһитэ доҕордоох.
  • Арыы киһитэ алаа, хаарты киһитэ харалҕан.
  • Арыгыттан алдьаммыт, испииртэн иэдэйбит.
  • Арай хаарга үктэммитэ кырдьык.
  • Ат сүүрдэҕинэ ыт хаалбат.
  • Ат күрүөнү намыһаҕынан көтөр.
  • Ат көһүннэҕинэ ыҥыыр көстүө, быһах көһүннэҕинэ кыын көстүө.
  • Атаҕастыыбын диэн атаххыттан ыллараайаҕын.
  • Атас туһугар атах тостор.
  • Аттаах ойбоно, сатыы тайаҕа.
  • Аттаах хонуга, сатыы өйүөтэ.
  • Аттаах сатыыны кытта аргыстаспат.
  • Атырдьах маһын хайа тардыспыттар.
  • Акаары ахсым, киһиргэс киэбиримтиэ.
  • Акаары төбө атаҕы иллэҥ оҥорбот.
  • Аһаан баран атаһын ахтыбыт диэбиккэ дылы.
  • Алгыс баһа сыалаах, кырыыс баһа хааннаах.
  • Албын киһи үс күлүктээх дииллэр.
  • Албын тыла мүөттээҕэр минньигэс.
  • Албыннаабакка сатаан атыылыан суоҕа.
  • Албан ааттаах, суон сурахтаах.
  • Албан аат, суон сурах түргэн кынаттаах.
  • Алдьатыы дөбөҥ, оҥоруу уустук.
  • Аччыгы аһат, тоҥмуту ириэр.

Б[edit]

  • Баартан туһаныллыбат буолуллубат.
  • Баар хаалбат, мал холлубат.
  • Баайыллан маҥан ат ылыаҥ суоҕа.
  • Баскынан тур, атаххынан тур.
  • Барыам диэн маскын бараама.
  • Бараммыт баһыллыбат, тохтубут туолбат.
  • Барбат киһитигэр барбат, биэрьэт киһитигэр биэрбэт.
  • Балык уу дириҥэр, киһи олох үчүгэйигэр талаһар.
  • Балык уудириҥин былдьаһар, киһи күн үтүөтүн (батыһар) көрдөһөр.
  • Балык ыамнаах, киһи күннээх
  • Баай оҕото бардам, тот оҕото дохсун
  • Баһа суох маанымсык, төбөтө суох үтүөмсүк
  • Баҕалаах баҕанаҕа ыттар
  • Баҕа силэ байҕалга баҕалаах
  • Баҕа бэйэтин бадараанын хайгыыр
  • Биир сымыыт ханна сытыйбатаҕай, уол оҕо ханна төрөөн өлбөтөҕөй
  • Биир мас аҥаара - таҥара маһа, аҥаара - күрдьэх маһа
  • Биир киһи - барыбыт туһугар, барыбыт - биир киһи туһугар
  • Биир мэник сүтэрбитин сүүс көссүө булбат
  • Бил баһыттан сытыйар
  • Биһикпин ыйаабыт сирим
  • Биэс уон икки күлэр эмэгэт кулута
  • Биэрэрин бэскэ ыйаабыт, уунарын умнан кэбиспит
  • Биэрэрин биэс тарбаҕыттан быстар кэриэтэ саныыр
  • Бодорустахха бодоҥ биллэр, кэргэннэстэххэ кэмэлдьи биллэр
  • Быа синньигэһинэн быстар, быһах угунан тостор
  • Быар быһаҕас, түөс тоһоҕос
  • Быаргын тарбаама
  • Былыр күөс хоруота өҥөлөөхпүн диэбиккэ дылы
  • Былыргыны былыт саппыт, ааспыты ардах сууйбут
  • Быһах угун кыстыммат, суор хараҕын оҥуспат
  • Быт сиэтэҕинэ - тарбаныллыа
  • Бытыгын быһа үктүөр диэри өйдөммөтөх диэбиккэ дылы
  • Буор уйбат буруйдаах, сир уйбат сэмэлээх
  • Буруй эрэ Моттойоҕо диэбиккэ дылы
  • Буруолаах буруолааҕы муҥа суох саныыр
  • Бүргэһи хабахха хаайбаккын
  • Бэлэһигэр биэс иннэлээх
  • Бэйэ алҕаһын бэйэ билиммэт диэбиккэ дылы
  • Бэйэ тыыныгар бэйэ өһө суох

Д[edit]

  • Дойду сурахтаах, алаас ааттаах

Дь[edit]

  • Дьадьайан баран баайгын кэпсээмэ, кырдьан баран күүскүн кэпсээмэ
  • Дьахтар санаата аһынааҕар кылгас
  • Дьахтар уруута амарах, эр киһи уруута таһарах
  • Дьиэм кэннин көрүмүнэ өллүм диэбиккэ дылы
  • Дьол хараҕа суох
  • Дьонноох киһи тутайбат
  • Дьүһүнүн көрөн киһини сэнээмэ
  • Дьыала сытыйбат

И[edit]

  • Иирии икки итирии икки аҕас-балыс
  • Иитиллэргэ тэриллибит ийэ сирим
  • Икки атахтаах эриэнэ иһигэр, көтөр эриэнэ таһыгар
  • Икки ардыларыгар уу тэстибэт дьоно
  • Иннин тымтыктанан көрбүт суох
  • Инчэҕэй тирбэҕэ быстыбат
  • Илдьэ барар идэм, кытта төрөөбүт кыдьыгым, бииргэ кэлбит мэнигим
  • Иҥсэтэ бэйэтинээҕэр улахан
  • Иһигэр былас муостаах киирбит
  • Итирик киһи бөрөтөөҕөр кутталлаах
  • Итириккэ муора тобугунан, халлаан хабарҕатынан

К[edit]

  • Ким үлэлээбэт, ол аһаабат
  • Кимиэхэ хойуу, кимиэхэ убаҕас
  • Киһи айаҕын саба туппаккын
  • Киһи буруйа ааспат - халлаан халлаан түргэнник көнөр
  • Киһи да сүөһү да айаҕынан
  • Киһи тыла – ох
  • Киһи иккитэ төрүөбэт
  • Киһи итэҕэһигэр төрөөбүт киһи
  • Киһи тыла уоттааҕар абытай
  • Киһи аан дойдуга биирдэ төрүүр
  • Киһи кэмнээх, балык ыамнаах
  • Киһи хараҕа туохха да туолбат
  • Киһи хараҕа иинин буоругар эрэ туолар
  • Киһи үйэтэ аттаах киһи түннүгүнэн элэс гынан ааһарын курдук
  • Киһи кэпсэтэн, сылгы кистэһэн, ынах маҥыраһан билсэр.
  • Киһи сырыттаҕына сырыттым диир
  • Киһи санаалаах, туу сүрэхтээх
  • Киһи өллөҕүнэ үтүөтэ биллэр
  • Киһини үлэ киэргэтэр
  • Киһиргиибин диэн кирсин быстаарай
  • Киһиргээн кэтэҕэ тулларын кэрэйбэт
  • Киэҥ үрэх чэлгиэннээх, уһун үрэх уорааннаах
  • Киэҥ көҕүс кыараата, уһун санаа кылгаата
  • Киэһээҥи аһыырдаах киһи чугаһаабат киһитэ
  • Кыһалҕа кыһыл кымньыылаах
  • Кыһалҕа таһыйара талахтааҕар сытыы
  • Кыра да кыһарыйар
  • Кыра киһи кыһалҕаны билэр
  • Кыраҕа кыһаллыбат, улахаҥҥа уолуйбат
  • Кыталык кынатын төбөтүгэр кыырпахтааҕар дылы
  • Кырдьаҕас ыт сымыйанан үрбэт
  • Кырдьаҕас киһи сүбэтэ дьолго тиэрдэр
  • Кырдьаҕастан алгыһын ыл
  • Кырдьаҕастан алгыһын ыл, эдэртэн эйэтин ыл
  • Кырдьаҕаһы матаҕаҕа хаалаан сылдьан сүбэлэтиҥ
  • Кырдьаҕаһы хааһахха хаалаан сылдьан сүбэлэт
  • Кырдьык ууга да тимирбэт, уокка да умайбат
  • Кырдьык хаһан да кыайа турар
  • Кырдьык үрдүгэр сымыйа ыттыбат, арыы үрдүгэр уу дагдайбат
  • Кырыыс баһа хааннаах, алгыс баһа арыылаах
  • Кыыс оҕо ырыатыгар кыттыспыт, уол оҕо тойугар холбоспут
  • Кыс хаар ортото кыталык этинэн сүрэхтэппиккэ дылы
  • Кыыһыр да, доҕоор, оннооҕор халлаан тыалырар
  • Көтөр өҥүнэн, киһи өйүнэн
  • Көтөр кынаттаах көтөргө, киһи дьолго ананан айыллыбыттар
  • Көҕөн көттөҕүнэ көппөх оргуйар
  • Көҕөнү тутаары чөркөйтөн маппыт
  • Көҕүлүн илбийэр, кэтэҕин кэрдэр
  • Көбүөхтүүрүн аанньа күөх киһиргэс
  • Көрдөөбүт көһүйэ көмүһү булар
  • Көмүс харчы күүстээх, эттээх ат эрэмньилээх
  • Куһаҕан киһи кулгааҕа кутуругун төрдүгэр
  • Куһаҕан киһи көрбүтүнээҕэр үчүгэй киһи сэрэйбитэ ордук
  • Куһаҕаны доҕордоспут куһаҕаҥҥа тиксибэт буолбат, хотоҥҥо киирбит саахха биһиллибэт буолбат
  • Кулуннаах биэ курдук куодарыһаллар
  • Кулгаах хаалыа, муос үүнүө
  • Кулгаах ырааҕы истэр, харах чугаһы көрөр
  • Кутургуйаҕа бэл бухатыыр айа диэбит үһү
  • Кутургуйа талбытыгар тахсар, тойон талбытынан дьүүллүүр
  • Куттамсахха турбут барыта тойон
  • Куттас бэйэтин күлүгүттэн куттанар
  • Куттас үйэтигэр сүүстэ өлөр
  • Кус түспэтэх уута суох
  • Кэччэгэйтэн кэлтэгэй хамиыйахаах басыһар
  • Күлүгэр ырдьыгынаабыт ыкка дылы
  • Күнүм буолла: күөнэҕим таҕыста
  • Күнүм буолла: күөрэгэйим ыллаата
  • Күнүм туолла, кэмим-кэрдиим кэллэ
  • Күнүҥ иннигэр өлбөккүн
  • Күнүүлээтэххэ түүн уһун, көһүттэххэ күн уһун
  • Күнэ да күөнэҕэ да буолбут
  • Күн киһитэ көмүскэс, айыы киһитэ аһыныгас
  • Күн сири сырдатар, үөрэх - киһини
  • Күн сирэ күндү
  • Күн аайы эбиллибэт билии көҕүрүүр
  • Күн туллара, күһэҥэ быата быстара буолла
  • Күрүөтэ суох окко киирбит
  • Күөскүн эрдэттэн өрүнүмэ
  • Күөх далай, хара тыа иччитэ суох буолбат
  • Кэччэгэй кэриэһэ суох
  • Кэбирэх мастан үөн арахпат
  • Кэтэһэн-кэтэһэн кэлтэгэй буолбут, манаһан-манаһан маҥаас буолбут
  • Кэтээбитэ кэргэнэ, манаабыта балаҕана
  • Кэһиллибэт кэс тыл

М[edit]

  • Маҥнайгы үрүүмкэни киһи иһэр, иккис үрүүмкэ киһини иһэр
  • Мөккүстэххэ, кырдьык көстөөччү
  • Мутугунан быраҕар муҥур үйэ
  • Муҥ маһы кэрийбэт, дьону кэрийэр
  • Муора тобугунан, халлаан хабарҕатынан
  • Муус ураҕаһынан үүрбүт
  • Миннэрин билсибит дьон
  • Миигин эйигинньик да абааһы сиэ суоҕа
  • Мэкчиргэ үрдүк тиит төбөтүн былдьаһарыгар дылы

Н[edit]

  • Норуот күүһэ - көмүөл күүһэ

О[edit]

  • Олох оҕо оонньуута буолбатах
  • Олох олоруу - Ийэ дойдуга иэһи толоруу
  • Оҕо - киһи дьоло, эрэлэ
  • Оҕолоох ыалтан уот иччитэ үөрэр
  • Ойоҕоскор хатырыкта хаалан
  • Ойуурдаах куобах охтон биэрбэт, дьонноох киһи өлөн биэрбэт
  • Оннооҕор ый-күн алтыһар
  • Оннооҕор ойуур (хара тыа) маһа үрдүктээх-намыһахтаах
  • Оҥхой сир уута суох турбат
  • Оҥойон турар оҥоруугуттан ордуон кэриэтэ, ох сааттан ордуоҥ
  • Отонноотоххо оннооҕор оҥоойук туолар, үлэлээтэххэ үлэ бүтэр

Ө[edit]

  • Өдөөх өйүнэн өлөртөн куотар
  • Өйө суох киһи, мэнэрик дьахтар курдук, санаата таһыгар
  • Өлбүт киһиттэн утурук эрэйбиккэ дылы
  • Өлбүтү кытта өлбүт суох
  • Өлүү быалаах, сор суоллаах
  • Өлөрсүбүтү өлөрөн кэбиһэр - өбүгэ үгэһэ
  • Өрүс долгуннаах, олох очурдаах
  • Өс хоһооно - өбүгэ номоҕо
  • Өтөх төҥүргэстээх, уот кыымнаах

С[edit]

  • Саары баттаһар, саппай уопсар
  • Санаа баҕарар да, күүс тиийбэт
  • Санаалаах татыма, өйдөөх мөлтөҕө
  • Саҥа кэм - саҥа кыах
  • Саҥа кэлбит тураах курдук
  • Саҥа ыччат санаата күүстээх
  • Салыҥнаах балык курдук киһи
  • Сатаабат сата баһын тардар, өйдөөбөт үөдэни хаһар
  • Сатаммыт сап саҕаттан салҕанар
  • Салаҥ киһиэхэ хара тыа маһа ытыыр
  • Саллар сааһым, үллэр үйэм
  • Саха, оҕуһун мииннин да, ырыаһыт
  • Сахсырҕа саҥата да иһиллэр чуумпуга
  • Саһыл түүтүнэн, киһи баайынан
  • Сир түннүгэ
  • Сиргэ түспүт сэрэбиэй, окко түспүт оҥоһуу
  • Сирэйиттэн түүнүк үүммүт
  • Силиһэ суох мас үүммэт
  • Сиэгэн сыыһа сиргэ быраҕыллыбат, буобура сыыһа буорга хаалбат
  • Сото кылгас даҕаны, соло улахан
  • Сотору да көстүөх сордообут
  • Сордоҥ өллөҕүнэ тииһэ хаалар, киһи өллөҕүнэ аата хаалар
  • Сөбүлээбит сүгэһэрдээҕи батыһар, таптаабыт тайахтааҕы батыһар
  • Суобас диэн сур соноҕос буолбатах, уларсыкка сылдьыбат
  • Суон ойуур курдук дурда, халыҥ ойуур курдук хахха
  • Суор суорун хараҕын оҥпот
  • Суор суорун хараҕын оҥпот, тойон тойонун түһэн биэрбэт
  • Суор оҕото - суор, тураах оҕото - тураах
  • Суон ойуур курдук дурда, халыҥ ойуур курдук хахха
  • Суоҕу суоруоҥ дуо
  • Суохтуу абааһыны балыйбыкка дылы
  • Сүгэ түһүөр дылы дүлүҥ сынньанар
  • Сүүстэ истибиттээҕэр биирдэ көрбүт ордук
  • Сүүстэн биири талбыт курдук
  • Сүтүктээх сүүс айыылаах, уорбут биир айыылаах
  • Сүтүктээх сүүс айыылаах, ийэтин да хоонньун хаһан көрүөҕэ
  • Сүөһү эриэнэ таһыгар, киһи эриэнэ иһигэр
  • Сүөһү күрүөлээҕэ күрүөлээҕэ үчүгэй, киһи бастааҕа үчүгэй
  • Сүһүөхтээх бүдүрүйбэт буолбат, тыллаах кэлэҕэйдээбэт буолбат, харахтаах чыпчылыйбат буолбат
  • Сүрэхтээх киһи туохтан да маппат
  • Сүрэх баҕарар да, сүһүөх тиийбэт
  • Сүрэҕэ суох сүүс сүбэлээх
  • Сүрэҕэ суох киһи утуйумтуо
  • Сүрэҕэ суох үлэ чэпчэкитин, ас минньигэһин талар
  • Сэнээбиккиттэн сэттэҕин ылыан
  • Сэргэх хаһан да хаалбат
  • Сэттэ киһи биир анньыыны аҕала барбыттарыгар дылы
  • Сымнаҕас уостаах кулун икки биэни эмэр
  • Сымыйа туоһулаах диэбиккэ дылы
  • Сымыйаччы туоһулаах
  • Сыл диэн хонук
  • Сылдьыбыт сыыһы булар
  • Сылдьыбыт сыысхала сыыстааҕар элбэх, орто дойду оһоло оттооҕор элбэх
  • Сыыһар сыыстааҕар элбэх, оһол оттооҕор элбэх

Т[edit]

  • Таала кырыыламмыт
  • Тарбаххынан тал, сөмүйэҕинэн сүүмэрдээ
  • Тапталы киһи булбат, таптал бэйэтэ булар
  • Тарбаххынан талан, сүрэххинэн сөбүлээн, хараххынан хайҕаан ыл
  • Тимир тириитин кэппит
  • Тимир илии, кытаҕас ытыс
  • Тиллиһэ тиэргэн, булкуһа буруо
  • Тииһин сааҕын киһинэн сууйар
  • Тойон олоҕор тураах олорор
  • Тот тоҥуй, аччык амарах
  • Токко сыа да сымсах, ааска уу да минньигэс
  • Төрөөбүт дойдугун хараҕыҥ харатын курдук харыстаа
  • Төрүт киһи төрүөҕэ, ытык киһи ыамата
  • Тураах ойоҕун курдук ачаа
  • Тумсун дулҕаҕа сотунна
  • Туттуоҥ иннинэ толкуйдаа, кэрдиэҥ иннинэ кээмэйдээ
  • Туора киһи киэнигэр кыл саҕаны да көрөр, оттон бэйэтин иннигэр бэрэбинэ сытарын көрүммэт
  • Түргэн сырыылаах түптэ кутурук, тиэтэл сырыылаах тэлээр тэллэх
  • Түүн сырыы, түүлээх уллуҥах
  • Түүн утуйбакка, күнүс олорбокко
  • Түөкүн киһи үс күлүктээх
  • Түөкүн мэлдьэҕэр, ыт тииһигэр эрэнэр
  • Түөкүн сүүс суоллаах
  • Түөһүн күүһүнэн, илиитин эрчиминэн
  • Тыалына киирбит холоругунан тахсар
  • Тыала суохха мас хамсаабат
  • Тыынын хабахха үрбүт
  • Тыл уҥуоҕа суох
  • Тыыннаах дьон тэбэр сүрэхтээх, саныыр санаалаах буолаллар
  • Тыыннаах киһи тапталтан ханна да куоппат
  • Тэбэр сүрэхтээх, тардар тымырдаах, оонньуур хааннаах киһи
  • Тэбиэн саҕа хара санаатааҕар түөн саҕа үрүҥ санаа ордук
  • Тэллэҕэр тэстибит, суорҕаныгар холлубут
  • Тэҥнээххэр киирдэххинэ, тэллэх ыта буолуоҥ

У[edit]

  • Улуу дойду оспуостаах, аан дойду аартыктаах, күөх далай оломноох, хара тыа ыллыктаах
  • Уол оҕо дьоллоох, соноҕос ат соргулаах
  • Уол оҕо дьолун туох да билбэт
  • Уол оҕо дьоло сир түөрт өттүгэр
  • Уол оҕо төрөөтөҕүнэ куруҥҥа суор үөрэр
  • Уол оҕо биир күн ат өрөҕөтүгэр, биир күн ат уорҕатыгар
  • Уохтаах буору сиэмэ сөбүлүүр, үтүө санаалаах киһини дьон сөбүлүүр
  • Ууокка бырахтахха, кэҥсик тахсыбат, күөх окко суулаатахха, атыыр оҕус сыллаабат, сыаҕа былаатахха, ыт сымсайбат
  • Уруу ырааҕа, уу чугаһа ордук
  • Ураанай туоһахталаммытыгар дылы
  • Умса түстэххэ сүүспүттэн өйүө, иттэнэ түстэххэ кэтэхтэн өйүө
  • Устар ууну сомоҕолуур уус тыллаах
  • Уу диэбитэ - хаар, хаар диэбитэ - уу
  • Ууга түстэххэ ороспот сыганныылар
  • Уутааҕар чуумпу, оттооҕор намыһах

Ү[edit]

  • Үгүс киһи хараҕа - таҥара хараҕа, үгүс киһи санаата - таҥара санаата
  • Үлэ ата - от хаата, үлэ киһитэ - ас хаата
  • Үктээтэххэ, оннооҕор кутуйах оҕото чыыбыргыыр
  • Үөрэнии - син биир сүүрүгү утары эрдинэр кэриэтэ
  • Үөрэх баар - бараммат баай
  • Үөрэҕэ суох киһи хараҕа суоҕун кэриэтэ
  • Үптээҕи көрдөҕүнэ - өлөрөр, харчылааҕы көрдөҕүнэ - халыыр
  • Үс өргөстөөх, аҕыс кырыылаах киһи
  • Үс саха куолута
  • Үтэһэтэ туолбут, чабычаҕа таһымнаабыт
  • Үтүө аат-суол баайдааҕар ордук
  • Үтүө киһи биир тыллаах, үтүө ат биир кымньыылаах
  • Үтүө киһи үллүктээх, бэрт киһи бэриилээх
  • Үтүө тыл баайдааҕар күндү
  • Үрүҥ күн сырдыга баҕалаах
  • Үчүгэй эмиэ доҕуһуоллаах, куһаҕан эмиэ содуллаах

Х[edit]

  • Хаан-урууну өрүс да уутунан сууйуллубат
  • Хаахыныыр мас охтон биэрбэт
  • Хайдар суола биллибэт, хаһыырдар саҥата иһиллибэт
  • Хайыҥын охсунна
  • Халлааҥҥа туойан кэбистэ
  • Халыҥ хаһанан харчы кэбиһэр, суон саалынан мохсуо кэбиһэр
  • Халбаҕа дылы суохтан атыны билбэт
  • Хантайан туран халлааҥҥа силлээмэ
  • Халыҥ хаһанан харчы кэбиһэр, суон саалынан мохсуо быраҕар
  • Халыҥ айыы, хара буруй
  • Харыйаны таҥнары соспут курдук киһи
  • Харсыылаах оҕустар курдуктар
  • Харчы ахсааны сөбүлүүр
  • Холоон эрээри хоноһомсуйар, барбах эрээри маанымсыйар
  • Хоргуһу кытта аргыстаһыма, кутталгыттан бэйэҥ хоргус буолуоҥ

Ы[edit]

  • Ыалдьартан илии арахпат, таптыыртан харах арахпат
  • Ыалдьыты маанылыыр, тоҥмуту ириэрэр
  • Ыалдьартан илии арахпат, таптыыртан харах арахпат
  • Ыт аһыыр иһитигэр кулгуйарыгар дылы
  • Ыт баһа көмүс кытахтан төкүнүйбүт диэбиккэ дылы
  • Ыт хаалтыстаммытыгар дылы
  • Ытыс үрдүгэр түһэрдилэр
  • Ылар илии билбэт, биэрэр илии билэр
  • Ылбайга быһахтаммыкка дылы
  • Ынаҕы иккитэ сүлүллүбэт
  • Ыытар кыырт, тэбэр мохсоҕол

Э[edit]

  • Эмэһэтигэр муус купчуур киирбит
  • Эмэһэтин кирсэ быстыбыт
  • Эмэһэтин тыаһыттан үргэр
  • Эн эппэтэҕиҥ – таҥара эппитэ буоллун
  • Эн иннин туспа, мин инним туспа
  • Эдэрбин диэн эрэнимэ, кырдьаҕаспын диэн түүнүмэ
  • Эдэр саас, күөгэйэр күн
  • Эдэртэн эйэтин, кырдьаҕастан алгыһын
  • Эттэрин ыт сиэбэт буолла
  • Элбэх тылтан элбэх сыыһа тахсар
  • Элбэхтэн элбэх охтуо, аҕыйахтан аҕыйах охтуо
  • Элийбити элиэ сиир, быралыйбыты бырдах сиир
  • Этэҥҥин эт сиэҥ суоҕа, хобулаҥҥын хоһуок саахар сиэҥ суоҕа
  • Этиллибит тыл иһиллибэт буолбат
  • Эппит тыл биир, санаабыт санаа төлөрүйбэт
  • Эйэҕэс киһи үгүс доҕордоох
  • Эриэн ыт элэгэ, күөт ыт күлүүтэ буолбут
  • Эрэйдээх этигэс, муҥнаах булугас
  • Эргэ эстибит, саҥа сандаарбыт
  • Эрдэ турбут чыычаах тумуһун соттор, хойут турбут чыыаах хараҕын хастар
  • Эр киһи тыла биир
  • Эр бэрдэ, элик үтүөтэ
  • Эр киһи уһун санаалаах, киэҥ көҕүстээх
  • Эр киһи эһэ-бөрө сүрэхтээх
  • Эр сүрэҕинэн, эһэ тыҥыраҕынан
  • Эр сүрэҕинэн, дьахтар тапталынан* Балык ыамнаах, киһи күннээх