Jump to content
- ਹਰ ਇੱਕ ਦਾ ਉਪਦੇਸ਼ ਸੁਣੋ, ਪਰ ਆਪਣਾ ਉਪਦੇਸ਼ ਕੁਝ ਹੀ ਲੋਕਾਂ ਨੂੰ ਦੇਵੋ। -ਸ਼ੈਕਸਪੀਅਰ
- ਦੂਸਰਿਆਂ ਨੂੰ ਉਪਦੇਸ਼ ਦੇਣਾ ਸੌਖਾ ਹੈ। -ਪੰਚਤੰਤਰ
- ਉਹ ਹੀ ਵਧੀਆ ਉਪਦੇਸ਼ ਦੇ ਸਕਦਾ ਹੈ, ਜਿਹੜਾ ਵਧੀਆ ਜੀਵਨ ਜਿਉਂਦਾ ਹੈ। -ਕਾਰਵੈਨਟੀਜ਼ ਡਾਨ ਕਿਗਜ਼ੋਟ
- ਜੋ ਪ੍ਰਚਾਰ ਕਰਦੇ ਹੋ ਉਸਦਾ ਖੁਦ ਅਭਿਆਸ ਕਰੋ। -ਕਲਾਊਟਸ ਐਸੀਲੇਰੀਆ
- ਕੀੜੀ ਤੋਂ ਚੋਗਾ ਕੋਈ ਉਪਦੇਸ਼ ਨਹੀਂ ਦਿੰਦਾ, ਅਤੇ ਉਹ ਚੁੱਪ ਰਹਿੰਦੀ ਹੈ। -ਫਰੈਂਕਲਿਨ
- ਜਿਸ ਨੂੰ ਹਰ ਕੋਈ ਦਿੰਦਾ ਹੈ ਪਰ ਵਿਰਲਾ ਹੀ ਕੋਈ ਲੈਂਦਾ ਹੈ, ਅਜਿਹੀ ਕਿਹੜੀ ਚੀਜ਼ ਹੈ? ਉਪਦੇਸ਼, ਸਲਾਹ। -ਸਵਾਮੀ ਰਾਮ ਤੀਰਥ
- ਮਨੁੱਖ ਨੂੰ ਚਾਹੀਦਾ ਹੈ ਕਿ ਜੇਕਰ ਦੀਵਾਰ 'ਤੇ ਵੀ ਉਪਦੇਸ਼ ਲਿਖਿਆ ਹੋਇਆ ਮਿਲੇ ਤਾਂ ਉਸਨੂੰ ਗ੍ਰਹਿਣ ਕਰ ਲਵੇ। -ਸ਼ੇਖ ਸਾਅਦੀ
- ਜਦ ਤੱਕ ਕੋਈ ਵਿਅਕਤੀ ਆਪ ਉਹ ਕੰਮ ਨਾ ਕਰੇ, ਜਿਸ ਬਾਰੇ ਉਹ ਦੂਸਰਿਆਂ ਨੂੰ ਉਪਦੇਸ਼ ਦਿੰਦਾ ਹੈ, ਉਦੋਂ ਤੱਕ ਉਸਦਾ ਅਸਰ ਨਹੀਂ ਮੰਨਿਆ ਜਾ ਸਕਦਾ। -ਅਗਿਆਤ
- ਦੂਜਿਆਂ ਤਾਈਂ ਬੰਦਾ ਜੀਕਣ ਜੱਗ ਦੇ ਵਿੱਚ ਬਣਾਨਾ ਚਾਹੇ, ਉਹੋ ਜਿਹਾ ਆਪੇ ਤਾਈਂ ਪਹਿਲਾਂ ਆਪ ਬਣਾਏ। -ਮਹਾਤਮਾ ਬੁੱਧ ਧੱਮਪੱਦ
- ਉਪਦੇਸ਼ ਤੋਂ ਬਿਨਾਂ ਕਿਸੇ ਮਨੁੱਖ ਦੇ ਗਿਆਨ ਵਿਚ ਵਾਧਾ ਨਹੀਂ ਹੋ ਸਕਦਾ, ਇਸ ਲਈ ਸਾਰਿਆਂ ਵਿਅਕਤੀਆਂ ਨੂੰ ਚੰਗੀ ਵਿੱਦਿਆ ਦਾ ਉਪਦੇਸ਼ ਅਤੇ ਸ਼ਬਦ ਹਰ ਰੋਜ਼ ਸੁਣਨੇ ਚਾਹੀਦੇ ਹਨ। -ਰਿਗਵੇਦ
- ਆਪਣੇ ਕਹਿਣ ਦੀ ਸਮੱਰਥਾ ਅਤੇ ਦੂਜੇ ਦੀ ਸੁਣਨ ਦੀ ਸਮੱਰਥਾ ਨੂੰ ਦੇਖ ਕੇ ਹੀ ਉਪਦੇਸ਼ ਦੇਣਾ ਸਿਆਣਪ ਹੈ। -ਅਗਿਆਤ
- ਜੋ ਕਰ ਸਕਦਾ ਹੈ, ਉਹ ਕਰਦਾ ਹੈ, ਜੋ ਨਹੀਂ ਕਰ ਸਕਦਾ ਉਹ ਉਪਦੇਸ਼ ਦਿੰਦਾ ਹੈ। -ਬਰਨਰਡ ਸ਼ਾਅ ਮੈਗਜ਼ਿਮਜ਼ ਫਾਰ ਰੈਵੋਲੂਸ਼ਨਿਸਟਸ
