Wq/or/ଶ୍ରୀ ଜଗନ୍ନାଥ ଭଜନ, ଜଣାଣ/ସାରିଆ ଭିକ
ଥକାମନ ଚାଲ ଯିବା[edit | edit source]
ଥକାମନ ଚାଲ ଯିବା
ଚକା ନୟନ ଦେଖିବା
ଶଙ୍ଖନାଭି ମଣ୍ଡଳରେ_
ବେନି ନେତ୍ର ପଖାଳିବା।।ଘୋଷା।।
ବାଟରେ ବାଟ ମଙ୍ଗଳା
ଦେଖିବା ଅଠର ନଳା
ପାଞ୍ଚ ମନ ଏକ ମେଳେ_
ନରେଂଦ୍ରେ ସ୍ନାନ କରିବା।।୧।।
ପହଞ୍ଚିବା ବଡ଼ ଦାଣ୍ଡେ
ସେ ରେଣୁ ପାଇବା ତୁଣ୍ଡେ
ଛତା ତଳେ ରହି ଦଣ୍ଡେ_
ସାଧୁଙ୍କ ସେବା କରିବା।।୨।।
ସିଂହଦ୍ୱାରେ ଭିଡାଭିଡି
ବାଜୁଅଛି ବେତ ବାଡ଼ି
ଠେଲି ଦେଇ ଯିବା ମାଡ଼ି_
ଧକା ବାଜିଲେ ସହିବା।।୩।।
ବାଇଶି ପାବଚ୍ଛେ ବିକା
ହେଉଛି କୈବଲ୍ୟ ଚଖା
ହାଣ୍ଡିକ ପଡେ ସିଉକା_
ମନ ରଙ୍କା ଛଡ଼ାଇବା।।୪।।
ଗରୁଡ଼ ପଛରେ ଦେଖ
ଦିଶୁଛି କଳା ଶ୍ରୀମୁଖ
କହଇ ସାରିଆ ଭିକ_
ବଳରାମଙ୍କୁ କହିବା।।୫।।