Wq/or/ଶ୍ରୀ ଜଗନ୍ନାଥ ଭଜନ, ଜଣାଣ/ଗୋବିନ୍ଦ ଭଞ୍ଜ

From Wikimedia Incubator
< Wq‎ | or
Jump to: navigation, search

ମୋ ଦୁର୍ଭାଗ୍ୟ କର ଚୂନା[edit]

(ଗୋବିନ୍ଦ ଭଞ୍ଜ)

    କୃପାସିନ୍ଧୁ ! ଦୀନବନ୍ଧୁ ! କାହିଁକି କରୁଣା ଊଣା?
    ମୋହପରି ଦୀନହୀନ ଧରାଧାମେ ନାହିଁ ଶୁଣା।।ଘୋଷା।।

ଭାବି ଯା ନଥିଲି ମନେ_ ବସାଇ ଉଚ୍ଚ ଆସନେ
            ସୁଖ ସଙ୍ଗେ ଦୁଃଖ ଦେବା
            ରୀତି ତ ନଥିଲା ଜଣା।।୧।।

ତୃଷାର୍ତ୍ତ ଜନେ ଆଦରେ_ ଡ଼ାକି ବସାଇ ପାଶରେ
             ପିଇବା ଆଗୁଁ ଭଣ୍ଡିଲ
             ଯାଚି ସୁମଧୁର ପଣା।।୨।।

ବିତରି ସଂସାର ସାର-_ ଫଳକୁ କଲ ଅସାର
            ତାର କି ମୋ ଭାଗ୍ୟ ଦୋଷ
             ଭାବି ମୁଁ ହେଉଛି ବଣା।।୩।।

ତୁମ୍ଭର ମଙ୍ଗଳମୟ_ ଇଚ୍ଛାରେ ମୁଁ କରି ଲୟ
           ନୋହୁଛି ଦୁଃଖିତ ପ୍ରଭୋ।!
            ପଡି ଏ ବିପଦେ ସିନା।।୪।।

ନୃପତି ସୁତ ଗୋବିନ୍ଦ_ ଚିନ୍ତଇ ପଦାରବିନ୍ଦ
            ହେ ମଧୁହାରୀ ମୁକୁନ୍ଦ
             ମୋ ଦୁର୍ଭାଗ୍ୟ କର ଚୂନା।।୫।।