Wq/kaa/Shıńǵız Aytmatov

Shıńǵız Aytmatov (1928-2008) — qırǵız hám rus tillerinde dóretiwshilik qılǵan sovet hám qırǵız jazıwshısı, «Qırǵızstan SSR xalıq jazıwshısı» (1974), «Socialistlik miynet qaharmanı» (1978), «Qırǵızstan Respublikası Qaharmanı».

Citataları

• Men insan tábiyattı qádirley biliwi, onnan zawıqlanıwı kerek ekenligin bilemen. Sonıda túsinip jetiw kerek, insan – tábiyattıń bir bólegi, tábiyat oǵan jasaw ushın berilgen mákan, jasaǵanda da bir márte aqıl hám zawıq penen jasawı kerek.
• Insan tábiyatı sonday jaratılǵan, ol tez-tez qátelesip turadı: kóbinshe ótkinshi háweslerdi haqıyqıy muhabbat dep oylaydı. Negizgi muhabbat hazarlı bolıp keledi.
• Insan ara-arada dus keletuǵın hár qanday áwmetsizlikti baxıtsızlıq dep esaplamawı kerek. Kim biledi, bálkim haqıyqıy baxıt kishkene áwmetsizlikten baslanar?!
• Tábiyattı qalayınsha saqlaw, urıslardan, texnikalıq ilgerilew keltirip shıǵaratuǵın apatlardan qorǵanıw tuwralı bas qatırıwdan aldın mánawiy mánide insan qalayınsha insan bolıp qalajaǵın, tekǵan aqıl-sanalı maqluqat sıpatında emes, sezine alatuǵın, hújdanlı insan qanday bolatuǵınlıǵın biliw kerek.
• Dúnya insan ushın kerek – adam onıń negizgi mánis-mazmunın túsinip alıw ushın jaratılǵan, sol ushında dúnya turıptı.
• Baxıt degeni bul kewillerdiń uyǵınlasıp ketiwi degen sóz.
• ...Adamlar hár túrli tillerde sóylesedi. Biraq, tek bir tilde – júrek dep atalmısh zibanda muhabbatın izhar etedi, quwanadı, saǵınadı.
• Dos jaman kúnde bilinedi, deydi. Menińshe olardıń qanday ekenligi jaqsı kúnde de bilinedi.
• Asqazan miyden aqıllıraq. Sebebi ol qaytarıwdı biledi. Miy bolsa hárqanday shıǵındını qabıllayberedi.
• Muhabbat bul – ózińdi basqa adamda joytıp alıw.

Xalıqtıń mángiligi – onıń tili menen.