Wq/kaa/Erich Mariya Remarque
Erich Maria Remarque (aytılıwı: Erix Maria Remark; kirillshe. Эрих Мария Ремарк; negizgi atı Erix Paul Remark; 1898-jıl 22-iyun — 1970-jıl 25-sentyabr) — belgili nemec jazıwshısı.
Citataları
[edit | edit source]- Hámme qılǵan isimizde durıs bolabermeydi. Biraq, kóbinshe ómir zawıqı sonda boladı.
- Taǵdirden heshkim qashıp qutıla almaydı. Qashan ájeli keletuǵınında heshkim bilmeydi. Solay eken, waqıt penen esaplasıwdan ne payda? Biziń keleshegimiz tek keyingi demimizge shekem dawam etedi. Keyin ne bolatuǵının heshkim bilmeydi. Aqırında bizdi kútetuǵın nárse – tek úmit hám saǵım.
- Nege bir nárseni ańlaw ushın adam tragediyanı, kámbaǵallıqtı, azaptı, ólim nápesin basınan keshiriwi kerek? – Ápiwayı haqıyqatlardı túrli mashaqqatlı jollardı basıp ótip, keyin tusinemiz. – Biraq, bul haqqında birew aytqanı menen báribir, heshqanday járdem bermeydi. durıspa? – Awa, járdem bermeydi. Ózińniń basıńnan ótkizseńǵana túsineseń. Bolmasa, barqulla birzattı uttırıp qoyǵanday sezinebereseń.
- Ayanıshlı hám kúlgili tárepi sonda, dúnyadaǵı bárshe bay isbilermennen baslap, eń kámbaǵal sorlıǵa shekem ózlerin tap ólmeytuǵınday, mángi jasaytuǵınday tutadı. Eger biz barqulla ólim haq ekenligin ańlaǵan halda jasaǵanımızda edi, kóbirek miyrimli hám ashıqkewil bolatuǵın edik.
- Ápiwayılıq ullı nárse.Tek kórealmaytuǵınlar onı aqmaqlıq dep esaplaydı. Ápiwayılıq kemshilik emes, kerisinshe talant belgisi.
- Muhabbat insan denesinde payda boladı, biraq hesh qashan bul denede tawsılmaydı. Hátte hámme nárse, insan da, muhabbat ta, baxıt ta bári tolıp tasıp tursa da, qanday da bir qorqınıshlı nızam boyınsha, mudamı azday sezile beredi, bular qanshelli kóp kórinse de, negizinde júdá az.
- Haqıyqıy qıyalparaz pulǵa umtıladı. Pul, bul- azatlıq. Azatlıq bolsa - ómir.
- Aldıǵa maqset qoysań, ómir sheklenip qaladı.
- Insan táslim bolmadıma, demek ol óz táǵdirinende kúshli.
- Adam bir-birin qanshelli kóp bilse, túsinbewshilik sonshelli kóp boladı. Qansha jaqınlassa, sonsha jatlasadı.
- Tek baxıtsızlarǵana baxıttıń ne ekenin biledi. Baxıtlı adam ómir quwanıshın quwırshaq sıyaqlı sezinedi,tek bolǵanı ol bul quwanıshtı kóz-kóz qıladı. Negizinde bunnan jıraq.
- Adamlar jánjellesip qalǵanda, ne túrli sózlerdi tappaydı, deysiz! Tek muhabbat haqqındaǵı sózler ǵana ómirbaqıy hám ózgermes. Aqıretlewshi sózler bolsa ráń-báreń hám hesh tawsılmaydı.
- Insan ant etiwge hámiyshe sheber.Biraq antın orınlawǵa emes. Onıń tilsimligide mine usında.
