Wq/fat/Victoria Adaobi Obasi
Victoria Adaobi Obasi (wɔwoo no ebɔwbira 14, 1952) ɔyɛ Professor na Osuapɔn Panyin dze ma Imo State Osuapɔn. Ofi Ogboko a ɔwɔ Odeato Anaafo Abatowmpasoado, Imo State, Nigeria. Afe 2011 kɛpem 2013 ntamu no, nna ɔyɛ ɔsoafo a ɔhwɛ nwomasuado ma Imo State. ɔyɛ ba basia dze ma Chief Fred na Ezinne Felicia na ɔawar Chief Charles Obasi a ofi Dim Na Nume a ɔwɔ Isu Abatowmpasoado a ɔwɔ Imo State na wɔwɔ mbofra enum.
N’anomu Nsɛm
[edit | edit source]- Mobɔkɔ akɛka akyerɛ m’anyɛnko no dɛ hɛn edwumayɛdo no fotow a yɛwɔ no gyina dza yɛdze ba abɔntsen noho. Sɛ edwumayɛnyi benya enyigye a, ɔyɛ edwuma yie paa. Nigeria mu no, ihu nyimpa dɛ ɔayɛ edwuma abosoom beberee, a wonntua hɔn kaw, wɔdze hɔn kaw wɔ abadobɔ afa mu, wonnya dza ɔfata hɔn, iyi nnyɛ adze pa.
- Sɛ yenya no yie wɔ nwomasua mu a, nkyɛ ɔwɔ dɛ yenya no yie. Nwomasua dze ɔwɔ dɛ yɛdze sika hyɛ mu yie na yenya pɛ dɛ nwomasua begyina ne nan do. Sɛ yɛwɔ nwomasua papa a, hɔn a wonnya edwuma nnyɛ no ano besiw, yennya bio.
- Mubowuraa mu dɛ Osuapɔn Panyin na, Onyankopɔn n’adom ntsi wɔbɔɔ m’abawdo ber a migyinaa mu dɛ Osuapɔn Panyin. Minndzi nokwar mma moho sɛ meka sɛ minnhyaa ɔhaw beberee. Yɛtse mbanyimfo wiadze sesiara, ntsi, ɔmmfa ho nye mbrɛ basia bɔbɔ noho mbɔdzen wɔ ne dzibew biara a okitsa mu no, ɔyɛ dɛ onndzi dzibew no bio. Menya mo nkɔdo na me famu ba, mbom migyinaa dɛ Gibraltar botan osiandɛ dzibew a mowɔ no gyina Onyankopɔn do.