Wq/fat/Mary Chinery-Hesse

Mary Chinery-Hesse, FAAS, OSG, née Blay (wɔwoo no Ɔberɛfɛw 29,1938) yɛ amanaman "Civil servant" na "diplomat" a ɔsom dɛ basia "Chancellor" a odzi kan wɔ University of Ghana, a wɔpaaw no wɔ afe 2018 Dzifuu bosoom no ne da a odzi kan. Nna ɔyɛ basia a odzi kan a ɔyɛɛ Deputy Director-General maa International Labour Organization.

Nsɛnka

Speaking at the Fourth World Conference on Women in September 1995 in Beijing. Theme:Gender equality and the empowerment of all women

Na dɛm asɛm no nye, na ɔda ho ara tse dɛm, dɛ mbasiafo nyinara yɛ mbaa a wɔyɛ edwuma na ɔsɛ dɛ wobu hɔn edwuma dɛ ɔsom bo. Mbaa yɛ fie ndwuma, ɔhwɛ edwuma, mbofra hwɛ naaso iyinom mu biara nnda edzi wɔ akontaabu no mu. Wɔ fie ekyir no, hɔn edwuma no taa yɛ dza akatua suar a wɔyɛ wɔ mbea a wɔatsew hɔn ho. Meyɛ sikasɛm ho ɔbemfo. Hɛn a yɛwɔ ILO no na yɛrohwɛ dɛ mbrɛ wobotum akan mbaa edwuma, osiandɛ dza wɔmmfa nnkan no nnyɛ dza ɔsom bo.

Tsebea a ɔwɔ hɔ ma mbaa no etu mpon fi dɛm ber no. Yehu mbra a ɔfa mbarimba na mbaa pɛryɛ, awow akwamma na hokwan a ɔyɛ pɛr ho. Ofi Beijing no aman dodow bi gyee basia abofra ho adwen no too mu na pii agye nhyehyɛe ahorow a ɔbɛma mbabaawa akɔ sukuu ato mu. Wɔ Ghana Suapɔn mu, beebi a meyɛ Chancellor no, mbaa sukuufo dɔɔso sen mbarimba.

Minyim dɛ nna mbaa a wɔwɔ wiadze a minyinii wɔ mu no nnyi ndze. Nokwar no nye dɛ wɔ pon a ɔkorɔn no do no yɛda ho ara nnyi mbaa a wɔdɔɔso. Hɔn a wɔyɛ nhyehyɛe no da ho ara yɛ mbarimba tsitsir. Ɔsɛ dɛ yɛtwetwe mbarimba a woenya nyimdzee ma wɔtaa hɛn pɛryɛ a yɛrohwehwɛ no ekyi osiandɛ gye dɛ yɛma mbarimba yɛ mbarimba na mbaa pɛyɛ ho akansifo a nsakrae a ɔbɛtsena hɔ daa nnkɛba da.

Speaking on urgent review of legal education regime

Wiadze a yɛtse mu no asesa kɛse fi ber a wɔhyɛɛ Mbranyimfo Mbra no mfe 62 a etwamu yi no, nna ho hia ntsɛmara dɛ wɔsan yɛ mu nsakrae dze da nsakrae yi edzi na ama mbranyimfo ntsetsee a wɔdze ma wɔ Ghana no ayɛ dza ɔfata kɛse na ɔnye wiadze a yɛtse mu no ehyia mu ndɛ.

Mepɛ dɛ mesan si hia a ohia dɛ yɛkare pɛ wɔ ntsetsee a wɔdze ma mbranyimfo dodow a wohia wɔ ɔman no mu na nwomasua pa a wɔdze ma, na nyimpa na honam afamu ahodze a wɔdze bɛma wɔ ahyehyɛdze a wɔtsetse hɛn mbranyimfo no mu.

Speaking at Chartered Institute of Marketing Ghana(CIMG) Annual National Marketing Performance Awards

Brand management ho hia yie. Ber a yɛmmfa biribiara nndzi agor no, ɔsɛ sɛ yɛhwɛ dɛ Ghana dzi yie wɔ akansi tsebea mu osiandɛ ndzɛmba a Ghanafo nyim, wɔdɔ na wɔpɛ. Ɔsɛ dɛ yepia na hɛnho bɔtɔ hɛn. Yɛyɛ ahobrɛasefo paa dɛ Ghanafo, hɛn ankasa yɛnhyɛn totobɛnto. Naaso wɔ akansi wiadze yi mu no, hom mma yɛmfa hɛn Kristofo ahobrɛase nto nkyɛn na yɛmfa nhoahoa hɛnho kakra.

Ghana mbɔdzembɔ kɛse no tsirmupɔw nye dɛ ɔbɛma sikasɛm mu ahoɔdzen bio. Sikasɛm no mu afã horow dodow bi asan ayɛ yie koraa. Migyi dzi dɛ sikasɛm bɛsan ayɛ yie, sikasɛm mu ahotɔ a otwa tun no gyina ndwumawuranom mbatsir do.