Wq/fat/Jesesi Mungoshi
Jesesi Mungoshi (wɔsan frɛ no Jesese Mungoshi) yɛ Zimbabwenyi senetwanyi. ɔhyɛɛ ne senetwa ase wɔ afe 1989, wɔ sene bi a ɔato no dzi Afrika Akwantu.
Nsɛnkaa
[edit | edit source]- Charles na me babamunini nna worutwa sene wɔ Cyril Jennings Hall na wɔbɛba fie abɔ mu sɛ wotwa hɔn dze no wie a. Yɛbɔɔ mu na dɛm ber no na ɔhyɛɛ ase.
- Mekanee buukuu no na m’enyiwa gyee no mu nsɛm no ho. Mekenkanee mpɛn beberee ber a yɛwaree ekyir no osiandɛ nna m’akɛsera dɛm mbea no mu bi a nna nsɛm a ɔwɔ buukuu no mu no kɔr do. Nsɛm no kɔr do wɔ ne fie mbea bi wɔ Manyene, Chivhu na minyaa ntseasee mapa wɔ buukuu no ho ber a mekɛseraa bea hɔ ekyir no.
- Mohweer mo mbrafraber mfe no nyina wɔ Bikita hɔ na mokɔr skuul wɔ Gumuyu mbofraber skuul na ɔwɔw fo kɔr Zimutu Nsɔwdo Skuul. Ber a muwiee skuul no, mebaa Harare dɛ morobɔhwehwɛ biribi ayɛ. Nna metse mo nua basia na no kun nkyɛn. Ndaawɔtwe ewiei kor bi yɛkɛseraa hɔn nkurase kor wɔ Buhera na me tsir yɛɛ yie dɛ metsee dɛ skuul bi a ɔbɛn hɔ no pɛ mprempren akyerɛkyerɛfo. Mukowie dɛ mekyerɛ adze wɔ Nechavava mbofraber mu skuul. ɔyɛ ber a mifi Buhera erekɛsera Harare na mihyiaa Charles.
- Ber a meka kyerɛɛ Charles dɛ m’enuanom mbanyimfo tsia awar na woetu mofo dɛ mintsiw mo nkontaabu adzesua no, me nkankyema no yɛɛ adze bi a nna menyi nnda ber a ɔkaa dɛ ɔregyae edwuma no. ɔkaa dɛ botae biara nnyi mu dɛ ɔbɔkɔ edwuma sɛ nna mennyɛɛ krado mmaa awar a. Nna ɔreyɛ edwuma etua tsir adze no.
- M’anntse no ase. Nna modwen dɛ oridzi agor, mbom ɔyɛɛ dɛm. Ogyaa edwuma no na ɔsan kɔr no kyerɛwkyerɛw na ɔyɛkyerɛw no mu. Dɛm ber no na ɔkyerɛɛw ‘Ndiko Kupindana Kwemazuva.