Wq/fat/Janet Nabla
Janet Asana Nabla yɛ Ghananyi Amanyɛnyi na nyimpa a ɔrepɛ Mampanyin wɔ People’s National Party afa mu wɔ 2024 Ghanafo hɔn ambatow no mu.
N’anomu Nsɛm
[edit | edit source]- Yɛrokɔ kɔɔto; nyimpa du-ebiasa biara nnyi hɔ a wɔrekɔ beebiara dɛ wɔrokɔ na ɔakosi akan. EC nnyi tum dɛ wobeyi hɔn wɔpɛ dɛ wosi akan afe yi. Wonnyi hɔ dɛ wɔbɛkyerɛ dza Ghanafo nyɛ; wɔwɔ hɔ dɛ wɔbɛyɛ hɔn edwuma na woedzi nkugu pɔtɔɔ dɛ wɔbɛyɛ dɛm edwuma no.
- Misiesie mfom biara mpo wɔ medze noho na medze maa EC no na ɔyɛ [Samuel] Kwaah [abatow ho ntotoo abadziekyir] nyimpa a ɔgyee, ntsi minyim Mr. Kwaah, a ɔmmpɛ m’asɛm, ɔmmpɛ dɛ EC no bohu adze no.
- Ber mepɛɛ dɛ mɛbɛyɛ ɔkyerɛwfo panyin no, etsitsir beberee frɛɛ me, n’ebusuafo ka ho, wɔkae dɛ dɛm dzibew no rommboa basia. Binom buu m’abaw mu dɛ munntun nndzi nkunyim, nkankanara ntsia mbanyimfo menye hɔn risi akan. Mbom me hyɛɛ nsi, menntsie hɔn afofu no, na no nyinara ekyir no, midzii nkunyim.
- ɔnnyɛ me nwanwa dɛ mbasiafo beberee hɔn abaw mu ebu na oegyaa amanyɛsɛm koraa. Nhyɛdo na aperper no so dodo, nkankanara nye dɛ eyɛ basia na epɛ dzibew wɔ sor hɔ. Wɔbɔtow bo abɔ wo, yɛ biribiara dze twe wo ba famu. Ghana amanyɛsɛm no, mbasiafo wɔdze hɔn hyɛ dzibew nketseaba no mu.
- Dzibew kortsee a woegyae ama mbasiafo are nye mbasiafo mboanonyi, na ɔno mpo no, mpɛn pii no wɔdze dwumadzi nkumaa hyɛ hɔn nsa. ɔyɛ dzen paa dɛ mbasiafo bɔsɔr wɔ amanyɛsɛm mu.