Wq/fat/Gladys Kessler
Gladys Kessler (a wɔwoo no Sanda 22, 1938 a ofii mu Ebɔw 16,2023) no, nna ɔyɛ mansin otsembuafo wɔ United States wɔ Mansin Asɛndzibea a ɔwɔ Columbia Mansin no mu.
Gladys Kessler Nankasa Ne Nsɛnkaa
[edit | edit source]- Ɔfa edwumakuw bi a, ne tsitsir no, hɔn a wɔkyerɛ dɛ wɔafom no yi ho, a ogu do rokɔ do, na mfaso, a wonya fi adzea nkorɔfo aka do a wonntum nntwe hɔnho mmfi mu a ɔma nyarbanyarba a ɔdze ewuwuewuwu pii ba afe biara, ɔberɛ dodow wonnkotum ato dzin a aba nyimpa do na sikasɛɛ a aba, nna ɔhaw kɛse a abɛda hɛn man yi n'apɔwmudzen nhyehyɛɛ no do. Hɔn a wɔkyerɛ dɛ wɔafom no nyim dɛm nsɛm nokwar yi bɛyɛ mfe eduonum anaa no mboree nye yi. Dɛm nyimdzee yi ekyir nyina no, mpɛn piinara, na wɔnam nyimdze na suahu do akɔ do ara ayɛ, na wɔannda dɛn nokwasɛm yi edzi annkyerɛ ɔmamfo no, Aban no, na nkorɔfo a wɔwɔ apɔwmudzen mu. Dɛ mbrɛ ɔbɛyɛ a edwumakuw yi hɔn sikasɛm bɔkɔ nkan ntsi, hɔn a wɔkyerɛ dɛ wɔafom no anngye annto mu dɛ wɔtɔɔn hɔn ndzɛmba no mae na wɔbɔɔ ho dawur so kyerɛɛ mbofra a wonndzii mfe duawɔtwe na hɔn a woedzi mfe duawɔtwe dze kesi eduonu-kor dɛ mbrɛ ɔbɛyɛ a wobenya hɔn a wɔhyew a "daa no wɔreper enya dza ɔkyɛn ma wɔhyew dada no" no hɔn dodow na hɔn so a wonyin wɔ mu no nam owu,yarba, anaa ndubɔn hyew ne ngyaae sɛɛ hɔn bra. Ne tsiatwa mu no, hɔn a wɔkyerɛ dɛ wɔafom no ada hɔn adzetɔndze edzi akyerɛ na wɔdze ndamyɛ atɔn adze a otum ku nyimpa dɛm, a ndaada bata ho a, hɔn enyim tsim sika dodow a wobenya nko do, na wɔnndwen awerɛhow na kaw a ɔbɛda nkorɔfo do osian ahonya ntsi.
- final opinion, Dzifuu 17, 2006 (pages 3-4 of the document, numbered 33-34 in the PDF reader)
- [...] Mfe eduonum na no mboree nyina no, hɔn a wɔkyerɛ dɛ wɔafom no twaa akɔhwi, wɔdandaan ndzɛmba enyi, na wɔdɛfɛdɛfɛɛw Amɛrekaɔmamfo no, a hɔn a wɔhyew so ka ho na mbofra a wɔhwɛe dɛ wɔbɛma wɔaabɛyɛ " hɔn a daa wɔper hwehwɛ dza ɔkyɛn ma wɔhyew dada no" faa nsunsuando bɔn a ndubɔnhyew dze ba apɔwmudzen do na hɛn atsena do sɛ nkorɔfo hyew tobacco a, wɔtsenaa nhwehwɛmu do, wɔsɛɛ nkrataa, wohuu kwan a wɔdze nicotine bedzi dwuma a ɔbɛma nkorɔfo atsew aka ndubɔn no nom do na ntsewkado abɛyɛ kɛse so, wɔsɛɛ nokwar a ɔfa ndubɔn a ɔhyew tumm kɛse na dza ɔnnhyew kɛse dɛ mbrɛ ɔbɛyɛ a hɔn a wɔhyew no nnkegyaa hyew ntsi, na asɛndzi nhyehyɛɛ no so wotumii wuraa mu dɛ mbrɛ ɔbɛyɛ a hɔn nsa bɛka dza wɔhwehwɛ no–dɛ mbrɛ ɔbɛyɛ a wɔdze kumaa bi benya sika twitwiridii, a wɔnndwen nyimpa biara ne yarba na ɔberɛ, kaw a wɔbɔ no hɔn apɔwmudzen ho, anaa mpo asɛndzi no hɔn nokwardzi mpo ho.
- Template:Wq/fat/W, Template:Wq/fat/W, final opinion, 17 August 2006 (pages 1500-1501 of the document, numbered 1530-1531 in the PDF reader)