Wq/fat/Flora Mutahi
Flora Mutahi yɛ odwumayɛfo a noho akokwa a ɔdze bɔbor mfe eduonu esuon ayɛ edwuma wɔ ndzɛmba a wɔyɛ mu (manufacturing sector), a ɔwɔ mpɔtamu hɔ na amanaman ntamu osuahu kɛse wɔ akandzifo a wɔyɛ edwuma wɔ akwan a wɔfa do yɛ edwuma, edwumayɛ nkɔdo, gua do hyɛn na eguadzi mu.
Asɛnka
[edit | edit source]- Mepɛ sɛ medze tsii gye m’enyi kɛkɛ, Ɔnnsɛ dɛ Tsii yɛ fie anomdze.
- Flora Mutahi said The business daily, August 24 2017)
- “Sɛ inyim wɔ w'akoma mu dɛ iyi nye dza epɛ dɛ eyɛ a, yɛserɛ wo yɛ, ɔmmfa ho nhyɛdo a ofi ɔmamfo hɔ nyinaa.”[1]
- Ber a mirinyin no, nna mepɛ dɛ meyɛ wimuhɛn mu ahɔhoyɛfo ber nyinaa, osiandɛ nna metaa tu kwan ntsi. Nokwar mu no, nna m’awofo nntse no mu biara. Osiandɛ nna moho akokwaw wɔ akontaabu mu ntsi, midzii ekyir koduu abɔdzin krataa mu na mekyerɛɛw me dzin so maa edwumayɛfo adzesua ahorow. Naaso, muhun dɛ muruhuruw adzesua na James Mcfee, Akontaabu Dwumadzibea a ɔwɔ Strathmore Suapɔn mu no kwankyerɛfo hyɛɛ me nkuran dɛ monhwehwɛ moho mu na mindzi nokwar nkyerɛ moho.
- Migyaa m’edwuma a odzi kan koraa dɛ akontaabufo wɔ abosoom 9 pɛr a nna mahwɛ edwumakuw akɛse a wɔyɛ ndzɛmba no akontaabu ekyir no. Nokwar mu no, nna m’enyi gye ara ma nna medze m’ewia ahomgye ber no tsenaa sotɔɔ no mu tsiee mfir ahorow no na mibisaa nsɛm.
- Mifii nkyen a ɔsen fa mu do kɔr tsii a wɔdze frafra na dza wɔdze kyekyer ndzɛmba do wɔ abosoom kakraabi mu ber a muhun dɛ nkyen tɔn kor yɛ dɔla 100 no, na ntsi nna minyim dɛ iyi remma minnya sika wɔ gua do da osiandɛ nna mfaso a wonya no suar koraa.
- Nna minnyi sika kɛse biara, na nna minnyi sika a medze besie. Nna bosea a yɛbɛbɔ fi sikakorabea ahorow no kyerɛ dɛ ɔsɛ dɛ yenya nsiho, na nna yeennya. Nna dɛ mbrɛ mekaa ahyɛse no, nna minnyi edwumayɛ ho suahun ber a nna gua no so nsiesiee noho mmaa ndzɛmba fofor.
- Dza odzi kan no, mohwehwɛɛ edwumayɛ ho afotu fii nyimpa a nna wɔakɔ edwuma no mu pɛn hɔ, mesan nso kɔr Kabete Campus of Food Technology kosuaa edziban ho mfirdwuma na dɛ mbrɛ wɔyɛ ho adze. Afei minyaa sika famu mboa fii ebusuafo, me Sacco na m'anyɛnkofo kakraabi hɔ. Mesanso nyaa sikakorabea bi maa mbaa a wɔboaa ma wɔdze kapital fofor kaa ho.
- Osiandɛ nna me maame yɛ edwumayɛfo a noho akokwaw ntsi, ɔboaa hɛn kesii dɛm ara. Nna yɛdze sika pii hyɛɛ eguadzi mu a kuw no bɔɔ mbɔden ber nyinaa dɛ yɛbɔkɔ hɔn a wɔpɛ dɛ wɔtɔ ndzɛmba no wɔ fie mu.
- Hɛn adze no wɔ akwahosan ho ɔpɛ na yiw, edzidzibea ahorow a ɔboa iyi nyinaa edu kwan kor do anaa ɔkwan fofor do... Osiandɛ yɛyɛ ndzɛmba a wɔdze abɔdze mu dɛ ayɛ 100% ntsi, wɔagye hɛn ahyɛnsewdze ahorow no ato mu yie wɔ Kenya gua do na m’edwuma no enya nkɔdo wɔ mfe 25 a etwa mu no mu. Tsitsir dɛm ber yi a adzetɔfo no hwɛ yie kɛse wɔ dza wɔnom no mu no yeenya nyimpa pii a wɔrohwehwɛ Melvin’s tsii no ho enyigye.