Wq/fat/Diane von Fürstenberg

Diane von Fürstenberg (wɔtoo no dzin Diane Simone Michele Halfin, wɔwoo no 31 Ɔberɛfɛw 1946) yɛ Belgiumnyi a ɔwɔ adzepam ho nyimdzee a wonyim no yie wɔ ne ntar a wɔdze kyekyer ndzɛmba ho. Ahyɛse no onyaa dzin wɔ afe 1969 mu ber a ɔwaree kɔr Germany ɔhenba Fie a ɔwɔ Fürstenberg no mu, dɛ Ɔhenba Egon von Fürstenberg ne yer. Ber a wɔtsetseew mu wɔ afe1972 mu na wogyaee awar wɔ 1983 mu ekyir no, ɔkɔr do dze n’ebusua dzin no dzii dwuma. N'edwuma a ɔyɛ adzepam no, Diane von Furstenberg (DvF), wɔ aman bɔbor 70 nye fiadze ahorow 45 wɔ wiadze nyina, na edwuma no ne tsir nye eguadzidan tsitsiriw no wɔ Manhattan Meatpacking Mantɔw no mu.

Anomunsɛm

Aber biara nna mepɛ dɛ meyɛ ɔbaa a mo ho yɛ akɔndɔ. Ber a nna meyɛ ababaawa mpo no, nna memmpɛ dɛ mebɛyɛ ababaawa da. Nna mepɛ dɛ meyɛ maame.

Mbayewa a nna wohu hɔn dɛ hɔnho yɛ fɛw dze hɔnho too hɔn ahoɔfɛw nkotsee do.Muhunii dɛ otwar dɛ meyɛ ndzɛmba, dɛ m'adwen mu bɛtsew na minya nyimpa su bi a wobohu dɛ moho yɛ akɔndɔ. Ber a muhunii dɛ mennyɛ gyan bi na mpo moho twa no, nna medze moho afa ntsetsee mu dada dɛ moho bɛyɛ ahomka.
Aber biara nna mepɛ dɛ meyɛ ɔbaa a mo ho yɛ akɔndɔ. Ber a nna meyɛ ababaawa mpo no, nna memmpɛ dɛ mebɛyɛ ababaawa da. Nna mepɛ dɛ meyɛ maame.
''Diane von Furstenberg ne nsɛnkaa a n'enyiwa gye ho paara a ɔfa Abrabɔ, Ɔdɔ, nye Adzepam ho'' (2021
Mpɛn pii no, sen no kowie dɛ ɔbaa no war ɔhen ne ba banyin. Naaso emi medze no hyɛɛ ase ber a awar no gui no.
Akokudur. Sɛ ewɔ a ibotum ama biribiara ayɛ yie.
Meyɛɛ edwuma a no mu yɛ dzen dɛ medze adzepam bodu gyinabew bi a ɔfata.
Nna mepɛ dɛ meyɛ ɔbaa a wɔama no tum, na mebɛyɛɛ ɔbaa a wɔama no tum. Na afei mepɛ dɛ mema ɔbaa biara tum. Na menam me ntar do na meyɛ, menam me nsɛm do na meyɛ, menam me sika do na meyɛ, menam biribiara do na meyɛ.