Wq/fat/Adelaida K. Semesi
Adelaide Kleti Semesi (1951 – Kwakwar 6, 2001) yɛ Tanzania abɔdze a nkwa wɔ mu ho ɔbemfo, a nna ɔyɛ Po mu Abɔdze ho Ɔbemfo wɔ Dar es Salaam Suapɔn mu. Semesi a wonyim no dɛ ɔyɛ edwuma a ɔfa mangrove abɔdze a nkwa wɔ mu ho no nye basia a odzi kan a ɔyɛɛ ɔbemfo wɔ abɔdze ho nyansahu mu wɔ Tanzania.
Nsɛm a wɔaka afa Adelaida ho
[edit | edit source]Nna Ɔbemfo Semesi wɔ amanaman ntamu nkitahodzi pii, na ɔnye nyansahufo a wɔwɔ Afrika Epuei afamu mantɔw mu nye Europa, Amerika nye Asia nso yɛɛ edwuma. Ɔno nye "botany co-ordinator" a odzii kan maa Sida/SAREC aman ebien Po do Nyansahu Dwumadzi no, nna nhyehyɛɛ no dze nkɔdo kɛse a onyaa no fi ne nsɛm a ho hia no. Ber a nna ɔwɔ dwumadzi yi mu na Adelaida Semesi nyaa adwen dɛ ɔbɛyɛ "flora" yi. Ohun hia a ohia kɛse na wobotum ayɛ po mu ndua ho nhwehwɛmu wɔ Tanzania na ɔtsee mfaso a ɔwɔ edwindadze a ɔnnyɛ dzen a wɔdze hu ndzɛmba ho ase. Mfe no mu no, ɔdze enyigye na ntseasee a ɔwɔ ma dza mfaso wɔ ho no ekenyan edwuma no ber nyinaa. Sɛ yɛdze nyansahufo a ɔsen obiara to nkyɛn a, nna Ɔbemfo Semesi nso yɛ obi a noho yɛ hyew na ɔda mu soronko koraa. Hɛn a hɛn enyi gyee dɛ yɛnye no yɛɛ edwuma wɔ mfe yi mu no afe paa.