Wq/bcl/kagadanan

From Wikimedia Incubator
< Wq‎ | bclWq > bcl > kagadanan

An kagadanan iyo an permanenteng pagpundo kan gabos na paghirò nin biolohikal na nagsusustinir sa sarong nabubuhay o pisikal na organismo. An kagadanan puedeng nanonongod sa katapusan nin buhay, sarong pangyayari o kamugtakan.


Mga Sambit[edit | edit source]

Sangribong taon na
akong nagpapalitong-litong
sa saimong kadagaan,
sa mga kasalugan,
sa mga kadagatan.
Sain mo baya ako
Muyang mautsan?
- Hali sa tulang Gapo [2] kan librong [[|Wq/bcl/Gapo|Gapo]], pahina 9.

Para sa kagadanan[edit | edit source]

Angaton mo an kagadanan
sabihon mong boot ko siyang makahampang
sa patas na laban, daing dayaan.

Tumagbang hali sa toreng halangkaw,
rumurip sa pusod nin kadagatan,
magin man sa paglaslas nin pulso
o pag-inom nin pinakamakusog na hilo,
dai ko ini aatrasan.

Huling bistado ko na siyang marhay
nahiling ko na an saiyang kabayo
duman sa Bosnia asin Somalia,
o digdi sa sato, sa mga malungsi
asin malipot na mga DH na inu-uli.

Asin ini an habo ko saiya.
Siya an nagdidikta
kun dai o katapusan mo na.

Kaya, sabihon mo saiya
pag-oolayan mi an panahon o lugar.
Tutal, mayo ka naman,
an saimong paghali
saro nanaman na kagadanan.
- Hali sa tulang Para sa Kagadanan kan librong Cancion nin mga Tawong-Lipod, pahina 100.