Wp/zgh/ⴰⴳⴰⴷⵉⵔ
Wp/zgh/ⴰⴳⴰⴷⵉⵔ | ||
---|---|---|
ⵍⵎⵖⵔⵉⴱ | ||
| ||
ⴰⴷⵖⴰⵔ | ||
ⵜⴰⵎⵓⵔⵜ | ⵍⵎⵖⵔⵉⴱ | |
ⵜⴰⵎⵏⴰⴹⵜ | ⵜⴰⵎⵏⴰⴹⵜ ⵏ ⵙⵓⵙ-ⵎⴰⵙⵙⵜ | |
ⵜⴰⵎⵏⴱⴰⴹⵜ | ⵜⴰⵎⵏⴱⴰⴹⵜ ⵏ ⴰⴳⴰⴷⵉⵔ-ⵉⴷⴰⵡⵜⴰⵏⴰⵏ | |
ⵜⴰⴳⵔⴰⵡⵜ | Agadir | |
ⵜⴰⵎⵙⵙⵓⴳⵓⵔⵜ | ||
ⴰⵏⴱⴱⴰⴹ | ⵄⴰⵣⵉⵣ ⴰⵅⴰⵏⵏⵓⵛ | |
ⵜⴰⵔⴰⴽⴰⵍⵜ | ||
ⵜⴰⵜⵜⵓⵢⵜ | 74 m | |
ⵜⴰⵔⴰⵖⵔⴼⵜ | ||
ⵉⵎⵣⴷⴰⵖ | 538 000 ⵏ ⵉⵎⵣⴷⴰⵖ (1 Yulyu 2023) | |
ⵜⴰⵡⵊⵉⵡⵉⵏ | 105 057 | |
ⵉⵏⵖⵎⵉⵙⵏ ⵢⴰⴹⵏⵉⵏ | ||
ⴰⵙⵙⵔⵙⵍ | 1505 | |
ⴰⴽⵓⴷ ⴰⴷⵖⴰⵔⴰⵏ | ⴰⴽⵓⴷ ⵏ ⵡⴰⵎⵎⴰⵙ ⵏ ⵜⵓⵕⵓⴱⵜ | |
agadir.ma | ||
ⵜⴰⴽⴰⵕⴹⴰ | ||
ⴰⴳⴰⴷⵉⵔ ⵜⴳⴰ ⵢⴰⵜ ⵜⵉⵖⵔⵎⵜ ⵉⵍⵍⴰⵏ ⵖⵯ ⵢⵉⴼⴼⵓⵙ ⵏ ⵜⵎⵓⵔⵜ ⵏ ⵍⵎⵖⵔⵉⴱ ⵜⴳ ⵜⵉⵖⵔⵎⵜ ⵜⴰⵎⵇⵇⵕⴰⵏⵜ ⴷ ⵜⵎⴰⵏⴰⵖⵜ ⵏ ⵜⵙⴳⴰ ⵏ ⵓⴳⴰⴷⵉⵔ ⵉⴷⴰⵡⵜⴰⵏⴰⵏ ⵓⵍⴰ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⴰ. ⵣⴷⵖⵏ ⴷⵉⴳⵙ 421,844 ⵏ ⵎⵉⴷⴷⵏ[1], ⵔⴰⴷ ⵍⴽⵎⵏ ⵎⴰⵏⵏ ⵢⴰⵥⵏ ⵉ 1.000.000 ⵏ ⵓⴼⴳⴰⵏ ⵎⴽ ⴰⵙⵏ ⵏⵙⵎⴷ ⵡⵉⵏ ⵉⴹⵓⵕⴰⵏ ⵏⵏ ⵢⴰⵥⵏ ⵉ ⵓⴳⴰⴷⵉⵔ. ⵜⵜⵢⴰⵡⵙⴽⴰⵔ ⵜⵖⵔⵎⵜ ⵏ ⵓⴳⴰⴷⵉⵔ ⵅⴼ ⵉⴼⴰⵙⵙⵏ ⵏ ⵉⴳⵍⴷⴰⵏ ⵏ ⵉⵃⴰⵃⴰⵏ ⵍⵍⵉⵖ ⵓⵔ ⵜⴰ ⴷ ⵉⴽⵛⵎ ⵍⵉⵙⵍⴰⵎ ⴰⵍⵙⵏ ⵙ ⴷⴰⵖ ⵉⴱⵔⴷⵇⵇⵉⵣⵏ ⴳ ⵎⴰ ⵏⵏ ⵢⴰⵥⵏ ⵉ ⵓⵙⴳⴳⵯⴰⵙ ⵏ 1500, ⴷ ⴼⵓⴽⴽⴰⵏ ⵜⵜ ⵉⵎⵕⵕⵓⴽⵉⵏ ⴳ ⵓⵙⴳⴳⵯⴰⵙ ⵏ 1526 .
ⴳ 1960, ⵢⵓⵜ ⵢⴰⵏ ⵓⵎⴷⵓⴷⵉ ⵏ ⵡⴰⴽⴰⵍ ⵜⵉⵖⵔⵎⵜ ⵏ ⵓⴳⴰⴷⵉⵔ, ⵎⵎⵓⵜⵏ ⴳⵉⵙ ⵎⴰ ⴷ ⵉⴳⴳⴰⵏ ⴷⵯ ⵜⵓⴳⵜ ⵏ ⵉⴼⴹⵏ ⵏ ⵉⵎⵓⴳⴰⵙ ⵜⴰⵎⵍⵍⴰ ⵏ ⴱⴰⴱ ⵉⴳⵏⵡⴰⵏ ⴼⵍⵍⴰⵙⵏ
ⴰⵙⵙⴰⵖ
ⴰⴳⴰⴷⵉⵔ ⵉⴳⴰ ⵢⴰⵏ ⵡⴰⵙⵙⴰⵖ ⴰⵎⴰⵣⵉⵖ ⴰⵏⴰⵎⴽ ⵏⵏⵙ ⵉⴳⴰ ⵜ ⵉⵖⵔⵎ ⴰⴽⵛⵔⴰⵔⴰⴹ ⵏⵖ ⵜⴰⵣⵇⵇⴰ ⵏ ⵓⵊⵎⵓ ⴷ ⵉⵎⵏⴷⵉ... , ⵍⵍⴰⵏ ⵜⵓⴳⵜ ⵏ ⵡⴰⵙⵙⴰⵖⵏ ⵢⴰⴹⵏⵉⵏ ⵉ ⵜⵖⵔⵎⵜ ⵏ ⵓⴳⴰⴷⵉⵔ ⵙⴳ ⵜⴰⵙⵓⵜ ⵜⵉⵙ ⵙⵎⵎⵓⵙⵜ ⴷ ⵎⵔⴰⵡ, ⴷⵉⴳⵙⵏ ⵎⴰⴷ ⵉⴳⴰⵏ ⵡⵉⵏ ⵉⵎⵣⴷⴰⵖ ⵣⵓⵏ ⴷ "ⴰⴳⴰⴷⵉⵔ ⵏ ⵉⵖⵉⵔ" , "ⴰⴳⴰⴷⵉⵔ ⵏ ⵍⵄⵕⴱⴰ" , "ⵍⵄⵉⵏ ⵏ ⵍⵄⵕⴱⴰ" , "ⵜⵉⴳⵎⵎⵉ ⵏ ⵍⵄⵉⵏ ⵏ ⵍⵄⵕⴱⴰ", "ⵜⵉⴳⵎⵎⵉ ⵏ ⵓⵕⵓⵎⵉ" . ⵉⵍⵉⵏ ⵡⴰⵙⵙⴰⵖⵏ ⵍⵍⵉ ⴰⵙ ⴳⴰⵏ ⵉⵎⴷⴷⵓⵔⵢⵏ ⵙⵍⴰⵡⴰⵏⵏ ⴰⴽⴽⵯ ⵉⴱⵔⴷⵇⵇⵉⵣⵏ ⵣⵓⵏ ⴷ : "Santa cruz de Ague", "Santa Cruz du cap do" ... . ⵉⵍⵉⵏ ⵡⴰⵙⵙⴰⵖⵏ ⵢⴰⴹⵏⵉⵏ ⵍⵍⵉ ⵉⵜⵜⵢⴰⴼⴰⵏ ⴳ ⵜⴽⵔⴹⵉⵡⵉⵏ ⴷ ⵜⵏⴼⵓⵍⵉⵏ ⵜⵉⵇⵇⴱⵓⵔⵉⵏ . ⵔⴰⴷ ⵍⴽⵎⵏ ⵡⴰⵙⵙⴰⵖⵏ ⴰⴷ ⵎⴰ ⵏⵏ ⵢⴰⵥⵏ ⵉ 20 , ⵎⴰⵛⵛ ⵜⵓⴳⵜ ⵏⵏⵙⵏ ⵓⵔ ⵙⵓⵍ ⵜⵜⵢⵙⵙⴰⵏⵏ . ⴷⵖⵉ ⵓⵔ ⵙⵓⵍ ⵇⵇⵉⵎⵏ ⴰⵎⵔ ⵙⵉⵏ ⴳ ⵡⴰⵙⵙⴰⵖⵏ ⴰⴷ ⵜⵏ ⵉⴳⴰⵏ ⴷ "ⴰⴳⴰⴷⵉⵔ" ⴷ ⵢⴰⵏ ⵡⴰⵙⵙⴰⵖ ⵢⴰⴹⵏ ⴰⵔ ⵜ ⵜⵜⵉⵏⵉⵏ ⵉ ⵢⴰⵏ ⴳ ⵉⴹⵓⵕⴰⵏ ⵏ ⵜⵖⵔⵎⵜ "ⴼⵓⵏⵜⵉ" .
ⴰⵎⵣⵔⵓⵢ
ⴰⵙⵙⵏⵜⵉ ⵏ ⵜⴰⵙⵓⵜ ⵜⵉⵙⵙ 20
ⴳ 1911, ⵜⵙⵙⵉⴼⴹ ⴰⵍⵉⵎⴰⵏ ⵢⴰⵏ ⵓⵖⵔⵔⴰⴱⵓ ⵙ ⵓⴳⴰⴷⵉⵔ ⵉⵙⵎ ⵏⵏⵙ ⴱⴰⵏⵜⵔ (SMS Panther), ⴰⵢⴰ ⵉⵙⵎⵏⵜⵙ ⵜⴰⵙⵙⴰⵙⵜ ⵏ ⵓⴳⴰⴷⵉⵔ ⵊⴰⵔ ⴰⵍⵉⵎⴰⵏ ⴷ ⴼⵕⴰⵏⵚⴰ.
ⴰⵎⵓⵙⵙⵓ ⵏ ⵡⴰⴽⴰⵍ ⵏ 1960
ⴳ 29 ⴼⴰⴱⵕⴰⵢⵔ 1960, ⴳ ⵓⴳⴰⴷ ⵡⵉⵙⵙ 11 ⴷ 57 ⵏ ⵜⵓⵙⴷⴰⴷⵜ ⵏ ⵢⵉⴹ , ⵉⵎⵎⵓⵙⵙ ⵡⴰⴽⴰⵍ ⵏ ⵓⴳⴰⴷⵉⵔ, ⴰⵢⵍⵍⵉ ⴷ ⵢⵉⵡⵉⵏ ⴰⵍⵍⵉⴳ ⵜⵏⴷⵍ ⵜⵖⵔⵎⵜ. ⴳ 15 ⵏ ⵓⵍⵜⵓ ⵉⵜⵜⵢⵎⴹⴰⵍ ⵎⴰⴷ ⵉⵣⵔⵉⵏ 15.000 ⵏ ⵓⴼⴳⴰⵏ . ⵍⵍⵉⴳ ⵉⵣⵔⵉ ⵓⵏⴳⴳⵣⴰ ⵏ ⵓⴳⴰⴷⵉⵔ ⵉⵏⵏⴰ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵙⵎⵎⵓⵙ : «لئن حكمت الأقدار بخراب أكادير، فإن بنائها موكول إلى إرادتنا وعزيمتنا» , ⵏⵖⴷ : « ⵉⴳ ⵉⵣⵣⵓⵔⴼ ⵓⵔⵜⵓⵎ ⴰⵏⴷⴰⵍ ⵏ ⵓⴳⴰⴷⵉⵔ , ⵜⵓⵚⴽⴰ ⵏⵏⵙ ⵜⵍⵍⴰ ⴼ ⵡⴰⵇⵇⴰⵙ ⵏⵏⵖ ⴷ ⵓⵎⵓⵎⵎⵉ ⵏⵏⵖ » ⵉⵜⵢⵙⴽⴰ ⵓⴳⴰⴷⵉⵔ ⴰⵎⴰⵢⵏⵓ ⵖ 2 ⴽⵎ ⵖ ⵉⴼⴼⵓⵙ ⵏ ⵓⴳⴰⴷⵉⵔ ⵜⴰⵇⵇⴱⵓⵔⵜ . ⵜⵉⵖⵔⵎⵜ ⵜⴰⵎⴰⵢⵏⵓⵜ ⵙ ⵉⴱⵔⵉⴷⵏ ⵏⵏⵙ ⵉⴱⴰⵔⴰⵡⵏ ⴷ ⵜⵉⵙⴽⴽⴰ ⵏⵏⵙ ⵜⵉⵎⴰⵢⵏⵓⵜⵉⵏ ⴷ ⵜⴱⵔⵏⴰⵟⵉⵏ ⵏⵏⵙ ⵓⵔ ⵜⴳⴰ ⵣⵓⵏⴷ ⵜⵉⵖⵔⵎⵉⵏ ⵜⵉⵇⵇⴱⵓⵔⵉⵏ ⵏ ⵓⵎⵕⵕⵓⴽ . ⴷ ⵏⵜⵜⴰⵜ ⴰⴷ ⵢⵉⵡⵉⵏ ⵜⴰⵙⴽⵯⴼⵍⵜ ⵜⵉⵙⵙ ⵙⵏⴰⵜ ⵖ ⵜⵎⴰⵍⵍⴰⵢⵜ ⴹⴰⵕⴰⵜ ⴰⵎⵓⵕⵕⴰⴽⴽⵯⵛ ⵙ ⵓⴳⴰⵍⴰⵣ ⵏ ⵓⴼⵜⴰⵙ ⵏⵏⵙ ⵉⴱⵓⵖⵍⴰⵏ ⴷ ⵉⴳⵏⵏⴰ ⵏⵏⵙ ⴰⵥⵔⵡⴰⵍ . ⵢⵓⵛⴽⴰⴷ ⵖ ⵜⵉⵟⵟⴰⵏ ⵍⵍⵉ ⵉⵜⵜⵢⵙⴽⴰⵔⵏ ⵎⴰⵙⴷⴷ ⴰⵏⴰⴷⴰⵍ ⵍⵍⵉ ⵢⵓⵜⵏ ⴰⴳⴰⴷⵉⵔ ⵉⴳⴰ ⵡⴰⵍⵍⵉ ⴱⴰⵀⵔⴰ ⵉⴳⴳⵓⵜⵏ , ⵍⵍⵉⴳ ⵢⵓⵜ ⵓⵏⵏⴳⵣⴰ ⵜⵓⴳⵜⵜ ⵏ ⵉⴹⵓⵔⴰⵏ ⵏⵙ (ⵜⴰⵍⴱⴷⵊⵜ , ⵍⵇⵚⴱⵜ...) , ⴷ ⵉⴷⵖⴰⵔⵏ ⴰⴷ ⴷⴰⵔⵙⵏ ⵢⴰⵏ ⵓⵏⴱⴹⵓ ⵉⵎⵎⵔⵡⴰⵙⵏ , ⴰⵜⵜ ⵉⴳⴰⵏ ⴷ ⵓⵙⵜⵜⵉⵖ ⵍⵍⵉ ⵉⵍⵍⴰⵏ ⵖ ⴷⴷⵓ ⵡⴰⴽⴰⵍ , ⵍⵍⵉ ⵉⵎⵎⵏⵜⵍⵏ ⴳ ⵎⴰⴷ ⵉⵣⵔⵉⵏ ⵉ ⵜⵓⴳⵜⵜ ⵏ ⵜⵎⵓⴽⵔⵉⵙⵉⵏ ⵖ ⵜⴷⴼⴼⵓⵔⵜ ⵏ ⵡⴰⴽⴰⵍ , ⵎⴰⵛⵛ ⵖ ⵓⵙⴳⴳⵯⴰⵙ ⵏ 1960 ⵉⵍⵍⴰ ⵢⴰⴽⴽⵯ ⵓⵎⵓⵙⵙⵓ ⵏ ⵡⴰⴽⴰⵍ ⵍⵍⵉ ⵉⵎⵎⵏⵜⵍⵏ ⵉ ⵓⵏⴰⴷⴰⵍ ⵏ ⵜⵖⵔⵎⵜ . ⴹⴰⵕⴰⵜ ⴰⵎⵏⴳⴰⵙ ⵍⵍⵉ ⵢⵓⵜⵏ ⴰⴳⴰⴷⵉⵔ ⵖ ⵡⴰⵙⵙ ⵏ 29 ⴼⴰⴱⵕⴰⵢⵔ 1960 , ⵉⴹⵕⴷ ⵓⵟⵟⵓⵏ ⵏ ⵉⵎⵣⴷⴰⵖ ⵣⵣⵖ 45000 ⴰⵔ 16000 .
ⴰⵙⵓⴷⵙ ⴰⵖⵔⵎⴰⵏ
ⵜⴰⴳⵔⴰⵡⵜ ⵜⴰⵖⵔⵎⴰⵏⵜ ⵏ ⵓⴳⴰⴷⵉⵔ ⵉⵍⵍⴰⵏ ⴷⵖⵉ, ⵜⵙⵎⴰⵏ 4 ⵏ ⵜⴳⵔⴰⵡⵉⵏ ⵣⵡⴰⵔⵏⵜ ⵜⵜ: ⵜⴰⴳⵔⴰⵡⵜ ⵜⴰⵖⵔⵎⴰⵏⵜ ⵉⵣⵡⴰⵔⵏ ⵏ ⵓⴳⴰⴷⵉⵔ, ⵜⴰⴳⵔⴰⵡⵜ ⵜⴰⵖⵔⵎⴰⵏⵜ ⵏ ⵡⴰⵏⵥⴰ, ⵜⴰⴳⵔⴰⵡⵜ ⵜⴰⴼⴰⵔⴰⵏⵜ ⵏ ⴱⵏⵙⵔⴳⴰⵡ ⴷ ⵜⴳⵔⴰⵡⵜ ⵜⴰⴼⴰⵔⴰⵏⵜ ⵏ ⵜⵉⴽⵉⵡⵉⵏ.
ⴰⴳⴰⴷⵉⵔ ⵏ ⵓⴼⵍⵍⴰ
ⵉⴱⵏⴰ ⵜ ⵓⴳⵍⵍⵉⴷ ⴰⵙⵄⴷⵉ ⵄⴱⴷ ⵍⵍⴰⵀ ⵍⵖⴰⵍⴱ ⴳ 1572. ⵉⵜⵜⵓⴱⵏⴰ ⵓⴳⴰⴷⵉⵔ ⴰⴷ ⴳ ⵢⴰⵏ ⵓⵡⵔⵉⵔ ⵢⴰⵜⵜⵓⵢⵏ ⵙ 236 ⵎ. ⵉⵜⵜⵢⵓⵔⴰ ⴳ ⵓⵡⵔⵉⵔ ⴰⴷ ⵙ ⵜⵄⵕⴰⴱⵜ: ⴰⴽⵓⵛ, ⴰⵎⵓⵔ, ⴰⴳⵍⵍⵉⴷ. ⴳ ⵜⴰⴳⴳⵓⵔⵜ ⵏ ⵓⴳⴰⴷⵉⵔ ⵏ ⵓⴼⵍⵍⴰ ⵉⵜⵜⵢⵓⵔⴰ ⵙ ⵜⵀⵓⵍⴰⵏⴷⵉⵜ: ⴽⵚⵓⴹ ⴰⴽⵓⵛ, ⵜⵡⵇⵇⵔⵜ ⴰⴳⵍⵍⵉⴷ ⵏⵏⴽ.
ⵉⴳⵎⴰⵎⵏ
- ⵜⵓⵥⵓⵎⵜ ⵏ ⵍⵎⴷⵉⵏⵜ
- ⵖⵓⵔ ⵉⵍⴻⵍ
- ⴰⵎⵙⵔⵏⴰⵜ
- ⵜⴰⵍⴱⵓⵔⵊⵜ ⵜⴰⵎⴰⵢⵏⵓⵜ
- ⵢⵃⵛⴰⵛ
- ⴱⵓⵜⵛⴰⴽⴽⴰⵜ
- ⵙⵡⵉⵙⵙ
- ⴼⵓⵏⵜⵉ
- ⵛⴰⵔⴰⴼ
- ⴷⴰⵅⵍⴰ
- ⴰⵍⵀⵓⴷⴰ
- ⵃⴰⵢ ⵎⵓⵃⴰⵎⵎⴰⴷⵉ
- ⴰⴷⵔⴰⵔ
- ⵜⵉⴽⵉⵡⵉⵏ
- ⵎⴰⵙⵙⵉⵔⴰ
- ⵜⵉⵍⵉⵍⴰ
- ⴱⵏ ⵙⵔⴳⴰⵡ
- ⵉⵙⵍⴰⵏ
- ⴰⵏⵣⴰ
- ⵜⴰⴷⴷⴰⵔⵜ
ⵉⵙⴰⵖⵓⵍⵏ
- ↑ ⴰⵙⵉⴹⵏ ⵏ 2014.