Wp/zgh/ⵎⴰⵣⴰⴳⴰⵏ
ⵎⴰⵣⵉⵖⵏ ⵏⵖ ⵊⴷⵉⴷⴰ ⴷ ⵉⵛⵜ ⵏ ⵜⵎⴷⵉⵏⵜ ⵉⵍⵍⴰⵏ ⴳ ⵓⵜⴰⵔⴰⵎ ⵏ ⵓⵎⵔⵔⵓⴽ, ⴳ ⵜⵎⵏⴰⴹⵜ ⴽⴰⵥⴰ - ⴰⵥⵟⵟⴰⵜ. ⵣⴷⵖⵏ ⵜⵜ 144,440 ⵏ ⵎⴷⴷⵏ.[1] ⴳ ⵓⵙⵙⵏⵜⵉ ⵏ ⵜⴰⵙⵓⵜ ⵜⵉⵙⵙ 16, ⵓⵎⵥⵏ ⵜⵜ ⵉⴱⵔⵜⵇⵉⵣⵏ, ⴱⵏⵓⵏ ⴳⵉⵙ ⵢⴰⵜ ⵜⴳⴰⴷⵉⵔⵜ. ⵙⵙⵓⵔⵔⵉⵏ ⵜⵜ ⵉⴷ ⵉⵎⵔⵔⵓⴽⵉⵢⵏ ⴳ 1769.
ⴰⵎⵣⵔⵓⵢ
ⴳ 1514, ⴱⵏⴰⵏ ⵉⴱⵔⵜⵇⵉⵣⵏ ⵜⴰⴳⴰⴷⵉⵔⵜ ⵏⵏⵙⵏ ⴳ ⵓⴷⵖⴰⵔ ⵏ ⵢⴰⵜ ⵜⴳⴰⴷⵉⵔⵜ ⵉⵇⴱⵓⵔⵏ ⵉⵏⵏⵙⵜⵎⵏ, ⴷⴼⴼⵉⵔ ⵎⴰ ⴼⴼⴰⵖⵏ ⵙⴳ ⵎⴰⵣⵉⵖⵏ ⵉⵣⵡⴰⵔⵏ. ⵙⵎⵎⴰⵏ ⵜⴰⴳⴰⴷⵉⵔⵜ ⵎⴰⵣⴰⴳⴰⵏ, ⵉⵙⵎ ⴰⴷ ⵉⴳⴰ ⵖⴰⵙ ⵉⵊⵊ ⵏ ⵓⵙⵉⵏⴼ ⵏ ⵢⵉⵙⵎ ⵏ ⵎⴰⵣⵉⵖⵏ.
ⴳ 1769, ⵉⵙⵙⵓⵜⵍ ⵓⴳⵍⵍⵉⴷ ⴰⵄⵍⵡⵉ ⵎⵓⵃⵎⵎⴷ ⵓ ⵄⴱⴷⵍⵍⴰⵀ ⵉ ⵜⴳⴰⴷⵉⵔⵜ ⵜⴰⴱⵔⵜⵇⵉⵣⵜ. ⵉⵜⵜⵡⴰⴳⴳ ⵢⴰⵏ ⵓⵎⵙⴰⵙⴰ ⴰⴽⴷ ⵓⴳⵍⵍⵉⴷ ⵎⵓⵃⵎⵎⴰⴷ ⵓ ⵄⴱⴷ ⵍⵍⴰⵀ ⴱⴰⵛ ⴰⴷ ⴼⴼⵖⵏ ⵉⴱⵔⵜⵇⵉⵣⵏ ⴳ ⵍⴰⵎⴰⵏ.
ⵉⵎⵣⴷⴰⵖⵏ ⴷ ⵡⴰⵎⵓⵏ
ⵜⴰⵔⴰⵖⵔⴼⵜⵜ
ⴰⵙⵍⵎⴷ
ⵜⵍⵍⴰ ⴳ ⵜⵎⴷⵉⵏⵜ ⵏ ⵎⴰⵣⵉⵖⵏ ⵜⴰⵙⴷⴰⵡⵉⵜ ⵛⵄⵉⴱ ⵓⴷⵓⴽⴰⵍ ⵏⵏⴰ ⵉⵏⵜⴰⵏ ⴳ 1985 ⵙ ⵙⵏⴰⵜ ⵜⵎⵔⵙⴰⵍ: ⵜⴰⵖⵉⵡⴰⵏⵜ ⵏ ⵜⵎⴰⵙⵙⴰⵏⵉⵏ ⴷ ⵜⵖⵉⵡⴰⵏⵜ ⵏ ⵜⵙⴽⵍⴰ ⴷ ⵜⵎⴰⵙⵙⴰⵏⵉⵏ ⵜⵉⵏⴰⴼⴳⴰⵏⵉⵏ. ⴳ ⵜⵙⵉⵔⵜ ⵉⴳⴳⵯⵔⴰⵏ, ⵜⴻⵜⵜⵡⴰⴳⴳⵏⵜ ⴽⵔⴰⴹⵜ ⵏ ⵜⵎⵔⵙⴰⵍ ⵏⵏⵉⴹⵏ: ⵜⴰⵖⵉⵡⴰⵏⵜ ⵜⴰⴳⵜⵉⵥⵍⵉⵜ ⴳ 2004, ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵜⵙⴱⴱⴰⴱⵜ ⴷ ⵓⵙⵡⵓⴷⴷⵓ ⴳ 2006 ⴷ ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵜⵎⴰⵙⵙⴰⵏⵉⵏ ⵜⵓⵙⵏⵉⵙⵉⵏ ⴳ 2008.
ⵜⵓⴷⴷⵓⵔⵉⵏ
ⵜⴰⴷⵍⵙⴰ ⵜⴰⴷⵖⵔⴰⵏⵜ ⴷ ⵡⴰⵢⴷⴰ
ⴰⵎⵣⴳⵓⵏ
ⴷ ⵉⵛⵜ ⵏ ⵜⵓⵚⴽⴰ ⵉⵜⵜⵓⴱⵏⴰⵏ ⴳ 1925, ⵉⴹⴼⴰⵔ ⴰⵎⵣⴳⵓⵏ ⵏ ⴽⴰⵥⴰ, ⴷ ⴰⵎⵣⴳⵓⵏ ⵡⵉⵙⵙ ⵙⵉⵏ ⴳ ⵓⵎⵔⵔⵓⴽ. ⴳ ⵓⵎⵣⵡⴰⵔⵓ ⵜⵓⵖⴰ ⵉⵙⵎ ⵏⵏⵙ ⵜⴰⴷⴰⵍⴰ ⵜⵓⵖⵔⵉⵎⵜ ⵏ ⵜⴼⵓⴳⵍⵉⵡⵉⵏ (Salle Municipale des Fêtes). ⵜⵣⵔⵉ ⵜⵎⵣⴳⵓⵏⵜ ⵜⴰⵎⵣⵡⴰⵔⵓⵜ Le malade imaginaire, ⵏ ⵎⵓⵍⵢⵉⵔ, ⴳ 15 ⵢⵓⵍⵢⵓⵣ 1930.
ⴳ 2012, ⵉⵏⵏⵓⵔⵥⵎ ⵓⵎⵣⴳⵓⵏ ⵙ ⵢⵉⵙⵎ ⴰⵎⴰⵢⵏⵓ: ⴰⵎⵣⴳⵓⵏ ⵄⴰⴼⵉⴼⵉ, ⴷⴼⴼⵉⵔ ⵏ ⵓⵙⵎⴰⵢⵏⵓ ⵏⵏⵙ.
ⵜⴰⵎⵓⴹⴼⵉ ⵜⴰⴱⵔⵜⵇⵉⵣⵜ
ⴰⴼⵏⵙⵓ ⵙⵉⴷⵉ ⴱⵓⵡⴰⴼⵉ
ⴳⵔ ⵓⵙⴳⴳⵯⴰⵙ ⵏ 1914 ⴷ 1916 ⴳ ⵓⵙⵙⵏⵜⵉ ⵏ ⵜⵎⵙⵜⵏⴰ ⵜⴰⴼⵔⴰⵏⵙⵉⵙⵜ, ⴱⵏⴰⵏ ⵉⴼⵔⴰⵏⵙⵉⵙⵏ ⵙ ⵢⴰⵜ ⵜⴳⵔⵓⵎⵎⴰ ⵏ ⵉⵏⴽⵔⴰⴼ ⵉⵍⵉⵎⴰⵏⵏ ⴰⴼⵏⵙⵓ ⵙⵉⴷⵉ ⴱⵓⵡⴰⴼⵉ. ⵉⵜⵜⵓⴱⵏⴰ ⴳ ⵜⴰⵏⵇⵇⵉⴹⵜ ⴰⴽⴽⵯ ⵢⴰⵜⵜⵓⵜⵢⵏ ⴳ ⵜⵙⴳⴰ ⵏ ⵎⴰⵣⵉⵖⵏ, ⵜⴰⵎⴰ ⵏ ⵓⵙⵎⴹⵍ ⵏ ⵙⵉⴷⵉ ⴱⵓⵡⴰⴼⵉ. ⵢⴰⵜⵜⵓⵢ ⵓⴼⵏⵙⵓ ⵙ 43 ⵎ.
ⵉⵙⵖⵏⴻⵏ ⵏ ⴱⵔⵔⴰ
- ⵊⵉⵍⴰⵍⵉ ⴹⵔⵉⴼ, ⴰⵎⵣⵔⵓⵢ ⵏ ⵉⵊⵊ ⵏ ⵓⴼⵏⵙⵓ.. ⴰⴼⵏⵙⵓ ⵙⵉⴷⵉ ⴱⵓⵡⴰⴼⵉ, 7 ⴱⵔⴰⵢⵔ 2016. (ⵙ ⵜⴼⵔⴰⵏⵙⵉⵙⵜ)
- ⵊⴷⵉⴷⴰ ⴱⵔⵉⵙ, ⵜⵉⵏⴰⵡⵜ. (ⵙ ⵜⵄⵔⴰⴱⵜ)
- ⴷⵓⴽⴰⵍ ⴱⵔⵉⵙ, ⴰⵎⴳⵔⴰⴷ. (ⵙ ⵜⵄⵔⴰⴱⵜ)
- http://www.eljadida24.com/ar/10589.html
- http://www.assabah.press.ma/?view=article&tmpl=component&layout=default&id=33664
ⵉⵙⴰⵖⵓⵍⵏ
- ↑ ⴰⵙⵉⴹⵏ ⵏ 2004.