Wp/zai/Yé nchiovee ner Yé Laá

Yé nchiovee ner Yé Laá

Dif nii ko dolash no´ li no lent yes na San Andrés Paxtlán nak xhe men li prent.. Kue nak xhé diif mgol ner diif mií mxhelia.
Kue mblod re xhun no lo no´ ner kadosh mke lash noy. Lent ní re nakin li che men chop Yeé, dif Yeé le Yé nchiovee ner ta dif Yeé le Yé Laá. Rop Yeé re nakin kuan men na lent guan, nagadt li che men yeé ko mxhen men. Yeé nchiovee nak dif yé ko mtal Dios xha guen yay lo rop xha ko mxhelia. Yeé nchiovee nak dif Yeé ko cho ni na Dios, ko na nakin ka tiob ba lo nií.
Xhé mxhelia chop men, xhun xha mií kuan dif men xha dexhí rop yeé re. Men re nakin diif xha gosha ner nakin loó bés xha chac ni re. Nagadt gab xha yenta lo xhun mií ko mxhelia.

Xhe mxhial xha men re, re yon xha kuan ta dif men xha ya kon xha re. Xhe mxhial xha men re, rop xhun mií, xhe mtete güis mxhin liz men re ner thas mezcal ner yeet xha men reé mat diif yá losh ner gües yeé re lo nií.

Rop men re da de kuen Yeé re til, ner nakin güez xí chop mel ner xí chop mgú. Tis xial xha men lo net nakin gab xha pa dash ner nakin güez re men re xha thas dif yas lo rop men re. Un xha nakin kuan xha Yeé re.

Nakin güez diif boté mdú ner ta diif boté na mezcal. Nakin thas i lo re men re, ko na be rop xha mel ner gú.

Yeé re myal let dif Yí le “Yi dia” , mxhin dif güis ko ná gol ye reé, nal mtetey xhog ta dif vez. Tak mxhial men na ta más yes ne.

Mxhé mte te men kuan men Yeé re nakin gol men lo Dios,kuen nakin li re ta xha, nakin güas ne. Mxhé mkan men rop Yeé re, re men veré liz xha ko nakin mkap yeé, tia na died xhun mi´ ner mxhol xha diif leey ner mke ni res lo rop Yeé.

Xhe goló mke ni re men, reta men da liz xha mgot. Mkes sisxha re Yeé. Mxhin xha liz xha mgot ner mxhol xha diif leey lo Yeé. Xha na´ bizt re Yeé nakin chon xha nit du ner mezcal. Xhé mxhi xha liz mgot ko mxhia thus kues dif galó con re Yeé, xhé goló miz lent re nakin riit xha mko mxhelia.

Xhé dush xhan galó re, xhol re men dif ko le “parabién”, goló kue re men myu mdu. Mxhé goló kue chop mdiet (dif mií ner mgot) mkeni loó mxha ko mxhelia no´ x gesla lo te guas.

Mxhé goló mdo re men mte te beer keni, nal, mxha mgot ter dab rop Yeé lo re men ko gua lo ni´, nagadt tien rez xhi, nakin ta xha ko mxial.

Mxhe keni beer, te lash lo re padrin mel, mezcal, yet, cervess ne beer. Mxhé goló kue, xha mgot mkan reta Yeé re. Tis na lit ta xhay, tis diif men titi Yeé re kap ya lay lo xha ko mxhelia. Chan Dios ha bes re men.

Mxhé blit xhay, nakin tood xhiy lo Dios ner chon xha mduy ner mezcla xha na bizta ay.