Pan/panch'el (káastelan t'aan: tucán): juntúul chan ch'íich' ku jaantik neek' yéetel ku jaantik u yich che'ob, ti' yaan ichil le láak'tsilil Ramphastidae.
K'ajo'oltan tu yo'olal u chawakil u koj bey xan tu yo'olal u boonil yanti' u kojo' u boonile' boox, sak k'aank'an, chak k'an yéetel ya'ax, u nojochil u wíinkilaale' ku chukik jun náabk'ab táankuch, ba'ale' je'el u k'uchul tak óox náabk'abe', ma' tu jach aaltal. U k'aaba' ichil u jejeláasilo'obe' ku k'aabatik tucán toco, u máas chichane' ku k'aabatik tucancito verde u chan kojo'obe' u óox xootil u nojochil u wíinkilal.
Le panch'elo' ki' u yu'ubik u kuxtalil tu'ux ya'ab ka'anal k'abche'ob tumen beeyo' ma' tu xu'upul le ba'a ku jaantiko', suuk u yila'al ti' tuláakal u no'oj lu'umil América u noojol México tak u lu'umil Argentina, suuk u jaantik neek'o'ob yéetel yich che' ba'ale' je'el u jaantik tak mejen ik'elo'ob.
.jpg)