Ich Kastlant'aane leti' le k'aj óolta'an bey Mono arañae', ku taal ti' u ma'axilo'ob Geoffroy, u científico k'aaba'e' Ateles geoffroyi yucatanensis. Le ma'axo'oba' ku kuxtalo'ob ich u k'áaxilo'ob u Petéenil Yucatán le je'ela ku méek'tantik Yucatán, Campeche yéetel Quintana Róo.

Ku kuxtalo'ob tu u k'ab le che'obo', tumen wáaj ku wéemelo'obe' je'el u jaantalo'ob tumen ulák ba'alche'ob maas nuuktak ti' leti'ob.

Bixil

Bek'ech, mina'an u na' k'ab, le beetike' chéen kamp'éel u yaal u k'abo'ob, chowak u wíinkil, boox wáaj samal boox u tso'otsel, chowak u yooko'ob, keex 50 cm u ka'analil u baakel, u neje' ichil 60 tak 92 cm u chowakil jach mu'uk'a'an tumen yéetel ku máan tu k'ab le che'obo' yéetel ichil 7 tak 10 u aalil.