Ch'omak wáa ch'amak (káastelan t'aan: zorro gris, raposa): juntúul ba'alche' u yéet ch'i'ibal peek', xaklaankil u máan, yaan u mo'ol yéetel u ts'a'ay. Tuláakal u chowakil u wíinklal tak u neje' yaan kex jo'onáab ti'. K'as chowak u ni' yéetel t'eet'ech u xikin, u tso'otsele' k'aank'an buts'uknak yéetel piim, u neje' jach sop'okbal. Ich k'áax ku kajtal, ba'ale' tumeen ku chukik ch'íich' wáa mejen ba'alche' u jaantej yaan k'iine' ku náats'al ti' kajtalil wáa ti' kaaj u chuk kaax.
