Wp/xmm/Sistim Matahari

Gambar torang pe Sistem Matahari, mar depe jarak nyanda iko pa jarak asli.

Sistim Matahari tu satu grup barang di luar langit yang ada taiko pa Matahari pe daya hele lantaran Matahari pe basar kong depe daya hele lei basar kwa, jadi samua yang ada di dalang Sistim Matahari ini ada bapontar di Matahari pe skitar. Sistim Matahari ada tabeking skitar 4,6 miliar taung ka blakang, tempo satu awang basar dari gas deng abu ada taancor kong dong mulai bapontar iko pa barang yang depe daya hele paling basar. Amper samua jadi Matahari, kong depe sisa-sisa jadi planet dan barang luar langit laeng. Ada dlapan planet basar di tongpe Sistem Matahari ni, rupa Merkurius, Venus, Bumi, Mars, Yupiter, Saturnus, Uranus, deng Neptunus, kong ada lei bulan-bulan kacili yang ada bapontar skitar ni planet-planet. Ada lei planet kacili, asteroid, bintang ciri, meteor, dan abu langit. Tongpe Sistim Matahari ni satu bagean dari galaksi Bima Sakti.