Wp/wlx/Pope John Senior High School and Minor Seminary

Pope John Senior High School and Minor Seminary

high school

Inception	21 January 1958
Founded by	Joseph Oliver Bowers
Country	Ghana
Located in the administrative territorial entity	Koforidua
Coordinate location	6°6′15″N 0°16′12″W
Operator	Ghana Education Service
Street address	Koforidua-Nsutam Rd, Koforidua
Postal code	4P3J+974, Koforidua-Nsutam Rd, Koforidua
Phone number	+233243158858
Email address	mailto:ppopejohnshs@yahoo.com
Official website	http://www.popejohnshs.edu.gh
School district	Effiduase

Pope John Senior High School and Minor Seminary (POJOSS), ʋ da bʋɔna la St. John's Seminary and College, ʋ ɩyɛ Catholic bidaba-jaa mine aŋ maŋ yi deo ka mine kpeɛra be karɩmbʋjie aŋ be Effiduase puoŋ, Koforidua, aŋ be a Estern Region Gaana pouŋ. Bishop Joseph Oliver Bowers of the Society of the Divine Word (SVD) la wane a karɩmbʋjie ŋa 1958 puoŋ, bidaba aŋ da pʋɔra ka ba lɛo faaramine la da daŋ piili a karɩmbʋjie ŋa, gaŋ a jaa a Catholic misa biihi aŋ bʋɔra faaramine lɛʋbʋ.

Karɩŋ nɔɛ mine aŋ be a karɩmbʋjie ŋa la General arts, General science, Business, anɩŋ Visual arts. Ba yɛlnyɔgeraa la ka ba nare karɩmbiihi ka ba tõɔ sɛo a West African Senior School Certificate Examination (WASSCE), ka ba na nyɛ vuo a tõɔ gaa karɩmbʋji-kpɔŋ aŋ be a Gaana puoŋ. A karɩmbiihi yaga taɛ wo bidaba 2,100 , ba da bʋɔna ba la ka "Pojomma", chɛ bʋɔna karɩmbi-kori meŋ ka "POJOBA", ka ba maŋ sage ka "Daasebre" a e wo yipage la kubo ka ba maŋ de banna nɩŋ taa. Pope John Senior High la di a Prestigious National Science and Maths Quiz a 2001 yuoni puoŋ Gaanaŋ.

Teŋkoriŋ yɛla

8 November 1953 daare, Bishop Joseph Oliver Bowers, Catholic Bishop koree a ko Accra Diocese , wa la Juaben Traditional Area jipaala aŋ be Ghana's Eastern Region Naaŋmeŋ puori yɛla. Ʋ waabʋ nɩ pouŋ, ʋ nɩ Nana Frempong Moposo II da di la dama, a tege naa, aŋ da vɛŋ ka ba nyɛ teŋgbagu yi Effiduase, Koforidua, a Roman Catholic misa puohuu yɛla.

1955 aŋ piili ba kɔɔhɩ, Bishop Bowers da nyɛ la hakɩla ka ʋ yuo faara mine karɩmbʋji-bile a Accra Diocese teŋgbaguŋ. Father Anthony Bauer anɩŋ Father Henk Janseen da kaa la a teŋgbagu, ka ba kaabʋ nɩ da soŋ la a misa baabʋ. A jie mɛebʋ da piili la January 1955, Fr. Jude SVD, Dr. Balduricus, anɩŋ Dr. Lucian Orians la da mɛ karɩnderi, kpɛjiihi, anɩŋ ɔfɩsɩhɩ 1957 piileeŋ, Dr. Damian Brockmann, SVD, la mɛ a science defɔrɔ, apuoriŋ baŋ lɛohʋʋ karɩmbiihi jɛŋjie a bʋɔna ʋ ka Elsbend House, ba karɩŋ-juji-koroo yuori la bɩla.

October 1957, Bishop Bowers da kaa ɩhɩ la Rev. Fr. Alphonse Elsbend ka ʋ ɩ karɩŋjuji-fɔrɔ anɩŋ a karɩmbʋ jie jaa nɩŋkpɔŋ, Rev. John O'Sullivan, Rev. Joseph Skorupka, anɩŋ Bismark Sosu mɩŋ da soŋ pʋɔ yɛŋ. Ba da mɛ la a karɩmbʋjie misa baahɩ 1958 puoŋ.

Yuoro

21 January 1958 daare, St. John's Seminary anɩŋ College officially da yuo yɛŋ anɩŋ karɩmbiihi 45, ka karɩmbiihi 14 da kpɛɩra a karɩmbʋjie chɛ ka 31 mɩŋ maŋ yi deo a gare lampɛga ayi. A piilee karɩmamine da laŋ la taa ka bisopu da ihi SVD faara mine bata anɩŋ Gaana karɩma kaga nuŋyeni aŋ ba kanɩ yaga, Mr. Paul Ohene-Boakye, aŋ da soŋ a karɩmbiihi karɩmbʋ yɛla, anɩŋ ŋmeŋ puohi yɛla.

June 1958 puoŋ, ba de la £45 tage fintindigilii wanɩŋ a karɩmbʋjie. A wagɩrɩ ŋa puo, a karɩmbʋjie karɩmbiihi da baa yɛŋ ta 113, a paahi faara karɩmbiihi 23 anɩŋ karɩmbiihi 90 aŋ maŋ yi deo wa.

Pius Kpeglo, a karɩmbiihi nuŋkpɔŋ a ko faara mine anɩŋ a karɩmbʋjie, da baahi la ʋ G.C.E. tɛɛsɩ soŋ jaa chɛ da nyɛ junoɔ ana tɩ kanɩ philosophy anɩŋ theology a Diocesan Seminary aŋ be Regensburg, Germany puoŋ, 7 August 1961 daare ʋŋ da gaa.

Yuori Lɛʋhɩbʋ anɩŋ Gɔmɩnantɩ Deɛ Soobu

A yi 1958 tɩ tɔ 1968, St. John's College da ɩ la sommɩga Catholic karɩmbʋjie ka neɛ aŋ da wanɩ ʋ la a Catholic Diocese of Accra anɩŋ karɩmbiihi juyao. Anɩŋ a lɛ jaa, libi-yɛla aŋ da ɩ toɔ baŋ na kaara nɩŋ a karɩmbʋjie da vɛŋ yɛŋ ka Father Fredrichs, a karɩmajuji-yiiluŋ, anɩŋ Bishop Joseph Oliver Bowers aŋ da sage, ka ba lɛʋhɩ a karɩmbʋjie ka ʋ lɛʋ Gaana gɔmɩnantɩ karɩmbʋjie a be Ministry of Education jieŋ.

1 September 1968 daare, a karɩmbʋjie da kpɛ la a Ghana Education Service ka gɔmɩnantɩ kaara ʋ baabʋ yɛla. A yuori da lɛʋhɩ gaa la Pope John Secondary School anɩŋ Junior Seminary ka ʋ nɩŋ Catholic karɩmbʋjie aŋ be Gaana ka ʋ yuori di St. John na tarɩ tɛgɩraa. A yopaalaa ŋa Pope John XXIII yuori la baŋ dɩ kʋʋ, ʋ na la da bʋɔŋ Second Vatican Council lantaa, chɛ ba da naŋ tʋna la a tʋnkori nɩ a sommɩga deme aŋ da tʋna.

A tuuro a 2007 Gaana karɩmbʋjiihi Gaana yidaandao koruu John Kufuor aŋ da maali sɛgɩhɩ, a karɩmbʋjie yuori da lɛʋhɩ gaa la Pope John Senior High School anɩŋ Minor Seminary.

Baabʋ anɩŋ Yɛlɩbʋ

A Society of the Divine Word (SVD) Faara mine aŋ da piili a karɩmbʋjie ŋa ka Bishop Joseph Oliver Bowers da kaara ba jaa ju da soŋ yɛŋ ka Pope John Senior High School anɩŋ Minor Seminary baa. July 1992 puoŋ, ka Roman Catholic Diocese aŋ be Koforidua puoŋ da mɛ, chɛ deɛ ba mɩga yi a Metropolitan Roman Catholic Archdiocese of Accra jie. Rev. Dr. Charles G. Palmer-Buckle la da ɩ Bishopu fɔrɔ a ko a diocese paalaa, ʋna la da kaara a karɩmbʋjie a Ecclesiastical Province of Accra saga.

A karɩmbʋjie taa la karɩmamine 92 aŋ kana anɩŋ karɩmamine 85 aŋ ba wulo karɩmbiihi. Karɩmbiihi 2,000 la da kpeɛra a karɩmbʋjieŋ, a paahi faarabi-paanɩ 100. Ʋŋ da mɛ jaa, karɩmbiihi ta wo 8,000 la da baahɩ a karɩmbʋjie, ka karɩmbiihi noɔrɩ gaŋ wo 100 a mɩŋ lɛʋ Catholic faara mine.

Karɩmbʋ ji-ahaa

2012 yuoni puo, a karɩmbʋjie da ahi la 9th a WASSCE vuo saga nɩ baŋ da laŋ a karɩmbʋjiihi jaa taa ayi a fɔrɔ tɩ tɔ a baahaa (Education in Koforidua) anɩŋ POJOSS da nyɛ la junoɔ a karɩmbʋ kyaakyaa ŋmɩ puo.

Chɔɔtaahɩ, bambʋ

• VALCO Soccer Tournament (1999) (fɔrɔ)
• National Science and Maths Quiz (2001) (fɔrɔ)
• VALCO Soccer Tournament (2002) (fɔrɔ)

• 

  Project Citizen National Showcase (2011) (taalʋŋ sʋba)
• Ghana Youth Forum Debate (2012) (Fɔrɔ)
• National Independence Debate Championship (2013) (fɔrɔ)
• Yiiluŋ sʋba a Prestigious Sharks Quiz 2019 puoŋ.

Karɩmamine baŋ baŋ

• Charles G. Palmer-Buckle (chaplain anɩŋ karɩma koree)

Notable alumni

This section needs additional citations for verification. Please help improve this article by adding citations to reliable sources in this section. Unsourced material may be challenged and removed. (October 2015)

Ŋmeŋ-puohi nɩŋkpɔŋ

• Archbishop Charles G. Palmer- Buckle, Metropolitan Archbishop of Cape Coast

Pɔltɩɩsɩ, gɔmɩnantɩ, anɩŋ gbaŋgbali yɛlnyɔgɩrɩhɩ

• Samuel Nuamah Donkor, MP koree a kʋ New Juaben North, Minister of Health and Ashanti Regional Minister
• Edward Omane Boamah, Minister of Defence
• Ebenezer Okletey Terlabi, MP a kʋ Lower Manya Krobo anɩŋ Deputy Minister of Interior
• Kojo Oppong Nkrumah, MP a kʋ Ofoase-Ayirebi constituency anɩŋ Former Minister of Information
• Paul Apreku Twum Barimah, Politician anɩŋ Former MP a kʋ Dormaa East constituency in the Eighth Parliament of the Fourth Republic of Ghana
• Kingsley Agyemang, MP a kʋ Akim Abuakwa South (Ghana parliament constituency)
• Nana Osei-Adjei, MP a kʋ New Juaben North (Ghana parliament constituency)
• Titus Kofi Beyuo, MP a kʋ Lambussie Constituency
• Franklin Cudjoe, neɛ aŋ wane IMANI Centre for Policy and Education chɛ la ɩ ba yidaandao
• Kwame Akuffo Anoff-Ntow, Director General of the Ghana Broadcasting Corporation koree

bɩgɩmaaliba

• Joseph Boateng Danquah, Former Chief of Defense Staff (CDS) of the Ghana Armed Forces chɛ la ɩ Member of Council of State
• Major General William Omane Agyekum, Commandant of Military Academy and Training Schools
• Brigadier General Kweku Asamoah Yeboah, Director General of International Peace Support Operations, Ghana Armed Forces

Karɩmbʋ

• William Otoo Ellis, former Vice Chancellor of KNUST

Nʋɔrɩyeni, yaakʋ, anɩŋ libie

• Maxwell Opoku-Afari, Economist chɛ la ɩ Deputy Governor of the Bank of Ghana fɔrɔ koree.

NNɩmbipɛlɩ

• D-Black, Hip-hop yieŋŋme karaa anɩŋ yaakʋ daana
• Ibrahim Mahama (yieli ŋmera), Yieli sɛʋra anɩŋ Artist of monumental installations

Kaa chɛ mɩŋ nyɛ

• Ministry of Education (Ghana)
• Sɛkɔndɩrɩ karɩmbʋjiihi yoe aŋ bi Gaanaŋ
• Joseph Oliver Bowers
• Karɩmbʋjiihi aŋ bi Gaanaŋ