Wp/wlx/Akua Donkor

Akua Donkor

human

Sex or gender	female
Country of citizenship	Ghana
Given name	Akua
Family name	Donkor
Date of birth	February 1952
Date of death	28 October 2024
Place of death	Accra
Languages spoken, written or signed	English
Occupation	farmer, politician

Akua Donkor da ɩ yɛ Gaana deme pɔlɩtɩɩsɩɛŋ anɩŋ kʋɔraa. Akua Donkor da ɩ yɛ nιɛ aŋ waanιŋ a paati ŋa baŋ bʋɔna ka Ghana Freedom Party (G.F.P.). Akua ι yɛ nιŋkpιɛŋaa kaŋa aŋ bι a Gaana deme pɔlιtιs puoŋ, a yi a ʋ nʋba milimbu anιŋ a ʋ nʋba puo yɛla yelιbʋ juŋ . O da nyɛɛ la gyeremɛ mine yi a o noɔre yelyelii ko a o paati yeltare ane koɔbo yeltare meŋ.

Akua Donkor Net Worth

Yɛlɛ mine kyaare Akua Donkor’s teŋɛ zu boɔbo bee bondaanoo ba maale yi yeŋe lɛ, kyɛ nyaabo wuloŋ ka o libii ane o bondaanoo zaa na baŋ ta la $2 miliyoŋ . O naŋ e  poletesean ane koɔraa, o bondaanoŋ yaga zaa zie yi la a o poletese ane a o koɔbo toma zie.

Nyɔvooroŋ dendenga

Akua Donkor dogibu wagri e la February 1952 ane ‘yire Ejuratia naŋ be a Afigya Kwabre District naŋ be Ashanti Region ko Ghana (pampana a Gold Coast) o toma da e la cocoa kuobo kye noba da bang ka o taa sakuri wulibo bambo

Meŋɛ Nyɔvooroŋ

Akua Donkor dɔgɛɛ pɔgeyayeni ka o yuori la Ama Serwaa Bonsu.

Pɔletese

Akua Donkor a piiluu saŋa da eɛ lampega kanga pɔge ko a Heman electoral area naŋ be a Afigya Kwabre District naŋ be Ashanti Region.

2012 vootu yuoni poɔ.

O da are la o yoŋ a naasaale maŋ boɔle ka "independent presidential candidate" a 2012 vootu yuoni poɔ ka o na tõɔ e president ko a Ghana, kyɛ a Electoral Commission da ba sage de o ka o are o paati gbɛbogri bonso, o da ba tõɔ tu a tuuroŋ kyaare a vootu yɛlɛ ka a ta kyɔŋkyɔŋ. Ka o da leɛ teɛ Paa Kwesi Nduom naŋ be a Progressive People's Party.

2016 vootu

A January, kyuu poɔ a vootu vuoŋ, Donkor GFP yikpoŋ bezie la Kabu naŋ be a Eastern Region da nyɔgɛɛ vūū di. Yele yɛlɛ kyaare a saammo, Donkor da yeli ka a vūū da eɛ bone naŋ boɔrɔ ka o bare a perɛsedɛn kogo boɔbo kyɛ o naŋ are la a Ghana yuori eŋɛ .

Neŋ a lɛ zaa, a October beri pie a 2016 poɔ, a Ghana Electoral Commission da terɛɛ duoruu kyaare ba naŋ ba tõɔ de Akua Donkor ka are o paati gbɛbogriŋ a perɛsedɛn boɔbo sobie poɔ, ayu a noba pie ne ayi meŋ naŋ da boɔrɔ a presedɛn kogi ka ba are a 7 December vootu bebiri . O da yeleŋ ka a o kogi are gama da paale neŋ la yeslsaama naŋ da taa teɛwuluu yi a Electoral Commission deme zie. O da boɔlɛɛ o paati biiri ane a paati nembɛrɛ naŋ be a paati poɔ yeli ko ba ka ba ta bare teɛroŋ ka a paati naŋ la leɛ wa la a2020 vootu yuoni poɔ, ka o da la are bɔ a presedɛn kogo.

2020 vootu

A 2020 poɔ, Donkor da paalɛɛ a pɔgeba bata na naŋ da are boɔ a presedɛn kogi a 2020 presidential vootu yuoni poɔ. Ayi a noba pie ne ayi naŋ da are ka ba boɔrɔ la a presedɛn kogi, ona la da e a banuu soba.

2024 vootu yuoni

Donkor da sɛgɛɛ a o gama ka o da are a 2024 presidential vootu a tõɔ di presedɛn, ba da e noba bata tuuro a ballot pepa.

Saŋa kaŋa, Donkor da naŋ boɔrɔ ka o da de John Dramani Mahama, a 2024 presidential kogi ara a National Democratic Congress, yi yɛlɛ mine o naŋ da yeli kyaare neŋ a o gama ba sagedeebo kyaare a presidential kogi a "Inter-Party Advisory Committee" kpaaroŋ naŋ da e a October bebie pie ne anuu 2024 a Accra poɔ.

A Ghana Freedom Party (GFP) yuori naŋ e Philip Appiah Kubi a da e a presedɛn a wa leɛrɛ ko Akua, o da ba taa sagedeebo yi a gama naŋ da taa yelsaama yelbale duoruu mine.

Kampee Noɔre Polloo

Donkor noɔre polloo da ela ka o di tungning ku zaala wulibu yelitaree bambo a yi zannoo baŋ maŋ boɔlɔ ka 'free education' dendeng gaa nimbituori sakuuri karimbo.

O noɔre polloo kaŋa meŋ da la, ka o na iri la libiyɔɔ ŋa ba naŋ maŋ boɔlɔ ka "import taxes" bare ka lɛ soŋ ka noba yaga maŋ toɔŋ daara boma waana a paaloo poɔ. O la yeli ka o na waane la yeli kaŋa baŋ boɔlɔ ka 'free zone' a Tema Pɔɔte poɔ ka waa mɔlɔ ko boŋkoɔreba tegerɛ ka dadi yɛli do saa a paaloo poɔ. Ŋaa, ka o yeli, da taa la nyaamo ko a Ghana kyɔɔtaare teseŋ gold, cocoa, kyoomo, kãã ane yaaroŋ. O meŋ yelee yɛlɛ ko a Ghana naŋ na maŋ maale o omeŋɛ kyɔɔtaare ka a yi tona , te gaŋ a zaa a te crude oil.Donkor da yeli ka Muammar Gaddafi naŋ da be Libya paaloŋ ka o da e la neɛ na o naŋ da zanna pɔletese yɛlɛ o zie. A da taa kpaamo yi Libyan wederɛ ŋa zie, Donkor yeli ka Ghana seŋɛɛ ka o de o meŋ maana neŋ a northern Africa tenne.

O meŋ da la boɔrɔ la ka a teŋɛ da vootu iri a ba pɔge dɛndɛŋ naŋ na e perɛsedɛn a Gaana poɔ, a da yeli ka pɔgeba taa la sori ka ba soŋ a teŋɛ baabo yeltare poɔ.

Akua Donkor Serɛɛ

Akua Donkor kuli la serɛ, kyɛ duoruu kyaare a o serɛ ba maale kyaane noba yaga zie ka ba na baŋ o lɛ.

Akua Donkor Dɔgereba

Duoruu kyaare a o dɔgereba ba maale ŋmɛ yaare ko andonɛɛ bammo lɛ.

Duoruu meŋ kyaare a o yɔɔ mine ba maale ŋmɛ yaare ko andonɛɛ bammo meŋ.

Akua Donkor Kūū

Akua Donkor, da e la posaana o naŋ da kpi yendaare, October bebie lezare ne anii daare 2024 yuoni poɔ, a yi o naŋ da le baaloŋ bilee kaŋa a da gaŋ Ridge Hospital be o naŋ da gaa sammo ayi baaloŋ bilee kaŋa ba naŋ da yeli ka o le a kampee vuo poɔ, kyaare a kyakya naŋ be a o nimitɔɔre a 2024 Ghana gbuli zaa vootu poɔ ba naŋ maŋ boɔlɔ ka '2024 Ghanaian general election'. Ba da peɛre nyɛ la poɔ baaloŋ mine la da taa o.