Wp/wls/Vikipetia

From Wikimedia Incubator
< Wp‎ | wls(Redirected from Wp/wls/Wikipedia)
Wp > wls > Vikipetia

Tona kamata[edit | edit source]

Ko te Vikipetia ko he gaue fakamahino tau'ateaina o te 'atu kupu i te neti. E tānaki ai fa'ahiga fakamatala fakamahino kehekehe ne'e tohi e te kaiga e fia tokoni ki te gaue. Ne'e fa'u i te 'aho 15 o Sanualio 2001 e te 'u tagata amelika ko Jimmy Wales mo Larry Sanger. Pea ne'e faka'aoga'i e naua te kupu mai Havai'i ko 'wiki' (vave) ki te fakahigoa o tana gaue he ne'e ko tana faka'amu ke vave te kumi mo te ma'u o ni koga e fia mahino kita ki ai i te 'u pasina o te Vikipetia.

Tona fakaha'ele[edit | edit source]

E ko te Vikipedia e ko he gaue fakatahi e fa'ufa'u e te takitokotahi pea e ateaina tona faka'aoga'i.

E lau ki te 53 miliona te 'u pasina kua fa'u i te Vikipetia pea kua hiki i te'u lea fakafenua e 300 ape.

E lau ki te 1.5 miliale te kaiga e lava mai o lau te pasina o Vikipetia i te mahina.

I te lea faka'uvea[edit | edit source]

I te ta'u 2006, ne'e fai he kole ki te pilo taki ke 'avahi he Vikipetia i te lea faka'uvea. E mahino mai ite 'aho 13 o Maio 2020, ko pasina e 62 i te lea faka'uvea kua tohi. E fakalogo pe kia kita e poto i te faka'uvea tona kataki mai o tokoni ki te gaue.

Kei lolotoga 'ahi'ahi nei te koga aeni pea e sivi fakahagatonu mai te pilo taki o Vikipetia. Hoki lahi teu pasina ite lea faka'uvea pea fakamo'oni ai leva te 'avahi o he Vikipetia i te lea fakafenua o te kaiga o 'Uvea.

I te Pasifika, kua avahi te Vikipetia i te 'u lea fakatoga, fakaha'amoa, fakamāori, fakahavaiki, fakafisi, fakatahisi, pisilama, tokepisine pea i te 'u lea fakafenua o Kuame, Naulu, Nolefoke mo Pitikene. Kua toe avahi mo te 'u pasina fakateuteu Wikipedia Incubator i te 'u lea fakaniue, fakatuvalu, fakatokelau.