Wp/wls/Gao'i fakahaoga palalau faka'uvea
Mālō te ma'uli mo te kātaki,
E fakamanatu i te 'aho 21 o Fepualio te 'aho fakamālamanei o te 'u lea 'uluaki. 'E faka'afe atu koutou kaiga ki he ki'i gao'i fakahaoga palalau i te 'u lea fakafenua o 'Uvea mo Futuna.
GAO'I
[edit | edit source]Kātaki o puke mai aki tau telefoni he ki'i ata e ke tala mai ai:
1) tou higoa mo tou hau'aga.
2) pe ko'e e ma'uhiga kia koe te lea faka'uvea pe fakafutuna
3) pea ke vaevae mai mo he 'ilo'ilo faka'āfea e ke ta'ofi (fakamatala, fāgana, tākuga, ta'agalea, hiva, kole, me'e, kuka, kina, gelu, gaue kele)
TU'UTU'UNI
[edit | edit source]- Palalau faka'uvea pe fakafutuna ātea pē
- Faiga'i ke logo tou le'o mo asi mo ou mata
- Fakafuafua ke minuta 1:30-3:00 pē te ata
- Momoli mai te ki'i ata ki te tu'asila aeni: lea.fakauvea@gmail.com ia mu'a o te 'aho 20 o Malesio.
- E fakahā leva teu 'u ki'i ata i te pāsina neti o te Wikimedia
FAKAPALE
[edit | edit source]'E sivi ānai te 'u ki'i ata pea fili leva he tokotolu ke fakapale aki ni me'a 'ofa mai te 'u fale koloa i Mata'utu:
1. Teu tahi 20.000 F. (Chez Elisée)
2. Kato me'a kai: 15.000 F (JLS Magasins)
3. Kofu: 10.000 F (Chez Elisée)
Ko te ki'i gao'i aeni e tekeni e te kautahi o te Wikimedia.
Mālō te fia fagono mai.