Wp/wls/Digital Pasifik

From Wikimedia Incubator
< Wp‎ | wls
Wp > wls > Digital Pasifik

Ko te Digital Pasifik (Pasifika neti) ko te pāsina neti o te Fale Taupau Koloa o te Pasifika. Ko he gaue e fakapa'aga e te pilo felogo'i fakavaha'a fenua o Ositalalia (DFAT) pea e tu'ulaki e te Fale Taupau Tohi o Niusila o tekeni e te Fale Taupau Tohi o Ositalalia.

Ko he gaue ne'e 'uluaki fakapa'aga mai te 2019 ki Fepualio 2022 o vakavaka'i mu'a pe lava'i. Kua toe fakafo'ou e te pule'aga ositalalia tana fakapa'aga o te gaue i te 2023 ke fakagafua te fai folau mo felave'i ma'uli a te kau gaue mo nātou e le'o fenua i te atu motu o te Pasifika.

'Uhiga o te gaue[edit | edit source]

Ko te faka'amu a te kau gaue o te Digital Pasifik ke nātou tokoni ki te kaiga o te Pasifika, ke lava hānatou mamata mo ma'u logo ki te atu koloa o Oseania e taupau i ihi atu fenua matāpule.

E lahi te 'u koloa ma'uhiga o te Pasfika ne'e ave i te 'u ta'u kua hili atu ki Eulopa, Amelika, Ositalalia, Niusila mo ihi atu potu o mālamanei pea e fia tokoni te Digital Pasifik ki te tohitohi, te fakamahino mo te vaevae o te hisitolia o te 'u koloa aia kua ma'u e ihi atu haha'i. Ko te faka'amu ke fia ilo'i mo mamana te kaiga o te Pasifika ki te 'u koloa tukuholo aia o nātou i tai atu.

Fakatu'utu'u gaue[edit | edit source]

Ko te laga mo te fakaha'ele o te pāsina e fakahoko pe o fakalogo ki te 'u kole e fai age e te haha'i o te Pasifika. Koeni vaega tāfito o te gaue e tulikaki:

  • Tekeni ki te kaiga ne'e vaevae paaki, ata, hiva, tohi mo fakamatala ke fakafo'ou mo fakatokatoka te 'u pāsina kua hilifiki.
  • Kumi ni tahi 'u kaiga mo fale gaue fo'ou e fia tokoni ki te Digital Pasifik i te atu motu o te Pasifika mo tai atu.
  • Fakakaukau mo fakatu'u ni me'a gauee fo'ou i te pāsina o fakalogo ki te 'u talamanatu ne'e fai age ki ai e te haha'i e nātou faka'aoga te site pea mo te kau tufuga fa'u pāsina e tokoni age.
  • Kumi logo mo felogo'i mo te kaiga fai ako pea mo te kau tupulaga o te Pasifika o feiai pe mo te 'u fāmili, kautahi mo haha'i fekumi e gaue mai ki te atu motu o te Pasifika.
  • Fakasiosio mo fakafuafua te faka'aoga o te pāsina ki te hoko atu.

We hope that this site will serve as a bridge between the authority of institutions, who often hold and preserve these items and records, and the mana and kawa of the people of the Pacific.

Lagiaki[edit | edit source]

Ko te kau gaue o te Digital Pasifik e gaue mai te Fale Taupau Tohi o Niusila i te kolo o Wellington pea koeni onātou 'u higoa:

  • Tim Kong, pule taki (ha'u'aga: fisi, siaina, pilitania)
  • Taputukura Raea, pule felogo'i (ha'u'aga: mauke, pamaiti, lalotoga, tahisi)
  • Ulu Afaese, tufuga 'utohila (ha'u'aga: ha'amoa)

Gaue kua fakahoko[edit | edit source]

I te 'aho 1 o Sunio 2023, e lau ki te :

  • 660 te kaiga, kautahi mo fale gaue e vaevae koloa mai ki te Digital Pasifik
  • 102,646 te 'u paaki kua vaevae
  • 24, 191 te 'u koloa kua vaevae
  • 8,347 te 'u ata kua vaevae
  • 16,852 te 'u le'o puke ne'e vaevae
  • 28,213 te 'u tohi ne'e vaevae
  • 9,236 te 'u mape ne'e vaevae

Matapuna[edit | edit source]