Wp/vmw/Koronaviiru

From Wikimedia Incubator
< Wp‎ | vmw
Wp > vmw > Koronaviiru

Eretta OlumwenkuEretta Exankiha Olimwenku Mutthaka oohimwa ni sooleeliha

             Koronaviirus (kovit-19)

koronaviius kovit-19, axiithu amosa ontanyerya iretta sa iphumu, ophottunwe mweeri a namuloko miili mwaakha wa 2019, elapo ya Oxiina muttetthe a epuruvinsiya ya Yuhan. Yoopaceryani muthinto ola wa mwaxiitthu koronaviiru oneleliwe mwaakha wa 1960.

Mwaaxitthu ola, onravihaniwa mwa imumulelo yapinaatamu ni axinama, masi oraviwa wa mwaxiitthu koronaviiru anitanyerya iretta khamosa-khamosa sinwereya vakhaani vakhaani ni sootepexa owereya, mawerewelo makina ti:  ettekuxa, owereya mmakhuvani, otthukumelasa, orapheeyasa, okootthomola mpakha okhuma ephome, ohoona osiva eyoolya ni otthiyana iphula okatthi omumulahu.

Mwaxiithu ola oraviwa manamuna oviirikana ntoko mophitaanani mutthu ni mukwaawe orina eretta eyo, mwa isene sa mutthu omurava, okotthomola, akhumana ni murettha orina, navahanaka mukhono, navara itthu nnakhala mapuro opwanyaneya awe, navahaanaka ipeeco, wala nphulani ni mmeyitthoni.Tho oniraviwa muhina moohitteivelana mutthu ni mukwaawe vaahiyerye emeeturu emosa nnumeya. Mwaaxiitthu ola oniikhala mapuro manceene ovirikana ntoko: mpheyoni, nipuro novariwa ni mulipo orina ni mapuro makina. Nihana wiikhapelela ni wunnuherya mikhalelo soowirattela, khuta nthu wala pinaatamo ohana ovaha mukhaliheryo awe wiira eretta ela ya koronaviiru ehimwara mwareye mulaponi, wala mmuttettheni, nilipiheryaka wikhapelela khuta mahiku ninyawaka ni maasi ni saphau, nnakhala ethuurya wakhuta okhathi, niwareke maaxikara wakhuta okathi mneettahu, nihivahaneke mukhono nirumeelaka ntata na mutthu ni mukwaawe ni orattela matata ahu ni alikora , ohiphiteeryana ni ohettakasa pure pure. Tivo varwaaya vulupalexa khuta pinaatamo wunuwiheke wiirattela ni osuwela wikhapelela irelaka mpaantha mwa ovuukula omwaramwareya eretta ela niirelaka ekumi ahu ni ekumi yanamuttettheni, maana koronaviiru eretta yoowopiha ni waakhuva wiiva. Nikasoope!