Wp/vmw/KUWATU NI NKHULE

Ekhayi khayi, kuwatu ni nikhule yaapakane onthamwene. Va nihikuni, aalakiheryana weetta nikwaha mpakha olaaku wa Otankanika. Va pin'yayasa kwaatu ahithamala maasi:

Maasi ala khareere! Ninrowa olapuwa sayi?

Nikhule naahakhula niiraka mukurnuxe murima. Nookhala opaka nikula nahu.

Sayi sayi?

Okhweya vo. Munninweha mattokhwa ole vale? Mirapa sawe sinnireerela opakela nikula.

Yaahipakasa nikula naya ya murapa a mattokhwa. Okathi ilikannaaya nikula yaahipurlela mmaasini ni etuphelamo mpuwa. Yeettaka siisale yaahivoliwasa.

Koovoliwa, aahihimya nikhule. E xeeni ninrowahu olya?

Muhixukhumeye. Nikula nahu eyoolya, aahakhula nikhule.

Ni woohipisavo aahipacerya owena murapa. Aahiwena mpakha opaka mwiithe muulupale ni maasi khunavolowa.

Nrowa nituphe - aahinyakula kwaatu.

Kanirakameenle okhopela - ahakhula nikhule. Nnaari mpakha wuuwu.

Kwaatu aanova maasi, masi aahilipiherya mpaka ophiya okhopela wa elaku ele. Nikhule naari nooneneva ni nootteliwa murima, kwaatu aari oowotta ni ohupaareya.

- nkinwerya tho - aahihimya kwaatu. - Kinimookhurani.

- Mukilipelele - aahihimya nikhule. Khamumphavela okikhura miyo oonanara kira? Kinrowa wiirapihasa omuro iwe ni kinootthika.

Kwaatu ahikupali. Nikhule naahirowa nihitthikatho.