Wp/vmw/Ithale Sá ephatthu ya amakhuwa (EMWALI WANAPAALA)

Emwali waanapaala

Yaari amwali wanapaala. Amwali awo yaari oorera, ni yaayipakela (wiikompela) ohilotta.

Inama saahima mutakhwani sootthuna orowa othela ni inaviliwa wa mukattamiho yoola wa ohilotta.

Khapa aahiwa mwaha ole ni aahivinya arowaka wuurya. Ahaakhuleliwa ni aahileeliwa wiira mukattamiho wa athiyana awo mmosa ohilotta. Nave awo ahaakhula awi eyo tahi etthu miyo kinoowerya waalottiha. Aathenlyaawe aahimalano mwiyeeri ni miyeeri, wiira so naari wiira sa naari, wiira so naari. Okhala wiira aari namaxaya amutokotoko a mmuro ni omokoni nihiku nimosa aahirowa woota miraakho ni ilema sawe. Vamuraakhoni aphwannye eheyiwe ekhwali nave mulemani okelemo mukhopo. Akuxa mukhopo aheyiha vamuraakhoni nave akuxa ekhwali avoleyiha mulemani khuta muraakho sintonko waakhalenlyaaya. Noophiya aharuma amwara awe wiira yoote. Ale orowa woota  omuro yaaphwannye ekhwali, omokoni yaaphwannye mukhopo, ehala eri ootikinixeya.

Etthukula sootesene enakhuwela erowaka owaani: maamoo, maamoo! koolanvwoo! Atthu yaahitikinixeya  anaamuttettheni ootheeni.

Ti vo, khapa oohisuweleyasa aawiwerya othela emwali wanapaala yeele yaavila otheliwa.